albert van ansen CysENsone draagt over aan de abdij te Dickenijnghe zijn aandeel in de smalle tienden over het goed der abdij te Spehoerne.

Ic, Albert van Ansen Cysen sone, make kund ende kenlic alien luden, die desen brief sullen sien of horen lesen, dat ic mit vryen willen ende mit gueden berade mijnre rechter erfghenamen hebbe vercoft ende vercope ende overghegheven erfliken ewelike ende ummermeer mijn aendeel van den smalen tienden, die ic hadde over des convents guet van Dickeninghe, dat gheleghen is to Spehoerne, den abt ende dat ghemene convent to Dickenijnghe om ene summe van ghelde, die my ende mynen erfghenamen wittelike ende wal bitaelt is, alsoe dat
ic of mijn erfghenamen nummermeer daerop spreken en solen. Ende ic, Albert voers., sal den convente voers. desen voers. tienden waren voer my, voer myne erfghenamen ende voer alle dieghene, die des to lantrechte comen willen, al arghelist uutghesproken, nye vonde, schoringhe des briefs, quessinghe des seghels. Hier hebben an ende over gheweest guede bescheydene luede als hierna bescreven staen: her Laurens, kercheer to Beylen, her Johan de Wachter, her Abbert Pigghen, Johan des Oelden, Rolof. sijn sone, Lefifert Bettinghe, Bole, sijn sone, ende anders gueder luede ghenoech. Voertmeer want ic, Albert voers., den voers. convent van Dickenijnghe desen voers. coep stede ende vast wil maken, soe heb ic, Albert Cysen sone voers., voer my ende voer myne erfghenamen miin seghel an desen brief ghehanghen in een tuych der waerheit. Ghegheven in den jaer ons Heren dusent vierhondert ende twee op sancte Lebuiensdach in den somer.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 52v
Regestnr.	145
Jaar	1402
Datumcode	TraLeb

x

x

Materiaal	perkament

x

Edities	O1118