Ocko tom Brok entlässt mehrere Kirchspiele im Reiderlande ihres seinem Vater Keno und dessen Erben gegebenen Eides.

Ik Ocko to Broke unde Awreke etc. hovetling[*] enkenne unde betughe openbaer vor allen guden luden in dessen openen breve, dat ik myd frygen willen, wolberadenen mode unde unbedwunghen van jemande hebbe overghegheven unde overgheve jegenwordich in krafft desses breves den ghemenen kerspelen Weenre, [*] Stapelmoer, [*] Dyle, Vellaghe, [*] Weninghermoer, [*] Bunde[*] unde ghemeenliken eren inwoneren, uthghesecht Lywarde[*] unde Gheben ton Bunde, alsodanne loffte, ede unde vorword, zo de vorscreven kerspele mynen vader Kenen seligher dechtnisse toevoren unde synen erffghenamen ghedaen hebben in voertyden, welker loffte, ede unde vorword ik Ocko vorscr. den vorscr. kerspelen Weenre, Stapelmoer, Dyle, Vellage, Weninghermoer unde Bunde, uthghesecht Lywarde unde Gheben, schelde qwijd, ledich unde loes, vor my, myne erffghenamen unde nakomelinge to ewyghen daghen daer nummer up to sprekende offte nemant van myner weghen, unde hebbe des to tughe myn secret hanghen heten an dessen breff, de ghegheven is in deme jaer unses Heren dusent veerhundert achte unde twyntich, up sunte Agneten dach der hillghen juncvrouwen.

x

x

Fonds	Ostfriesisches Urkundenbuch, I
Fol.nr.	S. 332
Nr	366
Olim	Nach dem Orig. im Besitze der Gesellschaft für bild. Kunst etc. zu Emden. a Msc. A. 1 Fol. 259. Msc. A. 15. Msc. A. 17 a.. diese geben die Urkunde nicht aus dem Original. Gedruckt Harkenroht S. 254, Matthaeus S. 235, Brenneysen S. 44.
Jaar	1428
Datumcode	Agneti

x

x

Commentaar	Von dem zerbrochenen Siegel ist noch der obere Theil des Wappenschildes erhalten, worauf ein gekrönter Adler mit ungekrönten Flügeln und ein gekrönter Helm mit Adlerkopf zu erkennen ist.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 366