| Nummer:dik132 | Datum:1 mei 1399 | Overlevering:Origineel | Vindplaats:Arch. Abdij Dikninge, inv.nr. 184, reg. 132 |
Wolter TYDEMANSzoen schulte in het kerspel van Weneperveen oorkondt, dat Johan die Vroude en Gheze e.l. overdroegen aan de abdij van Dic[ke]n[yn]ghe 9 mannemat in genoemd kerspel. Met bepaling dat de rente van l emmer boter ten behoeve der abdij uit dit land en ander, daarnaast gelegen en in eigendom verbleven aan Johan c.s., voortaan ten laste zal zijn van laatstgenoemd land; en met behoud van overweg wederzijds. Met medebezegeling door J. d. V.
Ic, Wolter Tydemanszoen , in der tijt een ghezworen schulte mijns lieven heren van Utrecht [in] den kerspel van Weneperveen, bekenne in dessen
openen brieve, dat voer my ghecomen is int gherichte in enen ghehegheden heymale, d[a]er ic dat gherichte sat te We[e]npervene , Johan die
Vroude ende Gheze , zijn echte wijf , ende bekanden daer voer my , dat sie voer hem ende voer hoer rechte erfg[hen]amen in enen steden vasten erfcope erflike ende ewelike vercoft hadden den abt, prior, priorinnen ende den g[h]emenen convent[e] van Dic[kenyn]ghe neghen mannemat, die gheleghen sin in den voerscreven kerspel van Weenpervene ende belegh[e]t heeft an die ene z[ijjt grote Coep mit sinen lande, dat te heten plach Buetekeslant , ende an die ander zide beleghet h[ev]et Todra[n]keslant m[i]t al sinen tobehoren voer ene summe gheldes , die Johanne Ghezen voerscreven van den abt, prior, priorinnen ende den ghemenen convent[e] wal e[njde wittelike betaelt is, daer ic selve[r] over ende an ende by was, daer men die betalinghe dede. Ende Johan [en]de Gheze voerscreven verteghen daer voer my voer hem ende voer hoer erfghenamen van den voerscreven lande erflic ende ewelic to behoef des abts, priors, priorinnen ende des convents voerscreven, ende droghent hem op mit vertichnisse ende uplatinghe als ordel ende recht wijsde, also dat dit voerscreven lant den
abbate, prior, priorinnen ende den convente voerscreven erflike ende ewelike vast bliven sal
ende dat Johan ende Gheze, zijn wijf voerscreven, of hoer erfghenamen of neman van hoerre
weghen daer meer op te spreken of te wachten en hebben. Voert soe hebben Johan ende
Gheze, sijn wijf voerscreven, d[enj abbate, prior, priorinnen ende co[nv]ente voerscreven gheloeft
voer hem ende voer hoer erfghenamen dit voerscreven lant t[e] waren voer een vry eyghen
lant, onbeslet ende onbelast van alre schulde tot desen daghe to voer alle dieghene, die daerop
te spreken hebben ende des to rechte comen willen als sie van rechte dat schuldich sin te
waren. Alle arghelist hierinne uutghesproken. Voert soe sin vorworde, dat die emmer boteren,
die jaerlix ghinc uut desen lande ende anderen lande, dat noch Johans ende Ghezen voerscreven
is, sal staende bliven op Johans ende Gheze anderen lande, dat hieran gheleghen is, tot des
cloesters behoef van Dickenynghe jaerlix, als die brieve bespreken, die daerof [g]hemaect sin.
Voert soe sint voerwaerde, dat dese made voerscreven ende Johans ende Ghezen ander lant,
dat hieran gheleghen is, over malcanderen zullen hebben enen wech uut ende in te varen in
noedeliken zaken ten mynsten schade ende ter bester oerbaer. Hier waren over ende an als
tughe Arent ter Vaert, Heyne Baernts ende anders gueder lude ghenoech. In oerkunde der
waerheyt ende um bede willen van beyden ziden, want ic, Wolter voerscreven, hierover
ghestaen hebbe als een richter, soe heb ic desen brief bezeghelt open myt minen zeghel. Ende
want ic, Johan die Vroude voerscreven, wil ende begheer, dat desse voerscreven vorwaerde stede
ende vast bliven, soe heb ic voer my, voer Ghesen, mynen echten wive voerscreven, ende
voer myne erfghenamen desen breef mede bezeghelt myt mynen zeghele. Ghegheven in den
jaer ons Heren dusent driehondert neghen ende neghentich up sen[te] Walburghedach a).
