| Nummer:oub1539 | Datum:8. Mai 1497 | Overlevering:Editie | Vindplaats:Ostfriesisches Urkundenbuch, II, S. 537, nr. 1539 |
Die Pastoren Wessel zu Emden und Valke zu Larrelt übersenden im Auftrage des Grafen Edzard den Bevollmächtigten des Edo Wiemken den vorstehenden Geleitsbrief (Nr. oub1538) und laden sie zu Friedenskonferenzen in Aurich ein.
Dem erbarn duchtigen unde ersamen Olrick Beer, Memmen unde Rickelf, gebroeder van Rofhusen, und Ubben, secretarien, unsen besondern guden frunden.
Erbern, duchtigen unde ersamen guden frunde. Nach den latsten afschede am sondage vorgangen, des fruntliken dages halven, wy an uns hebben genamen van wegen des edlen unde wolgebaren heren Edzerdes, graven to Oestfreslant, unsen gnedigen leven heren, saecke unde dachte halven wy hebben geopent, van juw, so juw ane twivel is wol indechtich, dem erbern ende wolduchtigen junckern Eden, hovetling to Jever, andrepende etc., hebben derwegen bearbeidet by unsen g. l. heren, sine g. sodanes fruntliken dages nicht gedencket uth to slaende, dan nu en negesten midtweken vor Pinxtern vormiddages bynnen Auryck sodanes dages wil laten waren; begeren darumb, gemercket gy dage und stede gestalt hebben an syne g., gy mit juwen junckern willen reden ende vorvoegen, he syne vulmechtigen sake halven juw voergeven up den vorbestemmeden mitweken sunder furder vortoegeringe beschicken unde besenden wolde, unde deshalven juw by dussen jegenwardigen hebben besorget mit veligen unde sekeren geleide, wowol gy des nicht en bederveden. Gode dem Heren bevalen. Screven am maendage vor Pinxten, anno etc. XCVIIo, under unser ein signit
Hermannus Wessel, artium magister, pastor to Emden;
Theodericus Valke, utriusque iuris baccalaureus, pastor to Lerrelt.[*]
Erbern, duchtigen unde ersamen guden frunde. Nach den latsten afschede am sondage vorgangen, des fruntliken dages halven, wy an uns hebben genamen van wegen des edlen unde wolgebaren heren Edzerdes, graven to Oestfreslant, unsen gnedigen leven heren, saecke unde dachte halven wy hebben geopent, van juw, so juw ane twivel is wol indechtich, dem erbern ende wolduchtigen junckern Eden, hovetling to Jever, andrepende etc., hebben derwegen bearbeidet by unsen g. l. heren, sine g. sodanes fruntliken dages nicht gedencket uth to slaende, dan nu en negesten midtweken vor Pinxtern vormiddages bynnen Auryck sodanes dages wil laten waren; begeren darumb, gemercket gy dage und stede gestalt hebben an syne g., gy mit juwen junckern willen reden ende vorvoegen, he syne vulmechtigen sake halven juw voergeven up den vorbestemmeden mitweken sunder furder vortoegeringe beschicken unde besenden wolde, unde deshalven juw by dussen jegenwardigen hebben besorget mit veligen unde sekeren geleide, wowol gy des nicht en bederveden. Gode dem Heren bevalen. Screven am maendage vor Pinxten, anno etc. XCVIIo, under unser ein signit
Hermannus Wessel, artium magister, pastor to Emden;
Theodericus Valke, utriusque iuris baccalaureus, pastor to Lerrelt.[*]
