| Nummer:dik132a | Datum:1 mei 1399 | Overlevering:Afschrift | Vindplaats:Arch. Abdij Dikninge, inv.nr. 1, fol. 56r, reg. 132 |
Wolter TYDEMANSzoen schulte in het kerspel van Weneperveen oorkondt, dat Johan die Vroude en Gheze e.l. overdroegen aan de abdij van Dic[ke]n[yn]ghe 9 mannemat in genoemd kerspel. Met bepaling dat de rente van l emmer boter ten behoeve der abdij uit dit land en ander, daarnaast gelegen en in eigendom verbleven aan Johan c.s., voortaan ten laste zal zijn van laatstgenoemd land; en met behoud van overweg wederzijds. Met medebezegeling door J. d. V.
Ic Wolter Tydemans zoen, indertijt een ghesworen schulte mijns leven heren
van Utrecht in den kerspel van Wenpervene, bekenne in dessen apenen brie-
ve dat voer mij ghecomen is in 't gherichte in enen ghehegheden heymael
daer ic dat gherichte sat to Wenpervene, Johan die Vroude ende Ghese, sijn
echte wijf, ende bekanden daer voer mij dat sie, voer hem ende voer hoer
rechte erfghenamen, in enen steden vasten erfcope erflike ende eweliken ver-
coft hadden den abt, prior, priorinnen ende den ghemenen convente van Dic-
kenynghe neghen mannemat, die ghelegen sin in de voerscr. kerspel van
Wenpervene ende beleghet heeft an die ene sijt Grote Coep mit sinen lan-
de, dat to heten plach Butickes lant, ende an die ander sijde beleghet hevet
Toedranckers lant mit al sinen toebehoren, voer ene summe gheldes die Johanne,
Ghesen voerscr. van den abt, prior, priorinnen ende den ghemenen convente
wittelike ende wal bitaelt is, daer ic selver over ende an ende bij was daer men
die bitalinghe dede. Ende Johan ende Ghese voerscr. verteghen daer voer mij
voer hem ende voer oer erfg. van den voerscr. lande erflic ende ewelic, toe
behoef des abts, priors, priorinnen ende des convents voerscr. ende droghent hem
up mit vertichnisse ende uplatinghe als ordel ende recht wijsde, alsoe dat
dit voerscr. lant den abbate, prior, priorinnen ende den convente voerscr. erfli-
ke ende ewlike vast bliven sal ende dat Johan ende Ghese sijn wijf oft
hoer erfg. oft neman van oere weghen daer meer up te spreken, oft te 't
wachten en hebben. Voert soe hebben Johan ende Ghese sijn wijf voerscr.
den abte, prior, priorinnen ende den convente voerscr. ghelovet voer hem ende voer
hoer erfg. dit voerscr. lant te waren voer een vrij eyghen lant, onbelast
van alre schulde tot dessen daghe to, voer alle dieghene die daer up to spre-
ken hebben ende des to rechte comen willen, als sie van rechte dat schuldich
sin te weren. Al arghelist hierin uytghesproken. Voert soe sin vorwarde
dat die emmer boteren die jaerlix ghinc uut dessen lande ende anderen lande
dat noch Johans ende Ghesen is, sal staende bliven up Johans ende Ghesen
anderen lande dat hieran gheleghen is tot des cloesters behoef van Dicke-
nynghe jaerlix, als die brieve spreken die daerof ghemaect sin, voert soe
sint vorwarde dat desse maede voerscr. ende Johans ende Ghesen ander lant
dat hieran gheleghen is, over malcanderen zullen hebben enen wech, uyt
ende in te varen in noedeliken saken, ten mynsten schade ende te bester
orbaer. Hier waren over ende an als tughe Aernt te Vaert, Heyne Baernts
ende anders gueder lude ghenoech. In oerkunde der waerheit ende om bede
willen van beyden zijden, want ic Wolter voerscr. hierover ghestaen
hebbe als een richter, soe heb ic desen beseghelt open mit minen seghele.
