Eghert Mulert en Henric Winter schepenen in Halselt oorkonden, dat Johan LuDiKENSsone ter wille van zijne kinderen Lutgart en Aleyt overdroeg aan de abdij te Dickenynghen eene rente van 4 pond en l quaerte wijn als eerste pacht uit de halve weer van Sterke Berent. Met medebezegeling door J. Lz.

Wy, Eghert Mulert ende Henric Winter, schepene in Halselt in der tijt, doen kundich ende kenlich alien luden mit dessen openen brieve , dat voer ons quam , daer wy seten int schependoeme ende voer schepene, Johan Ludikenssone , mechtich sijns lijfs ende mit gueden berade , ende lyede , dat hy ghegheven hevet voer hem ende voer sijn erfghenamen den abt ende den ghemenen convent van Dickenijnghen erflic, ewelic ende ummermeer in die ere Codes ende om Lutgarde ende Aleyde willen, sijnre kinder, vier pond ende ene quaerte wijns des jaers gaende uyt sterke Berendes halvef were mit al oren tobehoerne als die gheleghen is, daer an die ene sijd bygheervet is Albert ter Poerten ende an die ander sijd Johan Mont, jaerlix to betalen die ene helfte to sante Micheel ende die ander helfte to Paeschen , ende droech den abt ende convente voers. desse vier pond ende quaerte wijns voerscreven jaerlicx daer voer ons up mit vertichnisse ende mit uplatinghe als ordel ende recht wisede ende ghewoenlic is, ende verteech alles rechtes ende ansprake, die hy of sijn erfghenamen daer ummermeer an hebben moghen , ende lovede den abt ende convent voerscreven desse vier pond ende quaerte wijns voerscreven te waren voer hem ende voer sijn erfghenamen ende voer alle ansprake voer alle dieghene, die des to rechte comen willen. Ende des sin vorwarde, dat uyt desser halver were voerscreven gheenrehande guide voer uytgaen en sal , ende dit sal die yrste pacht wesen, die daer uytgaen sal, al arghelist uytgheseghet. Hier weren an ende over als koernoten Maes ten Walle, Tydeken Stam , Otto Haghenbeke ende anders vele guder lude. In tuych der waerheit soe hebben wy, Eghert ende Henric schepene voers., onse
seghele an dessen brieff ghehanghen om bede willen van beyden zyden. Ende om der meerre vestenisse willen soe heb ic, Johan voers., mijn seghel mede an dessen brieff ghehanghen voer my ende voer mijn erfghenamen. Ghegheven int jaer ons Heren dusent drehondert neghen ende tneghentich des Manendaghes voer sante Lucasdach.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 26v
Regestnr.	137
Jaar	1399
Datumcode	LaLuce

x

x

Materiaal	perkament

x

Edities	O1044