| Nummer:sag012 | Datum:29 mei 1577 | Overlevering:Origineel | Vindplaats:Arch. Sint-Anthonygasthuis, inv.nr. 0020, reg. 012 |
Anno 1577 den 29 sten may hebben wy Berent Conders ende Luetken Roltemans
myn echte huesvrouwe (daer voer iek loeve unde cavere de rato ) unde wy Johan
Willems, Johan Marissinge ende Ghert Drents, voerstanderen tot S. Antonys
ghasthuis in Gronningen gedaen ende gemaket eynen sterken vasten arffkoep van
hueslandt unde geboemte off hoevinge in manieren naebeschreven. In die ersten
soe verkoepen wy Berenth Conders unde Luetken Roltemans echte lueden voer
uns ende unsen arffg. den voerstanderen voergen. tot proffyt des sulvigen gasthuses
ende hoeren naekoemelingen de halffte van eyn stuck landes bueten der heer-
poerten gelegen, streckende nae den oesten van de herenstrate westert up hen an
den wthwech dat westervoelen patt geheten, daer Barolt Julsingen heft upt
noerden unde de Erbare Ghert dinerpts (?) unde Jacop Hillebrands myt hoeren adherenten
met syne groete weyde kamp upt zueden unde Koert Jansen met syn
hues unde veerkant stucke arves upt oesten thom dele naest angeswette sinnen.
Soe groet alse dat sulvige lanthuengen kamp geheten in syne swetten myt den
halve sueder wall unde halve wester sloet aldaer gelegen is, van welker voergen.
lant unsen suster Lamme Roltemans de helffte tegens uns unverscheyden tho
behoert. Hyr tho soe verkoepen wy echte lueden voergen. noch voer uns unde
unsen arffgen. den voerstanderen voergen. tot proffyt des sulvigen gasthueses unde horen
naekoemelingen unse hues myt dat geboemte staend up de noert wester horne
deses voergen. landes met sulker condityen dat de voechden voergen. de hoffstede unde
dat arve daer dat hues up steht soe groet alse dat int veerkante beuredet licht
an affkortinge hoeres andeels van dat voergen. verkoffte landt voer wth sollen
geneten waer jegens unse suster voergen. off koere arffg. oek soe voele landes wth
de unverscheydene landen voer wth sollen untfangen, unde de ander landen mogen
se voert an myt den anderen scheyden off in de mande unverscheyden an beyden syden
halff unde halff myt den anderen beholden soe als hoer dat geloven mach unde voer
dit voergen. verkoffte lanthues ende geboemte sollen de voerstanderen voergen.
uns Berent Conders unde Luedeke Roltemans echtelueden off unsen arffgen.
vry ende schadeloes betalen de summe van sesthalff hundert daler veer Arens
gl. voer eyn ider daler gerekent goet ganckbaer gelt, unde aen desse voergen. summe
sollen de voechden voer ersten korten soe daene negenteyn Embderg. rente beloepende
in der afflosse twe hundert unde sesteyn embderg. unde twintich gronninger stuver
alse de voerstanderen wth unser voergen. lueden godren jaerlyks tho rente hebben
welker rente breven de voechden voergen. uns Berent unde Luedeken voergen.
in unsen handen overbriven sollen. Hyr toe so sollen de voechden voergen. uns
Berent unde Luedeken voergen. off unsen arffg. gene up anstaende michelis
an affkortinge als voerg. koepschatte hundert Embderg. dartich gronniger stuver
off payment dat daer goet voer is voer elken gulden gerekent unde de ersten
deser voergen. penningen all heel vul ende all wall betaelt up anstaenden paesken
met behoerlyke rente van de reste voer eyn halff Jaer hyr is inne bevorwert.
