| Nummer:sag003+ | Datum: | Overlevering:Origineel | Vindplaats:Arch. Sint-Anthonygasthuis, inv.nr. 025a, reg. 03* |
Wy Borghermesteren ende Raedt yn Groeninghen bekennen ende betueghen overmydts desen openen breve dat vor uns ys ghekomen die Erbare
ende walgheleerde mester Goessen Alma, vicarius yn sinte Mertenskarcke yn unser stadt ende bekande vor hem ende synen arffgen. oick
myt consent Willem Alma syn suster, Sasscher van Herengha, Hille Heringha syn huesfrouwe nu ter tydt syn naeste unde Sibbeste arffgen.
ende hefft upgedraghen ende overgegheven droech up ende ghaff over den voichden van Sunte Anthonius ghasthues by oester poirten bynnen
onser stadt tho behoeff der rechte armen aldair ende hoeren nakomelinge eenen heerdt landes gheleghen ynden Andel myt hieminghe hu-
singhe ende myt der schuere myt rechtinghe ende heerlicheyden ende myt ses ende twintich jucke landes bynnen dyckes ende myt tsestich schae-
pes graesen offte voetes deelgin buyten dykes dair nu ter tydt Jacop Jansen up woent dair die twe principael breven als Andreas Ghysens
koepbrieff ende Harmen Alma transfixe brieff van spreken dair desse brieff doer ghetoeghen ys vry ende quydt ewlyken ende arfflyken tho
bruycken ende besitten yn alle manieren alsoe die selve breven dair van ynhollen ende uuthwysen myt vorwerden ende obligatie dat de
voegheden vorsorghers offte voerstanders des vors. gasthueses sollen alle daeghen tot ewighen tyden gheven den rechten armen aldair denth
meest van noeden sall syn vyff placken weyten broeden welkier vyff placken broeden mester Goessen vors. schuldig was tho gheven
vor salighe Andreas Gysens hues ynde Heerstraten; dat welcke hyr naemaels mede van ghevryeth sall wesen tot ewighen daeghen dair Har-
men Ghysens vor hem ende syn arffgen. mede ynne hefft voir ons consenteert omme dat die principael coepbrieff met die ewighe memorie
soe voele bundigher ende bestendigher tot ewighen daeghen blijve. Soe die vorgere coepbrieff ynholt datmen die vyff placken broeden
niet sollen moeghen van den huese alieneren wairomme Harmen Ghysens ende synen arffgen. mede upsicht soelen hebben tot ewighen
tyden, dat die vorgere vyff broedenyn maneren worden ghedistribueert als boven geschriven. Vorder wat de heerdt als vors. beter
ys dan die vyff placken broeden moeghen belopen ghyfft mester Goessen mydt consent als vors. de rechten armen des vors. gasthueses puer
claer ende lutter omme Ghoedes willen hie offt synen arffgen. up den vors. heerdt myt syn thobehoer als nummer geen
ansprake thebben oft beholden renuncierende die vors. mester Goesen Willem Sasscher ende Hille vors. alle landtrechte stadtrechte
oick hoedanich die moeghen syn offte statueert worden, sie synnen dan Juris offte facti die desse transportatie donatie, ceffie offte alienatie
enich syns muchten behinderen; oick myt vorworden dat die voegheden noch emanth yn thoekomende tyden van weghen des ghast-
hueses vors. sollen dessen vors. heerdt myt syn tho behoer als vors. niet moeghen vercoepen, vorwisselen, vorthyen offte enich syns
alieneren dan alsoe tot ewighen daeghen blijven laten totten gasthuese ende rechten armen vor enen fundatie dair mester Goesen
Willem Sasscher, Hille ende hoeren arffgen. tot ewighen daeghen upsicht soelen hebben, die heerdt als vors. alsoe blijve unghealie-
neert die vyff broeden alsoe worden gegeven dair oick Harmen Ghysens ende syn arffgen. upsicht sollen hebben die vyff broden
ungealieneert blyven ende voirt die overloep van den heerdt vors. sall komen ende ghedispensiert worden den rechten armen tho nutticheit
ende profydt. Ende offt hyr enteghens worde gedaen ende ghehandelt doer die voigheden offte anderen nu offte hyr naemaels sullen
mester Goesen, Willem Sasscher, Hille ende hoeren arffgen. tot allen tyden den vors, heerdt vry ledich weder moeghen antasten
ende bruycken als hoeren eygen. Beholtlick dat die vyff weyten broeden uuth den heerdt tot den Ghasthuyse profydt sullen blyven
ende worden ghedistribueert als boven geschreven. Oick verkofft mester Goesen, Willem Sasscher, Hille vors. offte hoeren arffgen voir
etlicke armen beden sal men hem nae redelicheit niet weygheren. Ende oick sall die vors. Jacop Jantzen nu op die heerdt vors. weo-
nende altydt meyer blyven soe veer hie doen ende gheven will als een ander. Sunder alle arch ende list, dat oirkunde wy myt unser
stadt Seghell Ghegeven inden jair unses heren dusent vyffhundert vyff ende veertich maendaeghes nae undecim milium virginum.
