| Nummer:sgg092 | Datum: | Overlevering:Origineel | Vindplaats:Sint-Geertruidsgasthuis, inv.nr. 0092 |
Inder schellingen tusschen den pater en broeders des clerchuses by sante Walburge kerke in Groningen van wegen Thesen ter Bruggen an de ene syd ende Roloff eel-
horen an de ander syd als om twe stucke landes geheten bruggen lant in de heydenscup gelegen daer de pater van clagede dat hem Roloff vors. ontbrukede ende
daer en boven van oeren lande solde gegraven hebben. Item dair Roloff vors. op antworde he hadde dit vors. lant wall twintich iaer rusteliken ende vredeliken gebruket.
ende bleff by den besitte des heeft die pater vors. daer op geantwort dattet olderlose kindere gued was hopende dat der kindere vormunders ende oeck de kindere selven hem
niet versumen mochten mit swighen eer de kindere iarich weren. Ende oeck mede hefft de pater vors. bewyst voer den gerichte dat Salige Clawes ter Bruggen voer ende
These vors. zyn sone na buten ende voerden rechte als Reynt Huyinge regde ten Buren guder gedachtenisse vake an dat selve lant gecroent ende geclaget hebben. Ende Roloff
vors. selven bekant stont voerden rechte dat he dat lant men twe off dree iaer aff gegraven hadde voer Claeus dode. waer omme de pater vors. hopede dattet besit
van geenre weerden solde wesen. Item daer Roloff vors. weder op segede he woldet bewisen mit guden besegelden breven dat he dat lant gecofft ende wall betaelt hadde
ende so lage gebruket hadde als vors. is. Des is beyden perten vors. enen dach gelegt op dit vors. lant to comen mit oeren besten bewise. Soe hefft de pater vors. daer ge-
bracht vele levendige tugen die dat lane by salige clawes ter Bruggen tyden gebruket hadden ghemeyt hadden. ende sylrechters overgeweest hadden die tugeden.
by oeren ede dattet em kundich were dat de twe stucke landes jewerlde tot der zate landen hoerden ende daer toe brukeden ende meyden ende dat schot daer van gadder
den Ende Roleff voers. sint ter tyd hefft aff gegraven ende tot beyden eynden een stucke ontbruket men se weten nyet woe he daer an gecummen is mit velen anderen tugen
ende breven de men wall sal tonen als des to done is. Welke tuge vors. Roleff eelhoren vors. mit reden voer den rechte niet en conde straffen men he heeft getoent
twe besegelde breven daer he mede op dat lant ghenc staen. daer de ene breeff van dat oestersche stucke inholdende is van achte halff honderden streckende mitten
oesteren eynde anden Cleywech daer de buren in de Heydenschup umme gevraget uuter off de swetten al.... recht weren na den breve. doe wysden de vors. buren de sachte
halff hondert ene hele venne verer. Want de venne de Roleff vors. wysde mitten eynde nyet en quam anden Cleywech. Item de ander breeff holt van vier honderden
leggende in Bruggerlant westwert de he van Hinric Screyen cofte Daer de vors. buren ende de tugen een deel op tugeden dat Bruggen off Clingen lant pleget to
wesen twe erven elck XL grasen Ende salige Clawes was de noerder zate to dele gevallen Ende de zuder sate was Bruggenvolck aff gheervet overmits versterven.
Ende se tugeden mede dattet em kundig is dat Hinris Screye new.....erlde lant inde noerder zate gehad hevet. Ende so solden de vier hondert leggen in de zuder
syd dessen vors. zaten. Daer Roleff vors. weder op segede he weer so seer van hues gehaestet he mochte wall onrechte breve ghenomen hebben. Ende begeer
de dat men hem enen anderen dach wolde setten he wolde andere breve brengen daer he syn besit mede starken wolde. Water he noch meer breve to hues hadde
van lande inde Heydenscup. So is hem geset den eersten den anderen den derden ende den veerden dach by verlies'synne saken, den rechte ende den pater vors.
syne copyen vanden breven over to gheven des he nyet ghedaen hen heefft ende heft oeck gheen meer breven ghebracht voer den gerichte. Item Nae woerden
ende weder worden ende nae den besten tughen ende bewise dat voer my ghepresentiert is heb ick Egbert Rengers gewylkoert Regde inder saken mit minen
wedmans ende gueder lude raede voer recht gewyst Roeleves vors. besit quaet ende van geenre werden nae den dattet olderlose kindere gued is ende dat besit
hem gestraffet is ende went he ghene andere breve als he sick
vermeten hadde int gerichte en brachte ende went he den gerich te contumax ende ongehorich
was Ende wise voert den pater ende broeders voers. ende hoeren naecomelinge van Thesen weghen vors. indat besit des vors. landes totter tyd dat Roeleff vors.
hem mit beteren bewise ende rechte daer weder uut brenget. In orkonde der waerheit heb ic Egbert vors. mijn segell beneden an dessen breeff gehangen
Gegeven ende ghedomet inden iaer ons heren dusent vierhondert achtendesestig des donderdages voer sunte Gregorius dach des hilligen paeus.
