Henric Zuere schulte te Vollenhoe oorkondt, dat Lambert ten Broke opdroeg aan de abdij van Dickeninghe eene pacht van 6 Vollenhoofsche mudden rogge uit zijn goed te Cadolen in het kerspel van Vollenhoe. Met medebezegeling door L. t. B.

a) Ic, Henric Zuere, in der tijt schulte to Vollenhoe, make kond ende kenlic allen luden, die dessen brief sullen sien of horen lesen, dat voer my ghecomen is, daer ie to gherichte stont in enen ghehegheden heymael tot Vollenhoe voer der banc, ' Lambert ten Broke ende droech daer op mit sinen vryen willen voer hem ende voer siin rechte erfghenamen in mijnre tieghenwordicheit, als ordel ende recht wiseden, den abt van Dickeninghe ende den ghemenen convent vijf mudde rogghen jaerlix Vollenhoscher mate uyt sinen guede, dat hie to Cadolen ligghende heeft mit al sinen tobehoren, alst gheleghen is in den kerspel vari Vollenhoe, daer die dach van bitalinghe van den voerscreven rogghe of is jaerlix to sunte Marten in den winter oft achte daeghe daernae onbegrepen. Weert sake dat Lambert voerscreven of sijn erfghenamen dessen voerscreven rogghen niet en bitaelden op dessen voerscreven dach, als voerscreven is, soe mach die abt voers. of sin weldighe bode van des convents weghen voerscreven dessen voerscreven rogghen uytpanden uyt den voerscreven guede alst gheleghen is ghelike pacht. Al arghelist uytghesproken. Daer dit gheschede, daer waren over ende an Rolof ter Halle anders gheheten Wevel ende Johan die Backer ende anders veel gueder lude. In oerkunde der waerheit soe heb ie, Henric voerscreven, dessen brief biseghelt mit minen seghele aJs een richter om bede willen van beyden syden. Ende om die meerre vestenisse soe heb ie.
Lambert voerscreven, voer my ende voer myne erfgenamen mijn seghel an dessen briel ghehanghen. Ghegheven int jaer ons Heren MCCC ende vijf ende tachtentich des Vrydaghes nae onser Vrouwen to Lichtmisse.
b)

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 57v
Regestnr.	117
Jaar	1385
Datumcode	VpPurMar

x

x

Materiaal	perkament

x

Edities	O0741