Ende want ic Johan die Vroude voerscr. wil ende begheer dat desse voerscr.
vorwarde stede ende vast bliven, soe heb ic voer mij, voer Ghesen mijn echte
wijf voerscr. ende voer mine erfg. dessen brief mede beseghelt myt mijnen
seghele. Ghegheven in den jaer ons Heren dusent driehondert neghenende-
neghentich, up Sente Walburghe dach.
van Utrecht in den kerspel van Wenpervene, bekenne in dessen apenen brie-
ve dat voer mij ghecomen is in 't gherichte in enen ghehegheden heymael
daer ic dat gherichte sat to Wenpervene, Johan die Vroude ende Ghese, sijn
echte wijf, ende bekanden daer voer mij dat sie, voer hem ende voer hoer
rechte erfghenamen, in enen steden vasten erfcope erflike ende eweliken ver-
coft hadden den abt, prior, priorinnen ende den ghemenen convente van Dic-
kenynghe neghen mannemat, die ghelegen sin in de voerscr. kerspel van
Wenpervene ende beleghet heeft an die ene sijt Grote Coep mit sinen lan-
de, dat to heten plach Butickes lant, ende an die ander sijde beleghet hevet
Toedranckers lant mit al sinen toebehoren, voer ene summe gheldes die Johanne,
Ghesen voerscr. van den abt, prior, priorinnen ende den ghemenen convente
wittelike ende wal bitaelt is, daer ic selver over ende an ende bij was daer men
die bitalinghe dede. Ende Johan ende Ghese voerscr. verteghen daer voer mij
voer hem ende voer oer erfg. van den voerscr. lande erflic ende ewelic, toe
behoef des abts, priors, priorinnen ende des convents voerscr. ende droghent hem
up mit vertichnisse ende uplatinghe als ordel ende recht wijsde, alsoe dat
dit voerscr. lant den abbate, prior, priorinnen ende den convente voerscr. erfli-
ke ende ewlike vast bliven sal ende dat Johan ende Ghese sijn wijf oft
hoer erfg. oft neman van oere weghen daer meer up te spreken, oft te 't
wachten en hebben. Voert soe hebben Johan ende Ghese sijn wijf voerscr.
den abte, prior, priorinnen ende den convente voerscr. ghelovet voer hem ende voer
hoer erfg. dit voerscr. lant te waren voer een vrij eyghen lant, onbelast
van alre schulde tot dessen daghe to, voer alle dieghene die daer up to spre-
ken hebben ende des to rechte comen willen, als sie van rechte dat schuldich
sin te weren. Al arghelist hierin uytghesproken. Voert soe sin vorwarde
dat die emmer boteren die jaerlix ghinc uut dessen lande ende anderen lande
dat noch Johans ende Ghesen is, sal staende bliven up Johans ende Ghesen
anderen lande dat hieran gheleghen is tot des cloesters behoef van Dicke-
nynghe jaerlix, als die brieve spreken die daerof ghemaect sin, voert soe
sint vorwarde dat desse maede voerscr. ende Johans ende Ghesen ander lant
dat hieran gheleghen is, over malcanderen zullen hebben enen wech, uyt
ende in te varen in noedeliken saken, ten mynsten schade ende te bester
orbaer. Hier waren over ende an als tughe Aernt te Vaert, Heyne Baernts
ende anders gueder lude ghenoech. In oerkunde der waerheit ende om bede
willen van beyden zijden, want ic Wolter voerscr. hierover ghestaen
hebbe als een richter, soe heb ic desen beseghelt open mit minen seghele.
Ende want ic Johan die Vroude voerscr. wil ende begheer dat desse voerscr.
vorwarde stede ende vast bliven, soe heb ic voer mij, voer Ghesen mijn echte
wijf voerscr. ende voer mine erfg. dessen brief mede beseghelt myt mijnen
seghele. Ghegheven in den jaer ons Heren dusent driehondert neghenende-
neghentich, up Sente Walburghe dach.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 1 |
| Fol.nr. | fol. 56r |
| Regestnr. | 132 |
| Jaar | 1399 |
| Datumcode | Walbur |