| Nummer:oub1218 | Datum:5. April 1488 | Overlevering:Editie | Vindplaats:Ostfriesisches Urkundenbuch, II, S. 274, nr. 1218 |
Edo Wiemken an Bremen.
Den ersamen unde vorsichtighen borghermesteren linde raecltmannen der sta, dt Bremen, mynen ghunstighen besunderen gueden frundes, frundtliken gescreven.
Mynen frundtliken gruedt myt vormoghe alles gueden thovoren. Ersamen vorsichtighen besunderen gueden frundes. So de gheduchtighe myn leve swagher Hero Ommeken van Doernum ritther, tho Esense etc. hovetlingk, unde ick, Hynrick Scroder, mynen amptman, unlanghes myt eyner credentien an juw gheschickt hadden, hebben unse dairup eyne nottelen myt anderen frundtliken byscrifften wedderumbe besandt, de wy untfanghende, alles inholdes woll vorstaen unde tho synen ghenomen hebben, begherende, wy all sulckendt sodane nottele moghe vullentoghen worden, ock mede willden beleven unde mytten besten voirtsetten etc., so das de nottele under lengheren inholde vormeldt; sodanne twyst, moyg unde unwillen tuschen deme upgenanten mynem leven swaghere, my unde Iken tho Knypense uppe eyne, unde den' Gronyngher, Detmarschen unde Wurster uppe ander halve, in gueden velighen vasten bestande eyn jair langk na dussem erstkomenden Paeschen upp to schortende unde tho bevatende, umbe roef, moerdt, brandt, allsulcken beydenthalven all uth unser eyn deme anderen vorseghelynghe tho donde etc., so ist, besunderen gueden frundes, wy sampt mytten upgenanten steden unde landen de vorbenoemden tyt, ass nuw uppe Paesehen erstkomende, na datum s brieffs angaende, eyn jaer langk dairna durende, eyn velich vast bestandt myt se dencken bevaten unde annemen, juw unde den Oestreschen steden tho willen, unde dencken in der myddeltyt eyns frundtliken daghes tho Gheestendorp myt se wairdende syn, dairuppe wy ohn unse apenen beseghelden bestandtbriefe by densulfften boden uns de eer wordt handtrekende wedderumbe dencken tho benalende; so dann de nottele furder de beyden landt Bothjaden unde Stadtlandt mede bestemmet, ock daghe bynnen juwer stadt jegen se tho holdende, dairuppe dann alle ghefangen in der veyde wo unde van wem de ghefangen syndt, uppe loffte unde ede scholden dagh hebben, ock alle vorborghet gheldt van der ghefangen wegen beth tho deme frundtliken daghe scholde resten unde unbetaeldt blyven etc., so wy dan sampt mytten upgenanten beyden landen alle schelynge unde twydracht tuschen uns unde ohn uppe eerlyken vromen luden bynnen landes wy beydenthalven dairto kesende worden, vorbleven syndt, dairuppe na uthlude twyer tsartern derhalven vorhandeldt frundtliken daghe vorramet, wairumbe vormenen uns derhalven bynnen juwer stadt daghe jegen se to holdende nicht van noden en sy, ock vorborghet gheldt dairuppe resten tho laten, steydt uns nycht to donde; so ock de nottele furder vormeldt, der van Hamburgh borgheren ock derwegen scholen in staden ghekomen syn, den se ock dechten laten anstaen etc., so ist, gueden frundes, ick uthe der van Hamburgh scriffte, se my unlanges meer danne tho eyner tyt mede besandt hebben, sodans nycht hebbe konnen irmarcken, ich erer borghere jenych scholen hebben beschedigen laten, dessulfften ghelyken de villgenante myn leve swaghere my ock berichtet hefft, he nummande van Hamburg hebbe beschedighet edder beschedighen laten, wente wy myt on anders nycht dan liefe, frundtscappe unde alle guedt en weten, weer jodogh woll unse guedt menynge, weme van uns sodanes schole andrepen, uns durgh scriffte mochte vorwytlyckt worden, dair wy dan mytten besten dechten uppe vordacht synnen, unss gheboerlyken laten irfynden. Gode bevolen. Ghescreven ame witten donredaghe, ums jair LXXXVIIIo.[*]
Edo Wymeken, tho Jhever etc. hovetling.
