Johan heer van Rune draagt over aan de abdij van Dickenijnghe zijne grove en smalle tienden over het goed toe Blake-linghe in het kerspel van Rune en de marke van Pette.

Wy, Johan, here van Rune, ridder, doe kundich allen luden, die dessen brief solen sien oft horen lesen, dat wy mit vryen willen ons selves ende mit raede vrouwe Zweders, unses echten wives, ende unser erfghenamen vercoft ende upghelaten hebben, vercopen ende uplaten erflike mit dessen openen brieve den abbate ende den ghemenen convente van Dickenijnghe alsulcken tyende smal ende grof, als wy hadden over dat gued toe Blakelinghe, gheleghen in den kerspel van Rune in der marcke van Pette, um enen summe van ghelde, die ons wittelike ende wal betaelt is. Ende solen hem des tyenden waren to lantrechte voer alle dieghene, die daer to rechte up spreken moghen, sonder arghelist. In oerkunde der waerheit hebbe wy dessen breef beseghelt mit onsen seghele int jaer ons Heren MCCC vier ende seventich des Vrydaghes na sunte Marcus dach des ewangelisten.

x

x

Archief	Drents Archief
Fonds	Arch. Abdij Dikninge
Toegangsnummer	440
Inventarisnr.	1
Fol.nr.	fol. 45r
Regestnr.	92
Jaar	1374
Datumcode	VpMarci

x

x

Materiaal	perkament

x

Edities	O0619