Hippeko in Strackholt verpfändet dem Junker Ulrich Cirksena sein Eigentum in Strackholt, Bagband, Timmel, Hatshausen und Oldendorf.

Ick Hippeko to Stracholte[*] enkenne unde betughe openbar in desseme openen breve vor alsweme, de ene zeen unde horen lesen, wo dat ick myne gnedighen juncheren, juncher Olrick to Gretsyl, Norden, Awerke, Emeden, Ezense, Berum etc., in Ostvreslande hovetling, unde sinen rechten ervent schal geven to broke 6 hundert copmans Rinscher gulden, als van weghen myns eghenen halses, den ick vorwracht unde vorboert hadde. Welker gelt ick Hippeko vorscr. deme ersamen mynen juncheren erben. edder sinen rechten ervent schal betalen to twen tyden, so hyrna gescreven steit; de helffte desser vorscr. summa nu to Paschen[*] erstkomende unde de ander helffte des anderen Paschen na datum desses breves; unde ick Hippeko vorscr. hebbe mynen gnedighen juncheren juncher Olrick erben. unde sine rechten ervent to underpande gesat hues unde hoff, erve unde werve, holt und moerlant, allent dat my unde myner husvrouwen unde mynen kinderen erffliken tohoret, dat sy beleghen, wart beleghen sy, to Stracholte, Bacbande, Tymmeln, Hatzehusen unde to Oldendorpe[*], by desser syd eder by ghener syde der Spetzen[*], wat men vor eschen mach, dar ick unde myn husvrouwe erve hebben. Weert saka (!), dat ick dyt vorscr. gelt nicht entrichtede unde betalde up sodane tyd als vorscr. is, so vorwilkore ick Hippeko alle myne erve unde myner husvrouwen myt krafft dusses breves, so dat juncher Olrick erben. unde sine rechten ervent moghen antasten unde holden sich an unse guder als vorscreven steit, de vorkopen unde vorsetten nach oren willen. In desser underpandinghe unde vorwilkoringhe weren mede an unde over de ersamen mans her Johan Munter, kummeldur to Bursmoniken, her Bernt, vicarius to Awerke, Emo, voghet to Norden, Ino Bawekena, Memmo Tetena to Bacbande, Wyad Suttena, Aylart unde Tammo upper borch to Stracholte; unde dessen tor merer tuchnisse der warheit hebben wii her Johan unde her Bernt vorscr. unse inghezegele umme bede willen an dussen breff ghehangen. Gegeven int jaer uns Heren M^oCCCC^oLIIII, des sondages Reminiscere.[*]

x

x

Archief	NStA
Fonds	Rep. 1 (Große Urkundensammlung)
Toegangsnummer	R001
Inventarisnr.	0019
Jaar	1454
Datumcode	Remini

x

x

x

Commentaar	Siegel verloren.

x

Edities	Editie naar dit exemplaar: oub0672.