Mynen frundtliken gruedt myt vormoghe alles gueden thovoren. Ersamen vorsichtighen besunderen gueden frundes. So de gheduchtighe myn leve swagher Hero Ommeken van Doernum ritther, tho Esense etc. hovetlingk, unde ick, Hynrick Scroder, mynen amptman, unlanghes myt eyner credentien an juw gheschickt hadden, hebben unse dairup eyne nottelen myt anderen frundtliken byscrifften wedderumbe besandt, de wy untfanghende, alles inholdes woll vorstaen unde tho synen ghenomen hebben, begherende, wy all sulckendt sodane nottele moghe vullentoghen worden, ock mede willden beleven unde mytten besten voirtsetten etc., so das de nottele under lengheren inholde vormeldt; sodanne twyst, moyg unde unwillen tuschen deme upgenanten mynem leven swaghere, my unde Iken tho Knypense uppe eyne, unde den' Gronyngher, Detmarschen unde Wurster uppe ander halve, in gueden velighen vasten bestande eyn jair langk na dussem erstkomenden Paeschen upp to schortende unde tho bevatende, umbe roef, moerdt, brandt, allsulcken beydenthalven all uth unser eyn deme anderen vorseghelynghe tho donde etc., so ist, besunderen gueden frundes, wy sampt mytten upgenanten steden unde landen de vorbenoemden tyt, ass nuw uppe Paesehen erstkomende, na datum s brieffs angaende, eyn jaer langk dairna durende, eyn velich vast bestandt myt se dencken bevaten unde annemen, juw unde den Oestreschen steden tho willen, unde dencken in der myddeltyt eyns frundtliken daghes tho Gheestendorp myt se wairdende syn, dairuppe wy ohn unse apenen beseghelden bestandtbriefe by densulfften boden uns de eer wordt handtrekende wedderumbe dencken tho benalende; so dann de nottele furder de beyden landt Bothjaden unde Stadtlandt mede bestemmet, ock daghe bynnen juwer stadt jegen se tho holdende, dairuppe dann alle ghefangen in der veyde wo unde van wem de ghefangen syndt, uppe loffte unde ede scholden dagh hebben, ock alle vorborghet gheldt van der ghefangen wegen beth tho deme frundtliken daghe scholde resten unde unbetaeldt blyven etc., so wy dan sampt mytten upgenanten beyden landen alle schelynge unde twydracht tuschen uns unde ohn uppe eerlyken vromen luden bynnen landes wy beydenthalven dairto kesende worden, vorbleven syndt, dairuppe na uthlude twyer tsartern derhalven vorhandeldt frundtliken daghe vorramet, wairumbe vormenen uns derhalven bynnen juwer stadt daghe jegen se to holdende nicht van noden en sy, ock vorborghet gheldt dairuppe resten tho laten, steydt uns nycht to donde; so ock de nottele furder vormeldt, der van Hamburgh borgheren ock derwegen scholen in staden ghekomen syn, den se ock dechten laten anstaen etc., so ist, gueden frundes, ick uthe der van Hamburgh scriffte, se my unlanges meer danne tho eyner tyt mede besandt hebben, sodans nycht hebbe konnen irmarcken, ich erer borghere jenych scholen hebben beschedigen laten, dessulfften ghelyken de villgenante myn leve swaghere my ock berichtet hefft, he nummande van Hamburg hebbe beschedighet edder beschedighen laten, wente wy myt on anders nycht dan liefe, frundtscappe unde alle guedt en weten, weer jodogh woll unse guedt menynge, weme van uns sodanes schole andrepen, uns durgh scriffte mochte vorwytlyckt worden, dair wy dan mytten besten dechten uppe vordacht synnen, unss gheboerlyken laten irfynden. Gode bevolen. Ghescreven ame witten donredaghe, ums jair LXXXVIIIo.[*]
Edo Wymeken, tho Jhever etc. hovetling.
