Ocko tom Brok und Sibet von Rüstringen geloben den Oldenburgischen Vertrag treu zu halten.

Wy Ocko to Broke, Awreke ende Emeden etc. in Oestvresslande, unde Sybet in Rustrunghen hovetlincg, bekennen unde betughen openbaer in dessem breve, dat wy de zone unde schedinghe, de to Oldenborch van dem erwerdighen in Gode vadere unseme leven ghenedighen heren, hern Nicolawese ertzebisschope der hillghen kerken to Bremen, her Detmar van Thune, her Hinrike Hoyers borghermesteren, hern Lodewyghe Krulle unde hern Johanne Cletzen raetmannen der stede Lubike unde Hamborch twyschen uns aff ene, unde den ersamen borghermesteren, ratmannen unde ghemene meenten der stad Bremen aff andere zijden, so wy des an beydent syden by en ghebleven weren in jeghenwardicheit des eddelen junchern Dyderkes, greven to Oldenborch, unde endeyls der heren van deme capittele, der kerken unde der manschupp des stichtes to Bremen, unde der manschupp unde rade to Oldenborch unde anderer velen vromen luden wart uthghesproken, vorsonet, vorenet, vorscheden unde ghedeghedinghet unde van den eerghenanten unsen ghenedighen heren van Bremen unde den ersamen sendeboden vorbenompd begheven, bebrevet unde beseghelt, willen wy unde de unse in allen stucken, puncten unde articulen, alse deselve zonebreff de inneholt unde uthwyset, stede, vast unde unvorbroken holden sunder alle arghelist unde allen bosen waen. Desses to tughe, so hebben wy Ocko unde Sybet hovetlinghe vorscreven unse rechten ingheseghele hanghen heten to dessen breve. Datum anno Domini M^o CCCC^o XXV^o in octava Pasche.

x

x

Fonds	Ostfriesisches Urkundenbuch, I
Fol.nr.	S. 294
Nr	330
Olim	Nach dem Originale im Archive zu Bremen.
Jaar	1425
Datumcode	oPasche

x

x

Commentaar

Die Siegel sind wohl erhalten. 1. Wappenschild mit gekröntem Adler, über dessen Flügeln Kronen schweben. Gekrönter Helm mit gekröntem Adlerkopf. Als Schildhalter zwei Löwen. Umschrift: S. Ockonis domicelli et capitalis in Brok .....(Hinter Brok folgen noch deutlich die Buchstaben o ad sar) - 2. Der häufig vorkommende Typus von Sibet's Siegel, Engel und Wappenschild, auf welchem der rechtsaufgerichtete Löwe, und die Umschrift: S. Sibodi capitalis in Rustringia.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 330