Dat wy Berenth Conders unde myn huesvrouwe off unse arffg. unde wy voer-
standeren voerg, sollen thoe saemend dessen voergenoempten kamp soe groet unde
kleen alse de selvige in hoeren swetten voerbenoempt unde beschreven is up
unser beyder kosten myt de gewoentlyk thuen roede lueten laten unde soe Berent
Conders ende syner huesvrouwe ampart desse voergen. verkofften landes
de hues unde hoffstede daer inne berekent hoeger loepen mach alse veer
hundert roede landes dat sollen wy voergen. voechden boeven dessen overbenoempten
koepschatt in dat leste teringen nae roe tallen eyn ider roede met veer arens
gulden betalen wort oek dat lantt kleyner als veer hundert roeden bevinden
dat sulvige sollen Berent Conders ende syn huesvrouwe hoer weder untffallen
unde anden voergen. koepschatt afftrecken laten voer eyn ider roede veer arens gl.
Noch sinnen vorwarden dat de voechden voergen. up anstaende Martiny van ons
verkopers off unse arffgen. sollen untffangen negenteyn Enbder g. rente van de voergeschr.
olde rente breven ende de pacht deses voergen. verkoff ten landes de daer van dit
jaer up de anstaenden winter noch verschenen ?? den sulvigen sollen wy Berent
unde Luedeken voergen. off unse arffgen. vry beholden ende geneten unde de voechden voergen.
sollen alle soe daene lant als daer met dyt Jaer vry wort thct hoer willen moegen
antasten unde up dat anstaenden jaer weder verhueren. Dat lant averst dat Law-
rens Woldringe unde Hindrick van Lingen van uns in der pacht hebben dat
sollen se hoer in den pacht beholden laten unde in unser steden van hoer de pacht
jaerlykes untffangen soe voele als se uns dus lange voer unse part daer voer
gegeven hebben. Allent sunder arch unde list unde yn oerkunden der waerheyt
soe hebben wy beyden parten eyn ider bysunder unse naeme met egener handen
hyr undertekent up dach unde jaer alse boevengen.
4 handtekeningen: zie bij beschrijving.
myn echte huesvrouwe (daer voer iek loeve unde cavere de rato ) unde wy Johan
Willems, Johan Marissinge ende Ghert Drents, voerstanderen tot S. Antonys
ghasthuis in Gronningen gedaen ende gemaket eynen sterken vasten arffkoep van
hueslandt unde geboemte off hoevinge in manieren naebeschreven. In die ersten
soe verkoepen wy Berenth Conders unde Luetken Roltemans echte lueden voer
uns ende unsen arffg. den voerstanderen voergen. tot proffyt des sulvigen gasthuses
ende hoeren naekoemelingen de halffte van eyn stuck landes bueten der heer-
poerten gelegen, streckende nae den oesten van de herenstrate westert up hen an
den wthwech dat westervoelen patt geheten, daer Barolt Julsingen heft upt
noerden unde de Erbare Ghert dinerpts (?) unde Jacop Hillebrands myt hoeren adherenten
met syne groete weyde kamp upt zueden unde Koert Jansen met syn
hues unde veerkant stucke arves upt oesten thom dele naest angeswette sinnen.
Soe groet alse dat sulvige lanthuengen kamp geheten in syne swetten myt den
halve sueder wall unde halve wester sloet aldaer gelegen is, van welker voergen.
lant unsen suster Lamme Roltemans de helffte tegens uns unverscheyden tho
behoert. Hyr tho soe verkoepen wy echte lueden voergen. noch voer uns unde
unsen arffgen. den voerstanderen voergen. tot proffyt des sulvigen gasthueses unde horen
naekoemelingen unse hues myt dat geboemte staend up de noert wester horne
deses voergen. landes met sulker condityen dat de voechden voergen. de hoffstede unde
dat arve daer dat hues up steht soe groet alse dat int veerkante beuredet licht
an affkortinge hoeres andeels van dat voergen. verkoffte landt voer wth sollen
geneten waer jegens unse suster voergen. off koere arffg. oek soe voele landes wth
de unverscheydene landen voer wth sollen untfangen, unde de ander landen mogen
se voert an myt den anderen scheyden off in de mande unverscheyden an beyden syden
halff unde halff myt den anderen beholden soe als hoer dat geloven mach unde voer
dit voergen. verkoffte lanthues ende geboemte sollen de voerstanderen voergen.
