Reynolt van den Cloestere, zijne vrouw Margrete en hun zoon Johan dragen over aan de abdij van Dickenijnghen hunne tienden over haar goed die Ghere in de marke van de Broechusen in het kerspel van Blydensteden.

Allen luden die dessen breef solen sien of horen lesen, doe wij verstaen Reynolt
van den Cloestere, Margrete, mijn echte wij[f]s, ende Johan onse sone ende en kennet
des dat wij mit vrien willen ons selves ende mit consent al onser erfghenamen
vercoft ende erfliken upghelaten hebben, vercopen erfliken ende oplaten openbaer
mit dessen selven breve hern Johan, den abt, ende den ghemenen convent van
Dickenyngen alsulken tyenden als wij hadden over oer guet dat die Ghere
gheheten is, gheleghen in der marken van den buuethusen bynnen den kerspel
van Blijdensteden um ene summe van ghelde die ons vittelike ende wal betaelt is
in alsulken vorwarden dat die abt ende dat convente voers. dessen tyenden voercr.
erflike ende ummermeer vrij besitten moghen ende des eweliken ghebrukett mo-
ghen sonder yenigherhande hinder ende sonder yenigherhande weder seg-
ghen van ons ende van al onsen erfghenamen ende solen hem des tyenden
vrij waren voer al die ghene die des rechte comen willen. Al arghelist uyt-
ghesproken in kennesse der waerheit heb ic Reynold van den Cloester voerscr.
dessen openen brief beseghelt mit minen seghel voer mij selven voer Margreten, mijn
echte wijs, voer Johanne, onsen sone, ende voer alle onse erfghenamen. Ende wij Margre-
te ende Johan voers. ghelijen al desser vorwarde under seghele Reynoldes van den Cloestere
voerscr. want wij selven op desse tijd ghene seghele en hebben. Ghegheven in 't jaer
ons Heren dusent drehondert sesendeseventich, up sente Symon ende Judas der apostelen.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 18v
Regestnr.	100
Jaar	1376
Datumcode	SimJud

x

x

Materiaal	perkament