Die Deputierten der Westfriesischen Geiseln in Emden bevollmächtigen den Grafen Edzard I. von Ostfriesland zur Anwerbung von 600 bis 800 Soldaten.
Wy Abbeko von Euweshum, ritter, Hayo Repperda, provest unde hovetlinge tho Fermpsum unde ton Damme, unde Eyleko Onnsten, tho Sauwert hovetlinge, vulmechtige gedeputierden der junckhern unde hovetlinge bynnen Emedenn tho ghizell wesende, bekennen mit desen unsen openen besegelden breve voir alssweme, dat wi den edlen unde wolgebornen hern Edezardt, graven tho Oestfriesslandt etc., hebben gebeden unde vulmacht gegeven, bidden unde gheven vulmacht mit jegenwordigen unsen breve, van unsentwegen sess ader achte hundert krigesknechte, jodoch twehundert myn ader meer offte des van noden worde, ungeveerlich twe maendt tides tho des landes unde unser aller behoeff unde besten, ouck umme eine genaden uitgelachte pennnynghe tho bekamen, anthonemen, unde wes sine genaden derselven knechte halven handellen unde doende werdet, willen wy sine genaden alltidt schadeloess holden unde untheven sunder jenige argelist ader gheveerde. Des tho urkunde der wairheitt hebben wy Abbeko, Hayo unde Eylleko voirgenompt samptlichen unse ingesegelle upt spatium deses breves gedrucket. Amme dinxdage na corporis Christi, anno etc XCIXo. Eylke Onsta myt myn selves hant ghescreven umme affwesens myn seghels, dat ich noch hyerup wyl drucken.
