Nederlands (NL)  German (DE)
Nummer:oub0234 Datum:2. Febr. 1413 Overlevering:Editie Vindplaats:Ostfriesisches Urkundenbuch, I, S. 193, nr. 234

Folkeld, Witwe Ocko's tom Brok, giebt und beschwört abermals ein Zeugniss über die Unrechtmässigkeit der Ansprüche ihrer Schwiegertochter an Güter des Imelo und Haro, Erben der Adda von Hinte. (Vgl. Nr. oub0200 und oub0289)

Bron Recto Dorso Vertaling Relatie Zegels Materiaal Literatuur Index N.B.
Ik Folkeld, her Ocken vrowe zelgher dechtnisse to Broke, bekenne unde betughe openbaer vor allen guden luden, de dessen breff zeen off horen lezen in tokomenen tyden, dat my dat wytlik unde kundich is, dat Imele unde Hare, Adden zones to Hynte, neen gued, groeth noch clene, Adden, Kenen vrowen mynes zones schuldich zint to uterne, [*] dar zuo zee vor ansprekt van eres vaders weghene, wante Imele unde Hare meer gudes van Adden tachter zint, dar zee myt rechte wal up spreken mochten, dan Adde van en broderen myt gynynghe rechte moghe eeschen; unde dit wil ik Folkelt vorscr. holden up myne zele vor Gode unde der werlt, dar ik Godes best behove, dat dit aldus in alzo vorscr. steyt, unde wy Kene hoffling to Broke unde Awerke, her Almer canonicus to Oldenborch[*] unde beleende preester to Uthengerbure[*] unde her Haye beleende prester daerzelves, nach den dat vrowe Folkeld desse vorscr. bekantnisse unde lyenge[*] vor uns ghedaen hefft unde vor anderen velen guden luden, zo hebben wy dessen breff gherne bezeghelt myt unsen hangenden zeghelen umme Imelen unde Haren beede willen to mereren loven unde tughe. Gescreven int jar unses Heren Mo CCCCo unde XIII, up unser leven Vrowen dach purificationis.
Recto:
x
x
Fonds Ostfriesisches Urkundenbuch, I
Fol.nr. S. 193
Nr 234
Olim Nach dem Orig. im Besitz der Gesellschaft für bild. Kunst etc. zu Emden.
Inventaris
Jaar 1413
Datumcode PurMar
x
x
Editie naar ugk009.
x
Commentaar Von den Siegeln sind nur einige Fragmente erhalten.
x
Materiaal papier
x
Edities E. Friedländer, Ostfriesisches Urkundenbuch I (Emden 1878), nr. 234