Doe Eltet tho Lellens, Reyner Harmens, Albert Jarghes ende Bartoldt Coenrades Borghermesteren weren unser stadt.
ende walgheleerde mester Goessen Alma, vicarius yn sinte Mertenskarcke yn unser stadt ende bekande vor hem ende synen arffgen. oick
myt consent Willem Alma syn suster, Sasscher van Herengha, Hille Heringha syn huesfrouwe nu ter tydt syn naeste unde Sibbeste arffgen.
ende hefft upgedraghen ende overgegheven droech up ende ghaff over den voichden van Sunte Anthonius ghasthues by oester poirten bynnen
onser stadt tho behoeff der rechte armen aldair ende hoeren nakomelinge eenen heerdt landes gheleghen ynden Andel myt hieminghe hu-
singhe ende myt der schuere myt rechtinghe ende heerlicheyden ende myt ses ende twintich jucke landes bynnen dyckes ende myt tsestich schae-
pes graesen offte voetes deelgin buyten dykes dair nu ter tydt Jacop Jansen up woent dair die twe principael breven als Andreas Ghysens
koepbrieff ende Harmen Alma transfixe brieff van spreken dair desse brieff doer ghetoeghen ys vry ende quydt ewlyken ende arfflyken tho
bruycken ende besitten yn alle manieren alsoe die selve breven dair van ynhollen ende uuthwysen myt vorwerden ende obligatie dat de
voegheden vorsorghers offte voerstanders des vors. gasthueses sollen alle daeghen tot ewighen tyden gheven den rechten armen aldair denth
meest van noeden sall syn vyff placken weyten broeden welkier vyff placken broeden mester Goessen vors. schuldig was tho gheven
vor salighe Andreas Gysens hues ynde Heerstraten; dat welcke hyr naemaels mede van ghevryeth sall wesen tot ewighen daeghen dair Har-
men Ghysens vor hem ende syn arffgen. mede ynne hefft voir ons consenteert omme dat die principael coepbrieff met die ewighe memorie
soe voele bundigher ende bestendigher tot ewighen daeghen blijve. Soe die vorgere coepbrieff ynholt datmen die vyff placken broeden
niet sollen moeghen van den huese alieneren wairomme Harmen Ghysens ende synen arffgen. mede upsicht soelen hebben tot ewighen
tyden, dat die vorgere vyff broedenyn maneren worden ghedistribueert als boven geschriven. Vorder wat de heerdt als vors. beter
ys dan die vyff placken broeden moeghen belopen ghyfft mester Goessen mydt consent als vors. de rechten armen des vors. gasthueses puer
claer ende lutter omme Ghoedes willen hie offt synen arffgen. up den vors. heerdt myt syn thobehoer als nummer geen
ansprake thebben oft beholden renuncierende die vors. mester Goesen Willem Sasscher ende Hille vors. alle landtrechte stadtrechte
oick hoedanich die moeghen syn offte statueert worden, sie synnen dan Juris offte facti die desse transportatie donatie, ceffie offte alienatie
enich syns muchten behinderen; oick myt vorworden dat die voegheden noch emanth yn thoekomende tyden van weghen des ghast-
hueses vors. sollen dessen vors. heerdt myt syn tho behoer als vors. niet moeghen vercoepen, vorwisselen, vorthyen offte enich syns
alieneren dan alsoe tot ewighen daeghen blijven laten totten gasthuese ende rechten armen vor enen fundatie dair mester Goesen
Willem Sasscher, Hille ende hoeren arffgen. tot ewighen daeghen upsicht soelen hebben, die heerdt als vors. alsoe blijve unghealie-
neert die vyff broeden alsoe worden gegeven dair oick Harmen Ghysens ende syn arffgen. upsicht sollen hebben die vyff broden
ungealieneert blyven ende voirt die overloep van den heerdt vors. sall komen ende ghedispensiert worden den rechten armen tho nutticheit
ende profydt. Ende offt hyr enteghens worde gedaen ende ghehandelt doer die voigheden offte anderen nu offte hyr naemaels sullen
mester Goesen, Willem Sasscher, Hille ende hoeren arffgen. tot allen tyden den vors, heerdt vry ledich weder moeghen antasten
ende bruycken als hoeren eygen. Beholtlick dat die vyff weyten broeden uuth den heerdt tot den Ghasthuyse profydt sullen blyven
ende worden ghedistribueert als boven geschreven. Oick verkofft mester Goesen, Willem Sasscher, Hille vors. offte hoeren arffgen voir
etlicke armen beden sal men hem nae redelicheit niet weygheren. Ende oick sall die vors. Jacop Jantzen nu op die heerdt vors. weo-
nende altydt meyer blyven soe veer hie doen ende gheven will als een ander. Sunder alle arch ende list, dat oirkunde wy myt unser
stadt Seghell Ghegeven inden jair unses heren dusent vyffhundert vyff ende veertich maendaeghes nae undecim milium virginum.
Doe Eltet tho Lellens, Reyner Harmens, Albert Jarghes ende Bartoldt Coenrades Borghermesteren weren unser stadt.
x
| Archief | Groninger Archieven |
|---|---|
| Fonds | Arch. Sint-Anthonygasthuis |
| Toegangsnummer | 1247 |
| Inventarisnr. | 025a |
| Regestnr. | 03* |
| Jaar | 1545 |
| Datumcode | LpXImVir |