Wij Borghermestere ende raet van Groninghen bekennen ende betughen mit desen openen breve dat
vor ons quam Dyrc van Oersthoren ende becande dat hie hevet vercoft der broderschap
van der kalende in Groningen viif schillinghe paymentes als in Greninghe ganc ende
gane is to nemen elkes iaers als een stad recht is uet zinen hues ende uet der hofstede
daar dat vors. hues uppe staet daer hie nutertiit inne wonet vor ene summe gheldes
de Dyrke vors. vol ende al betaelt is Ende dese viif schillinghe rente vors. droech
Dyrc vors. up den vors. kalente broders vrij ende quiit eweliken to bruken ende to besitten
Dit vors. hues ende hofstede ziin gheleghen in de wester zide van Herstrate by Ecberd
Ketelhodes steenhues dat an de norderzide leghet Dat orkunde wy met onse stad
seghele Ghegheven int jaer ons heren dusend drehondert ses ende neghen tich des
anders daghes na sente Remigius dach do Frederich van Arlo Zweder van Winden Reynolt
Hughinc ende Alef Schellinghe borghermestere waren onser stad.

x

x

Archief	Groninger Archieven
Fonds	Arch. Broederschap der Kalenden
Toegangsnummer	1235
Inventarisnr.	0009
Regestnr.	001
Register Feith	1393.010
Jaar	1396
Datumcode	cRemigi

x

x

x

Materiaal	perkament