| Nummer:dik120 | Datum:1388 | Overlevering:Origineel | Vindplaats:Arch. Abdij Dikninge, inv.nr. 96, reg. 120 |
Heynric van Echten verkoopt aan Vrederic Lebbelinghe te Lede zijne grove tienden over Lebbelinghe-goet, over Es-doringhe-ghaerde en over een stuk lijnlant van 9 roeden.
C. Allen luden, die dessen brief zolen zien of horen lesen, doe ie verstaen, Heynric van Echten
, dat ie vercoft hebbe ende vercope mit dessen tieghenwordighen brieve voer my ende voer mine
rechte erfghenamen Vrederic Lebbelinghe to Lede ende sinen rechten erfghenamen alzolken groven tyende alse ie Heynric van Echten vorscreven ende mine rechte erfnamen hebben ghehadt over Lebbelinghegoet vorscreven ende over enen ghaerden, die gheheten is Esdoringheghaerde, ende over een stucke lijnlandes van neghen roeden, welc voerghen. tyende, ghaerde ende lijnlant ie, Heynric vorghen., quijt, vri, ledech ende los schelde, ende den iersten penninc mit den lesten witlic ende wal betaelt is, ende bekenne des, alle argheliste uutghespro-ken, nye vonde ochte olde, rasure des briefs, quetsinghe des zeghels of enygherhande zaken, die in dessen brieve Vredric vorscreven of zinen rechten erfnamen to hynder of to scaden comen moghe. Daer desse vorscreven vorwarden ghemaket worden, daer waren over ende aen, die [d]en coep hoven ende droeghen, Rolof van Echten, Laurens Bachuus to Runen, Eysse Tyin[gh]e ende Rolof Zanninghe to Lede. Ende omdat ie, Heynric van Echten vorscreven, wille, dat alle desse vorscreven vorwaerde vaste ende stade blive voer my ende voer mine rechte erfnamen, so hebbe ie dessen brief bezeghelt mit minen zeghel in kennisse der waerheit. Ghegheven int [jaejr ons Heren dusent driehondert ende ach te ende tachtentich.
, dat ie vercoft hebbe ende vercope mit dessen tieghenwordighen brieve voer my ende voer mine
rechte erfghenamen Vrederic Lebbelinghe to Lede ende sinen rechten erfghenamen alzolken groven tyende alse ie Heynric van Echten vorscreven ende mine rechte erfnamen hebben ghehadt over Lebbelinghegoet vorscreven ende over enen ghaerden, die gheheten is Esdoringheghaerde, ende over een stucke lijnlandes van neghen roeden, welc voerghen. tyende, ghaerde ende lijnlant ie, Heynric vorghen., quijt, vri, ledech ende los schelde, ende den iersten penninc mit den lesten witlic ende wal betaelt is, ende bekenne des, alle argheliste uutghespro-ken, nye vonde ochte olde, rasure des briefs, quetsinghe des zeghels of enygherhande zaken, die in dessen brieve Vredric vorscreven of zinen rechten erfnamen to hynder of to scaden comen moghe. Daer desse vorscreven vorwarden ghemaket worden, daer waren over ende aen, die [d]en coep hoven ende droeghen, Rolof van Echten, Laurens Bachuus to Runen, Eysse Tyin[gh]e ende Rolof Zanninghe to Lede. Ende omdat ie, Heynric van Echten vorscreven, wille, dat alle desse vorscreven vorwaerde vaste ende stade blive voer my ende voer mine rechte erfnamen, so hebbe ie dessen brief bezeghelt mit minen zeghel in kennisse der waerheit. Ghegheven int [jaejr ons Heren dusent driehondert ende ach te ende tachtentich.
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 96 |
| Regestnr. | 120 |
| Jaar | 1388 |