| Nummer:coe1036ae | Datum:10 juli 1560 | Overlevering:Afschrift | Vindplaats:Arch. Coevorden, inv.nr. 1036 |
Ick Peter van Lewerden Conincklicker Majesteit Rentmester generael tot Vollenhoe
doe kondt eenen ijgelycken dat Ick alsmede erffgenamen van wijlen Johan van
Renoij in synen leven Rentmester generael van Gronijnghen ende Drenthe
ende vervangende myn huesfrouwe moeder met dije andere erffgenamen
vanden selven Johan van Renoij geconstitueert ende mach
tich ghemaeket hebbe
constitueere ende maeke mannijch midts desen der Erentfrommen Johann
van Selbach omme van mijnentwegen ende vanden gemenen erffgenamen voerscreven
uplatijnghe ende overdracht tdoen voorden burgemeesteren ofte schulte
der stadt Coevorden van een huijstede gelegen binnen der selven stadt
oistwaerts streckende inden singelgrafte vanden huijsse Coeverden westaert
streckende aenden Heerenstrate, suijtwaert aen Henrijck Wispelweeyts
huijs ende stede ende noortwaert an Johan Geertmaichs huijs ende stede
ende voirts mijt alle synen gerechticheijt zoe van het turffveen ende den
kerckenstoel gelyck dat tot der selffver stede behoert. Ende dit alle tot profyt
ende behouff van enen Roeleff Harmenssen Mulder ende syne erffgenamen
mede dat den voorscreven Johan van Selbach hem verbinden sall indient
noot zij den selffden Roleff vrijen van allen upspraeke dije daer up
solde moegen vallen ende b..ghe daer voer te blijven alle twelck soe
voerscreven is byden voernoemde Johan van Selbach hier inne gedain
mach weerden hoelde Ick inder qualiteijt voorscreven voer goet vast ende
van weerden. Ende ingevalle by hem eenijghe borchtuchte gedaen
woirt belove Ick Pieter van Lewerden in ..... den voorscreven Johan
van Selbach ende synen erffgenamen dair van te ontheffen ende vryen hijr
onder verbindende mijns persoens ende alle mijne goederen die Ick nuu
hebbe ofte naemaels sall moegen vercrijgen tot heerlijcke ende alle
executie van allen rechten. Des toerconde hebbe Ick Peter van
Lewerden inder gestalte vorscreven myn zegel up spacium van desen
doen drucken ende met myn selffs handt ondergeteijckent desen Xden
julij 1560.
P. de Lewerden. (handtekening).
doe kondt eenen ijgelycken dat Ick alsmede erffgenamen van wijlen Johan van
Renoij in synen leven Rentmester generael van Gronijnghen ende Drenthe
ende vervangende myn huesfrouwe moeder met dije andere erffgenamen
vanden selven Johan van Renoij geconstitueert ende mach
tich ghemaeket hebbe
constitueere ende maeke mannijch midts desen der Erentfrommen Johann
van Selbach omme van mijnentwegen ende vanden gemenen erffgenamen voerscreven
uplatijnghe ende overdracht tdoen voorden burgemeesteren ofte schulte
der stadt Coevorden van een huijstede gelegen binnen der selven stadt
oistwaerts streckende inden singelgrafte vanden huijsse Coeverden westaert
streckende aenden Heerenstrate, suijtwaert aen Henrijck Wispelweeyts
huijs ende stede ende noortwaert an Johan Geertmaichs huijs ende stede
ende voirts mijt alle synen gerechticheijt zoe van het turffveen ende den
kerckenstoel gelyck dat tot der selffver stede behoert. Ende dit alle tot profyt
ende behouff van enen Roeleff Harmenssen Mulder ende syne erffgenamen
mede dat den voorscreven Johan van Selbach hem verbinden sall indient
noot zij den selffden Roleff vrijen van allen upspraeke dije daer up
solde moegen vallen ende b..ghe daer voer te blijven alle twelck soe
voerscreven is byden voernoemde Johan van Selbach hier inne gedain
mach weerden hoelde Ick inder qualiteijt voorscreven voer goet vast ende
van weerden. Ende ingevalle by hem eenijghe borchtuchte gedaen
woirt belove Ick Pieter van Lewerden in ..... den voorscreven Johan
van Selbach ende synen erffgenamen dair van te ontheffen ende vryen hijr
onder verbindende mijns persoens ende alle mijne goederen die Ick nuu
hebbe ofte naemaels sall moegen vercrijgen tot heerlijcke ende alle
executie van allen rechten. Des toerconde hebbe Ick Peter van
Lewerden inder gestalte vorscreven myn zegel up spacium van desen
doen drucken ende met myn selffs handt ondergeteijckent desen Xden
julij 1560.
P. de Lewerden. (handtekening).
x
| Archief | Drents Archief |
|---|---|
| Fonds | Arch. Coevorden |
| Toegangsnummer | 116 |
| Inventarisnr. | 1036 |
| Jaar | 1560 |
| Datumcode | 1007 |