| Nummer:gus0013 | Datum:5. Okt. 1447 | Overlevering:Original | Vindplaats:Rep. 1 (Große Urkundensammlung), inv.nr. 0013 |
Hero Abtesen in Greetsiel schenkt dem Häuptling Ulrich Cirksena Land im Kirchspiel Nesse.
Ik Here Abtesen, wonachtich in der Griet, bekenne unde betuge openbar in desseme breve vor allisweme, de en seen edder horen lesen, dat ik myt vryen willen, wolberadenen mode, sundes lives, kreffte myner viff synne, gheven hebbe unde gheve yeghenwardigen in unde myt krafft desses breves in aller besten wise unde forme, alse me giffte unde gave twischen levendigen luden plecht to donde, deme eddelen unde wolgheboren juncheren Ulrike to Berum, Norden, Ezense, Emeden, Aurike, Brokmerlande etc. hovetlinghe unde synen erven vifftehalff demede landes, alse de belegen sint up Dorpum[*] in Neesman kerspel, negest vifftehalff demeden, de dem de dem erben. juncher Ulrike tobehort in ener fennen, de Tiabberen nu vor enen de de de dem erben. Juncher Ulrike tobehort in ener fennen, de Tiabberen nu vor enen hureman under syk heefft to hure; welke vifftehalve demede my vormiddelst dode seligen Foulben myner moder erfliken sint anghestorven unde vorvallen. Hiir hebben an unde over ghewesen Affe Siben unde Heze Gayken. Vortmer hebbe ik gebeden de ersamen manne Ennen hovetlingk in der Gryet, her Alberde kerkheren darsulves, umme ere inghesegele to hangende vor dessen breff; unde wy Enne hovetlingk unde Albert kerkhere ergenant bekennen unde betugen openbare, dat wy to merer tuchnisse groter warheit unde vordir medewitticheit umme bede willen des erben. Heren unsse inghesegele witliken vor dessen breff hebben ghehangen. Int jar unssen Heren dusent verhundert seven unde verlich, des donnerdaghes vor sunte Victoris daghe.
x
| Archief | NStA |
|---|---|
| Fonds | Rep. 1 (Große Urkundensammlung) |
| Toegangsnummer | R001 |
| Inventarisnr. | 0013 |
| Jaar | 1447 |
| Datumcode | Barbar |