| Nummer:zdd061 | Datum: | Overlevering:Origineel | Vindplaats:Arch. Drie Delfzijlen, inv.nr. 0542, reg. 061 |
Otto Clandt Hovelynck tho Scharmer ghedeputeert schepper van der gemene Scheppers tho Delffzyl
yn der schelynghe ende twysten tusghen dye zyllscheppers ende Rechter yn dye Grote Harckstede up dye eene
alss Johan Alers genempt yn der tydt Schepper Ende Jungere Johan Jacobsoen alss een rychter dye blocke van
dye ffraters wegen ende oer meyers all daer up dye ander zydt heerkomende van dye Deysloet tho
ruden beneven offte tegens dess ffraters landt All soe dat dye ffraters meyers vermeenden dat zie
neet plychtych offte schuldich solden wesen tho ruden tegens oer landt waer doerch dye wateren verstemp-
pet worden ende oeren vryen ghanck neet kenden hebben Suss hebben zee voele cavellacien ende unnutte tho
woerden unde sych gebruecket dye welck neet noedich hyr synt tho verhalen Dair dye zylrechters nochtans we-
der up hebben gheantwordt ende meenden dat zee daer tho plychtych solden syn dye wateren tho ruden
gelyck een ander doet elck voer syn landt Hyr synnen scryfften ende tugen tegens den anderen gebracht ende
van uns wall verhoert ende examineert Soe synnen dye perten yn vrentschap verbieven ende hebben dye
zake stede ende vast an my Otto Clandt alss een gedeputeert schepper ende an olde Johan Vechters tho Woltersum
ende Johan Hynrycks te Engelbert verbleven daer wy veerbenemeden Otto Clandt Johan Vechters ende Johan Hynr
drycks een uuthsprake van hebben gedaen yn formen ende maneren hyr nae volghende Dat dye meyeers
van dat ffraterhuess tho Gronyngen solden verbunden wesen oer wateren tho ruden ende openen nae zylrechters
maneer ende nae uuthwysynge zegell ende breve ende dess sollen dye scheppers offte rechters dye dess bevolen
ys dem voerscreven meyers dye wete doen laten achte dage te voeren nae older gewoente Dat en yder meyer ende
elck bysunder syn wateren sall ruden bynnen achte dage elck tegens syn landt Ehde yn gevall dye meyers voerscr.
gebrecklyck gevenden worden wanneer dye scheppers schouwen sollen zee in broeke gevallen wezen gelyck een
ander ende neet hogher Hyr sall alle twyst ende twydracht mede neder gelecht wezen tusgen dye
zylschepper van dye Grote Harckstede ende meyers van dye fraters tho Gronynghen tho ewyghen dagen
In merer vestenysse der waerheyt synnen daer twe bezegelde breven van my Otto Clandt bezeghelt alss
een gedeputeert schepper so voerscr. ys van dem gemeene scheppers van Delffzyl daer dye eene breif van ys
yn dye Grote Harckstede ende dye ander up den blocken yn dye meyers bewarynghe van dat ffraterhuess
Oerkunde hebbe ick Otto Clandt so voer geroert ys myn zeghel beneden wytlyck an dessen ghehanghen
In den Jaeren unss heeren duzent vyff hundert dreende veertych up Sunte Margareten avent.
yn der schelynghe ende twysten tusghen dye zyllscheppers ende Rechter yn dye Grote Harckstede up dye eene
alss Johan Alers genempt yn der tydt Schepper Ende Jungere Johan Jacobsoen alss een rychter dye blocke van
dye ffraters wegen ende oer meyers all daer up dye ander zydt heerkomende van dye Deysloet tho
ruden beneven offte tegens dess ffraters landt All soe dat dye ffraters meyers vermeenden dat zie
neet plychtych offte schuldich solden wesen tho ruden tegens oer landt waer doerch dye wateren verstemp-
pet worden ende oeren vryen ghanck neet kenden hebben Suss hebben zee voele cavellacien ende unnutte tho
woerden unde sych gebruecket dye welck neet noedich hyr synt tho verhalen Dair dye zylrechters nochtans we-
der up hebben gheantwordt ende meenden dat zee daer tho plychtych solden syn dye wateren tho ruden
gelyck een ander doet elck voer syn landt Hyr synnen scryfften ende tugen tegens den anderen gebracht ende
van uns wall verhoert ende examineert Soe synnen dye perten yn vrentschap verbieven ende hebben dye
zake stede ende vast an my Otto Clandt alss een gedeputeert schepper ende an olde Johan Vechters tho Woltersum
ende Johan Hynrycks te Engelbert verbleven daer wy veerbenemeden Otto Clandt Johan Vechters ende Johan Hynr
drycks een uuthsprake van hebben gedaen yn formen ende maneren hyr nae volghende Dat dye meyeers
van dat ffraterhuess tho Gronyngen solden verbunden wesen oer wateren tho ruden ende openen nae zylrechters
maneer ende nae uuthwysynge zegell ende breve ende dess sollen dye scheppers offte rechters dye dess bevolen
ys dem voerscreven meyers dye wete doen laten achte dage te voeren nae older gewoente Dat en yder meyer ende
elck bysunder syn wateren sall ruden bynnen achte dage elck tegens syn landt Ehde yn gevall dye meyers voerscr.
gebrecklyck gevenden worden wanneer dye scheppers schouwen sollen zee in broeke gevallen wezen gelyck een
ander ende neet hogher Hyr sall alle twyst ende twydracht mede neder gelecht wezen tusgen dye
zylschepper van dye Grote Harckstede ende meyers van dye fraters tho Gronynghen tho ewyghen dagen
In merer vestenysse der waerheyt synnen daer twe bezegelde breven van my Otto Clandt bezeghelt alss
een gedeputeert schepper so voerscr. ys van dem gemeene scheppers van Delffzyl daer dye eene breif van ys
yn dye Grote Harckstede ende dye ander up den blocken yn dye meyers bewarynghe van dat ffraterhuess
Oerkunde hebbe ick Otto Clandt so voer geroert ys myn zeghel beneden wytlyck an dessen ghehanghen
In den Jaeren unss heeren duzent vyff hundert dreende veertych up Sunte Margareten avent.
x
| Archief | Groninger Archieven |
|---|---|
| Fonds | Arch. Drie Delfzijlen |
| Toegangsnummer | 708 |
| Inventarisnr. | 0542 |
| Regestnr. | 061 |
| Jaar | 1543 |
| Datumcode | vMargar |