| Nummer:sgg093 | Datum: | Überlieferung:Origineel | Fundstelle:Sint-Geertruidsgasthuis, inv.nr. 0093 |
Wy Borgermester ende Raed in Groningen betugen myt dessen openen breve dat voer ons sint gekomen Arent Thies
zoen ende Etken syn echte wyff ende bekanden voer em ende oeren erffgenamen dat sie hebben verkofft upgedragen ende overge-
geven den vogeden van sinte Gertrude Gasthuus in onse stad tot behoeff des gasthuuses vors. vyffendevyfftich grase
landes myt dat vierendiell van twen huusen ende heinynge in twen erven gelegen inde heydenscap dair garbrant
up dat ene erve nu ten tyt woent gehieten die schoene Floer dat soren styge grasen groet is. Ende up dat ander
huus ende erve daer woent Symon Gave up ende is vier styge grasen groet dair dat gasthuus vors. naest
by beyden erven vors. by gelandet is vry ende quyt erffliken ende ewliken myt allen rechte ende eygendoeme to bruken
ende to besitten voer ene summe geldes die Arent ende Etke vors. bekanden day em voll ende all is betaelt
myt sodane vorwerden offte dyt vors. part landes myt syn part huusinge ende heinynge nu beter ware offte
hiir na beter worde tot enigen tyden dat gheduen ende geven se den gasthuuse vors. tot oeren wyllen vry to bruken
ende to besitten Also offte yemant dat gasthuus vors. aff driven wolden myt vaerkoep van sybdiels wegen offte
die zwet moeten so sullen ende mogen de vogeden des gasthuuses vors. dat rekenen up den utersten penning dattet den
waert is ende em betalen laten offte se wyllen sunder argelist. Dat orkonde wy myt ons stad zegel. Ghegheven
inden jair ons heren dusent vierhundert ende tsoventich up sunte Elysabets avent Doe Gosen vanden grave
Ulgar van Nortdycke Goosen van Dulck ende Herman Koning borgermester waren onser stad.
zoen ende Etken syn echte wyff ende bekanden voer em ende oeren erffgenamen dat sie hebben verkofft upgedragen ende overge-
geven den vogeden van sinte Gertrude Gasthuus in onse stad tot behoeff des gasthuuses vors. vyffendevyfftich grase
landes myt dat vierendiell van twen huusen ende heinynge in twen erven gelegen inde heydenscap dair garbrant
up dat ene erve nu ten tyt woent gehieten die schoene Floer dat soren styge grasen groet is. Ende up dat ander
huus ende erve daer woent Symon Gave up ende is vier styge grasen groet dair dat gasthuus vors. naest
by beyden erven vors. by gelandet is vry ende quyt erffliken ende ewliken myt allen rechte ende eygendoeme to bruken
ende to besitten voer ene summe geldes die Arent ende Etke vors. bekanden day em voll ende all is betaelt
myt sodane vorwerden offte dyt vors. part landes myt syn part huusinge ende heinynge nu beter ware offte
hiir na beter worde tot enigen tyden dat gheduen ende geven se den gasthuuse vors. tot oeren wyllen vry to bruken
ende to besitten Also offte yemant dat gasthuus vors. aff driven wolden myt vaerkoep van sybdiels wegen offte
die zwet moeten so sullen ende mogen de vogeden des gasthuuses vors. dat rekenen up den utersten penning dattet den
waert is ende em betalen laten offte se wyllen sunder argelist. Dat orkonde wy myt ons stad zegel. Ghegheven
inden jair ons heren dusent vierhundert ende tsoventich up sunte Elysabets avent Doe Gosen vanden grave
Ulgar van Nortdycke Goosen van Dulck ende Herman Koning borgermester waren onser stad.
x
| Archiv | Groninger Archieven |
|---|---|
| Bestand | Sint-Geertruidsgasthuis |
| Zugangsnummer | 1357 |
| Inventarnr. | 0093 |
| Register Feith | 1470.032 |
| Jahr | 1470 |