| Nummer:dik089a | Datum:24 juni 1372 | Overlevering:Afschrift | Vindplaats:Arch. Abdij Dikninge, inv.nr. 1, fol. 28r, reg. 89 |
Godekien van den Houe draagt over aan de abdij van Dickenynghe het 1/3 in de goederen te Altynghe en te Rossynghe in het kerspel van Beylen en de marke van Halen, met uitzondering van zijn aandeel in de stede mudden over het goed te Assinghe te Vuesloe. Met medebezegeling door Egbert van Peyse en Johan van Haren.
Allen luden die dessen brief solen sien oft horen lesen doe ic verstaen Godiken van [in margine: Halen]
den Hove ende en kenne openbaer mit dessen openen breve dat ic mit vrijen willen
mijns selves ende mit rade alle miner rechter erfghenamen vercoft ende opghelaten
hebbe, vercope ende oplate den abbate ende den ghemenen convente van ickenynghe
dat derden deel van den tween gueden tot Altinghe ende to Rossinghe gheleghen
in den kerspele van Beylen ende in der marcke van Halen mit alre slachter not
ende mit alle sinen tobehoren alsoe als 't gheleghen is, uytghesproken mijn an-
deel van den steden mudde die gheleghen sin over dat guet tot Assinghe ende
tot Buesloe um ene summe van ghelde die mij ende minen rechten erfghenamen
wittelike ende wal bitaelt is in alsulken manieren dat die abt ende dat convent
voerscr. dit voerscr. guet erflike, ewelike ende ummermeer vrij besitten
ende ghebruken solen sonder weder segghen mijns ende al mijnre rechter erfg. ende
sal hem des goedes waren vrij, ledich ende loes voer al die ghene die daer to rechte
up spreken moghen to rechten lantrechte. Al arghelist uytghesproken. In kennisse
der waerheit heb ic, Godeken van den Hove voerscr. desen brief beseghelt mit minen
seghel voer mij selven ende voer al mine rechte erfg. Ende um ene meerre veste-
nisse desser dingen voerscr. soe heb ic ghebeden guede eersame lude Egberte van
Peyse ende Johan van Haren dat sie dessen brief mede willen beseghelen mit oren se-
ghelen. Ende wij Egbert ende Johan voerscr. um bede willen Godikens voerghe-
noemt hebben unse seghele an dessen brief ghehanghen tot enen enen ewighen
tughe desser vorwarden voerscr. Ghegheven in 't jaer ons Heren dusent drie-
hondert tweeendeseventich, op Sante Johans Baptisten to Middesomer
den Hove ende en kenne openbaer mit dessen openen breve dat ic mit vrijen willen
mijns selves ende mit rade alle miner rechter erfghenamen vercoft ende opghelaten
hebbe, vercope ende oplate den abbate ende den ghemenen convente van ickenynghe
dat derden deel van den tween gueden tot Altinghe ende to Rossinghe gheleghen
in den kerspele van Beylen ende in der marcke van Halen mit alre slachter not
ende mit alle sinen tobehoren alsoe als 't gheleghen is, uytghesproken mijn an-
deel van den steden mudde die gheleghen sin over dat guet tot Assinghe ende
tot Buesloe um ene summe van ghelde die mij ende minen rechten erfghenamen
wittelike ende wal bitaelt is in alsulken manieren dat die abt ende dat convent
voerscr. dit voerscr. guet erflike, ewelike ende ummermeer vrij besitten
ende ghebruken solen sonder weder segghen mijns ende al mijnre rechter erfg. ende
sal hem des goedes waren vrij, ledich ende loes voer al die ghene die daer to rechte
up spreken moghen to rechten lantrechte. Al arghelist uytghesproken. In kennisse
der waerheit heb ic, Godeken van den Hove voerscr. desen brief beseghelt mit minen
seghel voer mij selven ende voer al mine rechte erfg. Ende um ene meerre veste-
nisse desser dingen voerscr. soe heb ic ghebeden guede eersame lude Egberte van
Peyse ende Johan van Haren dat sie dessen brief mede willen beseghelen mit oren se-
ghelen. Ende wij Egbert ende Johan voerscr. um bede willen Godikens voerghe-
noemt hebben unse seghele an dessen brief ghehanghen tot enen enen ewighen
tughe desser vorwarden voerscr. Ghegheven in 't jaer ons Heren dusent drie-
hondert tweeendeseventich, op Sante Johans Baptisten to Middesomer
x
| Archief | Drents Archief |
|---|---|
| Fonds | Arch. Abdij Dikninge |
| Toegangsnummer | 440 |
| Inventarisnr. | 1 |
| Fol.nr. | fol. 28r |
| Regestnr. | 89 |
| Jaar | 1372 |
| Datumcode | NatJoh |