| Nummer:dik148a | Datum:27 okt. 1403 | Overlevering:Afschrift | Vindplaats:Arch. Abdij Dikninge, inv.nr. 1, fol. 41ar, reg. 148 |
Johan heer van Rune, knape, en zijn gebroeders Steven, Johan, Boldewijn en Rolef dragen voor buren te Lede over aan de abdij te Dyckenynge hunne grove tienden over Nyen Boeldyngegoet en over Wermbolt des Pelsers goed in de marke te Lede ghedynghet resp. op 2 stede Groninger mudden en op 1/2 schat rogge.
Wij Johan here van Rune, knape, Steven, Johan, Boldewyn ende Rolof, ghebroders, [toegevoegd in margine: Lede]
doen kundich allen luden in desen openen breve dat wi uut gueden birade ende onsen
vrien willen hebben vercoft voer ons ende onse rechte erfg. stedes vastes copes
al onsen teenden die van ons ghedinghet was jaerlix voer twee stede Gronyn-
gher mudde rogghen die wi hadden jaerlix over Nyen Boeldinghe guet ende
enen halven scat rogghen die wi hadden jaerlix over Wermbolt des Pelsers gu-
et to teenden gheleghen in der marke to Lede den abt ende den ghemenen con-
vent van Dickenynghe ende haren nacomene voer een summe gheldes die onsen rechten erfg. van
den abt ende den convent van Dickenynghe wal bitaelt is. Des hebbe wi ghe-
broders voerghenoemt mit samenderhant voer ons ende onsen rechten erfg.
den abt ende den ghemenen convent ende haren nacomene den stoc weder ghele-
ghet als van den tyenden of van den tween steden mudden ende van den halven scat
rogghen voerscr. to Lede in der marke voer den ghemenen buren als lantrecht
is. Ende hebben daermede den teenden of mudde ende den halven scat voerghenoemt
quijtgheschulden, opghelaten ende uut gueden willen overghegheven mit allen
vrijdoem den abt ende dat ghemene convent to Dickenynghe voers. erflic ende
ewelic to ghebruken ende to besitten sonder yemans wedersegghen ofte an-
sprake van ons ofte van onsen rechten erfg. Ende solen den abt ende den convent
ende haren nacomenen den voers. teende of mudde ende den halven scat vrij, ledich,
loes ende stede waren voer al dieghene die des teghen ons of onsen rechten erfg.
to lantrechte comen willen, hoe manich warve des to done ende noet is.
Al argelist ende nye vonde die an dessen voers. coep hinderen of scaden
moghen uutghesproken, rasure des breven, quessinghe der seghele niet
an desen breef to hinderen. Hier waren over ende an als dedingheslude Wes-
sel die Blomer, Coenraet die Schulte to Rune ende anders gueder lude ghe-
noech die desen voers. coep maecten mit hande ende mit monde. Ende
wij Johan heer van Rune, knape, Steven, Johan, Boldewijn ende Rolof ghe-
broders voers. willen dat dese voers. coep stede vast ende ewelic van ons ende
onsen rechten erfg. bliven sal. Soe hebbe wi Johan here van Rune, knape,
ende Steven voerghenoemt onse seghele tosamene an desen breef ghehan-
ghen voer onsen dree broders voers. ende ons selven ende onsen rechten erfg.
want onse voers. broders in der tijt ghene seghele en hadden. In enen tuych
der waerheit. Ghegheven in den jaer ons Heren dusent vierhondert
ende dree, op Sancte Symon ende Judas avont der apostelen.
doen kundich allen luden in desen openen breve dat wi uut gueden birade ende onsen
vrien willen hebben vercoft voer ons ende onse rechte erfg. stedes vastes copes
al onsen teenden die van ons ghedinghet was jaerlix voer twee stede Gronyn-
gher mudde rogghen die wi hadden jaerlix over Nyen Boeldinghe guet ende
enen halven scat rogghen die wi hadden jaerlix over Wermbolt des Pelsers gu-
et to teenden gheleghen in der marke to Lede den abt ende den ghemenen con-
vent van Dickenynghe ende haren nacomene voer een summe gheldes die onsen rechten erfg. van
den abt ende den convent van Dickenynghe wal bitaelt is. Des hebbe wi ghe-
broders voerghenoemt mit samenderhant voer ons ende onsen rechten erfg.
den abt ende den ghemenen convent ende haren nacomene den stoc weder ghele-
ghet als van den tyenden of van den tween steden mudden ende van den halven scat
rogghen voerscr. to Lede in der marke voer den ghemenen buren als lantrecht
is. Ende hebben daermede den teenden of mudde ende den halven scat voerghenoemt
quijtgheschulden, opghelaten ende uut gueden willen overghegheven mit allen
vrijdoem den abt ende dat ghemene convent to Dickenynghe voers. erflic ende
ewelic to ghebruken ende to besitten sonder yemans wedersegghen ofte an-
sprake van ons ofte van onsen rechten erfg. Ende solen den abt ende den convent
ende haren nacomenen den voers. teende of mudde ende den halven scat vrij, ledich,
loes ende stede waren voer al dieghene die des teghen ons of onsen rechten erfg.
to lantrechte comen willen, hoe manich warve des to done ende noet is.
Al argelist ende nye vonde die an dessen voers. coep hinderen of scaden
moghen uutghesproken, rasure des breven, quessinghe der seghele niet
an desen breef to hinderen. Hier waren over ende an als dedingheslude Wes-
sel die Blomer, Coenraet die Schulte to Rune ende anders gueder lude ghe-
noech die desen voers. coep maecten mit hande ende mit monde. Ende
wij Johan heer van Rune, knape, Steven, Johan, Boldewijn ende Rolof ghe-
broders voers. willen dat dese voers. coep stede vast ende ewelic van ons ende
onsen rechten erfg. bliven sal. Soe hebbe wi Johan here van Rune, knape,
ende Steven voerghenoemt onse seghele tosamene an desen breef ghehan-
ghen voer onsen dree broders voers. ende ons selven ende onsen rechten erfg.
want onse voers. broders in der tijt ghene seghele en hadden. In enen tuych
der waerheit. Ghegheven in den jaer ons Heren dusent vierhondert
ende dree, op Sancte Symon ende Judas avont der apostelen.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 1 |
| Fol.nr. | fol. 41ar |
| Regestnr. | 148 |
| Jaar | 1403 |
| Datumcode | vSimJud |