| Nummer:gus0093 | Datum:21. Aug. 1494 | Overlevering:Original | Vindplaats:Rep. 1 (Große Urkundensammlung), inv.nr. 0093 |
Quittung der Stadt Hamburg für die Grafen Edzard I. und Uko von Ostfriesland über 1000 lübische Mark.
Wij borgermeistere unnde radmanne der stadt Hamborgh bekennen unnde betugen opembar in desseme breve vor alssweme, dat de eddelenn wolgheborenn jungkher Idtzard unnde jungkher Uko, greven in Oestfreszland, unns to ganczer ghenoghe wol entrichtet unnde betalet hebbenn duszent Lubesche margk, de sze unns up dessenn ersten termyn up Pinghsten lestvorganghenn plichtigh weren, na szodane verhandell unnde eendracht eren gnaden unnde unns entwyschen van weghen der slote Emeden unnde Leerorde unnde der stad Emedenn anghenomen unnde belevet;[*] welker duszent Lubesche margk ere gnade to unnsser behoff den erszamen rade to Gronynghen hebben averantwordet, unnde segghenn ere gnade unnde ere erven van sodaner duszent Lubesche margk wegen qwyth, leddigh unnde loss in krafft desses breves. To orkunde myt unnszer stadt anhanghendem secrete vorszegelt. Ghegeven unnde gheschrevenn na der bord Cristi unnszes Heren veerteynhundert ime veer unnde neghentighstenn jar, up den eyn unnde twyntighstenn dagh in Augusto.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0093 |
| Jaar | 1494 |
| Datumcode | 2108 |