uns Berent Conders unde Luedeke Roltemans echtelueden off unsen arffgen.
vry ende schadeloes betalen de summe van sesthalff hundert daler veer Arens
gl. voer eyn ider daler gerekent goet ganckbaer gelt, unde aen desse voergen. summe
sollen de voechden voer ersten korten soe daene negenteyn Embderg. rente beloepende
in der afflosse twe hundert unde sesteyn embderg. unde twintich gronninger stuver
alse de voerstanderen wth unser voergen. lueden godren jaerlyks tho rente hebben
welker rente breven de voechden voergen. uns Berent unde Luedeken voergen.
in unsen handen overbriven sollen. Hyr toe so sollen de voechden voergen. uns
Berent unde Luedeken voergen. off unsen arffg. gene up anstaende michelis
an affkortinge als voerg. koepschatte hundert Embderg. dartich gronniger stuver
off payment dat daer goet voer is voer elken gulden gerekent unde de ersten
deser voergen. penningen all heel vul ende all wall betaelt up anstaenden paesken
met behoerlyke rente van de reste voer eyn halff Jaer hyr is inne bevorwert.
Dat wy Berenth Conders unde myn huesvrouwe off unse arffg. unde wy voer-
standeren voerg, sollen thoe saemend dessen voergenoempten kamp soe groet unde
kleen alse de selvige in hoeren swetten voerbenoempt unde beschreven is up
unser beyder kosten myt de gewoentlyk thuen roede lueten laten unde soe Berent
Conders ende syner huesvrouwe ampart desse voergen. verkofften landes
de hues unde hoffstede daer inne berekent hoeger loepen mach alse veer
hundert roede landes dat sollen wy voergen. voechden boeven dessen overbenoempten
koepschatt in dat leste teringen nae roe tallen eyn ider roede met veer arens
gulden betalen wort oek dat lantt kleyner als veer hundert roeden bevinden
dat sulvige sollen Berent Conders ende syn huesvrouwe hoer weder untffallen
unde anden voergen. koepschatt afftrecken laten voer eyn ider roede veer arens gl.
Noch sinnen vorwarden dat de voechden voergen. up anstaende Martiny van ons
verkopers off unse arffgen. sollen untffangen negenteyn Enbder g. rente van de voergeschr.
olde rente breven ende de pacht deses voergen. verkoff ten landes de daer van dit
jaer up de anstaenden winter noch verschenen ?? den sulvigen sollen wy Berent
unde Luedeken voergen. off unse arffgen. vry beholden ende geneten unde de voechden voergen.
sollen alle soe daene lant als daer met dyt Jaer vry wort thct hoer willen moegen
antasten unde up dat anstaenden jaer weder verhueren. Dat lant averst dat Law-
rens Woldringe unde Hindrick van Lingen van uns in der pacht hebben dat
sollen se hoer in den pacht beholden laten unde in unser steden van hoer de pacht
jaerlykes untffangen soe voele als se uns dus lange voer unse part daer voer
gegeven hebben. Allent sunder arch unde list unde yn oerkunden der waerheyt
soe hebben wy beyden parten eyn ider bysunder unse naeme met egener handen
hyr undertekent up dach unde jaer alse boevengen.
4 handtekeningen: zie bij beschrijving.
x
| Archief | Groninger Archieven |
|---|---|
| Fonds | Arch. Sint-Anthonygasthuis |
| Toegangsnummer | 1247 |
| Inventarisnr. | 0020 |
| Regestnr. | 012 |
| Jaar | 1577 |
| Datumcode | 2905 |