openen brieve, dat voer my ghecomen is int gherichte in enen ghehegheden heymale, d[a]er ic dat gherichte sat te We[e]npervene , Johan die
Vroude ende Gheze , zijn echte wijf , ende bekanden daer voer my , dat sie voer hem ende voer hoer rechte erfg[hen]amen in enen steden vasten erfcope erflike ende ewelike vercoft hadden den abt, prior, priorinnen ende den g[h]emenen convent[e] van Dic[kenyn]ghe neghen mannemat, die gheleghen sin in den voerscreven kerspel van Weenpervene ende belegh[e]t heeft an die ene z[ijjt grote Coep mit sinen lande, dat te heten plach Buetekeslant , ende an die ander zide beleghet h[ev]et Todra[n]keslant m[i]t al sinen tobehoren voer ene summe gheldes , die Johanne Ghezen voerscreven van den abt, prior, priorinnen ende den ghemenen convent[e] wal e[njde wittelike betaelt is, daer ic selve[r] over ende an ende by was, daer men die betalinghe dede. Ende Johan [en]de Gheze voerscreven verteghen daer voer my voer hem ende voer hoer erfghenamen van den voerscreven lande erflic ende ewelic to behoef des abts, priors, priorinnen ende des convents voerscreven, ende droghent hem op mit vertichnisse ende uplatinghe als ordel ende recht wijsde, also dat dit voerscreven lant den
abbate, prior, priorinnen ende den convente voerscreven erflike ende ewelike vast bliven sal
ende dat Johan ende Gheze, zijn wijf voerscreven, of hoer erfghenamen of neman van hoerre
weghen daer meer op te spreken of te wachten en hebben. Voert soe hebben Johan ende
Gheze, sijn wijf voerscreven, d[enj abbate, prior, priorinnen ende co[nv]ente voerscreven gheloeft
voer hem ende voer hoer erfghenamen dit voerscreven lant t[e] waren voer een vry eyghen
lant, onbeslet ende onbelast van alre schulde tot desen daghe to voer alle dieghene, die daerop
te spreken hebben ende des to rechte comen willen als sie van rechte dat schuldich sin te
waren. Alle arghelist hierinne uutghesproken. Voert soe sin vorworde, dat die emmer boteren,
die jaerlix ghinc uut desen lande ende anderen lande, dat noch Johans ende Ghezen voerscreven
is, sal staende bliven op Johans ende Gheze anderen lande, dat hieran gheleghen is, tot des
cloesters behoef van Dickenynghe jaerlix, als die brieve bespreken, die daerof [g]hemaect sin.
Voert soe sint voerwaerde, dat dese made voerscreven ende Johans ende Ghezen ander lant,
dat hieran gheleghen is, over malcanderen zullen hebben enen wech uut ende in te varen in
noedeliken zaken ten mynsten schade ende ter bester oerbaer. Hier waren over ende an als
tughe Arent ter Vaert, Heyne Baernts ende anders gueder lude ghenoech. In oerkunde der
waerheyt ende um bede willen van beyden ziden, want ic, Wolter voerscreven, hierover
ghestaen hebbe als een richter, soe heb ic desen brief bezeghelt open myt minen zeghel. Ende
want ic, Johan die Vroude voerscreven, wil ende begheer, dat desse voerscreven vorwaerde stede
ende vast bliven, soe heb ic voer my, voer Ghesen, mynen echten wive voerscreven, ende
voer myne erfghenamen desen breef mede bezeghelt myt mynen zeghele. Ghegheven in den
jaer ons Heren dusent driehondert neghen ende neghentich up sen[te] Walburghedach a).
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 184 |
| Regestnr. | 132 |
| Jaar | 1399 |
| Datumcode | Walbur |