horen an de ander syd als om twe stucke landes geheten bruggen lant in de heydenscup gelegen daer de pater van clagede dat hem Roloff vors. ontbrukede ende
daer en boven van oeren lande solde gegraven hebben. Item dair Roloff vors. op antworde he hadde dit vors. lant wall twintich iaer rusteliken ende vredeliken gebruket.
ende bleff by den besitte des heeft die pater vors. daer op geantwort dattet olderlose kindere gued was hopende dat der kindere vormunders ende oeck de kindere selven hem
niet versumen mochten mit swighen eer de kindere iarich weren. Ende oeck mede hefft de pater vors. bewyst voer den gerichte dat Salige Clawes ter Bruggen voer ende
These vors. zyn sone na buten ende voerden rechte als Reynt Huyinge regde ten Buren guder gedachtenisse vake an dat selve lant gecroent ende geclaget hebben. Ende Roloff
vors. selven bekant stont voerden rechte dat he dat lant men twe off dree iaer aff gegraven hadde voer Claeus dode. waer omme de pater vors. hopede dattet besit
van geenre weerden solde wesen. Item daer Roloff vors. weder op segede he woldet bewisen mit guden besegelden breven dat he dat lant gecofft ende wall betaelt hadde
ende so lage gebruket hadde als vors. is. Des is beyden perten vors. enen dach gelegt op dit vors. lant to comen mit oeren besten bewise. Soe hefft de pater vors. daer ge-
bracht vele levendige tugen die dat lane by salige clawes ter Bruggen tyden gebruket hadden ghemeyt hadden. ende sylrechters overgeweest hadden die tugeden.
by oeren ede dattet em kundich were dat de twe stucke landes jewerlde tot der zate landen hoerden ende daer toe brukeden ende meyden ende dat schot daer van gadder
den Ende Roleff voers. sint ter tyd hefft aff gegraven ende tot beyden eynden een stucke ontbruket men se weten nyet woe he daer an gecummen is mit velen anderen tugen
ende breven de men wall sal tonen als des to done is. Welke tuge vors. Roleff eelhoren vors. mit reden voer den rechte niet en conde straffen men he heeft getoent
twe besegelde breven daer he mede op dat lant ghenc staen. daer de ene breeff van dat oestersche stucke inholdende is van achte halff honderden streckende mitten
oesteren eynde anden Cleywech daer de buren in de Heydenschup umme gevraget uuter off de swetten al.... recht weren na den breve. doe wysden de vors. buren de sachte
halff hondert ene hele venne verer. Want de venne de Roleff vors. wysde mitten eynde nyet en quam anden Cleywech. Item de ander breeff holt van vier honderden
leggende in Bruggerlant westwert de he van Hinric Screyen cofte Daer de vors. buren ende de tugen een deel op tugeden dat Bruggen off Clingen lant pleget to
wesen twe erven elck XL grasen Ende salige Clawes was de noerder zate to dele gevallen Ende de zuder sate was Bruggenvolck aff gheervet overmits versterven.
Ende se tugeden mede dattet em kundig is dat Hinris Screye new.....erlde lant inde noerder zate gehad hevet. Ende so solden de vier hondert leggen in de zuder
syd dessen vors. zaten. Daer Roleff vors. weder op segede he weer so seer van hues gehaestet he mochte wall onrechte breve ghenomen hebben. Ende begeer
de dat men hem enen anderen dach wolde setten he wolde andere breve brengen daer he syn besit mede starken wolde. Water he noch meer breve to hues hadde
van lande inde Heydenscup. So is hem geset den eersten den anderen den derden ende den veerden dach by verlies'synne saken, den rechte ende den pater vors.
syne copyen vanden breven over to gheven des he nyet ghedaen hen heefft ende heft oeck gheen meer breven ghebracht voer den gerichte. Item Nae woerden
ende weder worden ende nae den besten tughen ende bewise dat voer my ghepresentiert is heb ick Egbert Rengers gewylkoert Regde inder saken mit minen
wedmans ende gueder lude raede voer recht gewyst Roeleves vors. besit quaet ende van geenre werden nae den dattet olderlose kindere gued is ende dat besit
hem gestraffet is ende went he ghene andere breve als he sick
vermeten hadde int gerichte en brachte ende went he den gerich te contumax ende ongehorich
was Ende wise voert den pater ende broeders voers. ende hoeren naecomelinge van Thesen weghen vors. indat besit des vors. landes totter tyd dat Roeleff vors.
hem mit beteren bewise ende rechte daer weder uut brenget. In orkonde der waerheit heb ic Egbert vors. mijn segell beneden an dessen breeff gehangen
Gegeven ende ghedomet inden iaer ons heren dusent vierhondert achtendesestig des donderdages voer sunte Gregorius dach des hilligen paeus.
x
| Archief | Groninger Archieven |
|---|---|
| Fonds | Sint-Geertruidsgasthuis |
| Toegangsnummer | 1357 |
| Inventarisnr. | 0092 |
| Register Feith | 1469.032 |
| Jaar | 1468 |