De abdij te Dickenynghe geeft in erfpacht aan wolter morriaen en johan die vroude Toedranckerslant te Wenpenvene naast Schuringhelant, bezwaard met smalle tienden voor de abdij, tegen 2 1/, oud Fransch schild per jaar.

b) Aernt, by der onthengnisse Gods abt ende dat ghemene convent des cloesters van Dickenijnghe doen verstaen alien denghenen, die dessen brief sullen sien oft horen lesen, dat wy uutghedaen hebben een lant to Wenpenvene, is by oelden tyden gheheten Toedranckerslant, eerbaren luden Wolter Morriaen ende Johan den Vrouden ende horen erfghenamen tot enen erfpachtlande om derdenhalven olden Vranchricschen schilt of ander payment alsoe goet, welc lant voerscreven beleghet hevet dat cloester voerscreven an die oestsyde mijt seventyen dachmat hoylandes to waterwart, ende an die westsyde datselve cloester voerscreven mit Schuringhelant, toe bitalen jaerlix to Alrehilighen misse. In desser manieren, dat sie dat voerscreven lant niet splitten en sullen in veel delen noch vervreemden buten consente des abts ende des cloesters voerscreven. Ende wy sullen beholden over dat voerscreven lant onsen smalen tyenden, al arghelist uutghesproken. In oerkunde der waerheit soe hebbe wy desen brief beseghelt mit onsen seghele. Ende want wy, Wolter ende Johan voerscreven, bekennen,
dat desse vorwarde warachtich ende gherechtich sin, soe hebbe wy voer ons ende voer onse erfghenarnen dessen brief mit den abt ende mit den convente voerscreven open beseghelt mit onsen seghelen. Ghegheven in den jaer ons Heren dusent vierhondert ende een des Saterdaghes nae Onser Vrouwendach, in den latine gheheten Nativitas.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 57r
Regestnr.	140
Jaar	1401
Datumcode	SpNatMar

x

x

Materiaal	perkament

x

Edities	O1095