| Nummer:ogd1190 | Datum:10 sept. 1404 | Overlevering:Editie | Vindplaats:Oorkondenboek Groningen en Drenthe, nr. 1190 |
Frederik van der Eze belooft, dat hij het slot te Coevorden buiten toestemming van de drie steden aan niemand zal overgeven voordat de aan de Bisschop voorgeschoten som is terugbelaald of daarvoor zekerheid is gegeven.
Allen luden, de desen brieff soelen sien off hoeren lesen doe ic vorstaen, Frederic van der Eze, in der tijt amptman ende casteleyn tot
Covorden, ende bekenne openbaer, want
de eerwighe in Gode vader ende here, her Frederic van Blankenhem, bisscop tUtrecht, mijn lieve ghenedighe here, ghesat hadde de eersaeme lude,
scepene ende raede
sijnre drier stede van Sallant als Deventer, Campen, Zwolle voer vijfftiendusent aelde schilde, de sij voer hem ende sijn ghestichte gheloefft
hadden an hande Reynolds van Covorden ende sijnre erffghenamen te betalen to sekeren tijden als de schadeloesbrieve daeraff in hoelden, de mijn
lieve ghenedighe here voerscreven hem daerup gegheven hefft, ende want de guede lude, scepene ende raede van sijnen drien steden voerscreven de
vijfftiendusent alde schilde an Reynolts hant van Covorden voirs. betaelt hebben alsoe als sij dat ghelovet hadden, daer sij noch taffer ende in
ghebreck van sijn an mijnen lieven ghenedighen heren van Utrecht voerscreven als sij bewisen moeghen, soe heb ic nae inholt des
schadeloesbrieffs, den mijn lieve here sijnen gueden lueden, scepenen ende rade sijnre drier stede voerscreven daeraff beseghelt hefft gegheven,
bij sijnen gheheyte ende bevelinge vastlic gheloevet voer mij ende voer mijne erffghenamen den eersamen luden, scepenen en raede sijnre drier
hoefftstede voerscreven ende ellic daeraff besonderlinge, weert dat miin lieve here voerscreven afflivich off in een ander ghestichte
transferiert worde, dat off God wil nyet gheschien en sal ende de voerscreven guede lude sijnre drier stede voerscreven nyet ghequijt en weren
van den ghebreke van den vijfftiendusent oelde schilden voerscreven, dat sij daeran hebben, alsoe dat ic dat huys ende de stad van Covorden tot
haerre behoeff haelden sal ende den heer, de nae hem bisscop tUtrecht worde, noch nyement van sijnreweghen dat huys ende de stad van Covorden en
sal overleveren, noch daerup laten comen in enigherwijs hem daermede toe behelpen, eer der tijt dat den voerscreven scepenen ende raede sijnre
stede vorscreven ghenoech gheschiet were ende sij claerlike ghequijt weren van den ghebreke van den vijfftiendusent schilden voers., den sij
daeran hadden, off deselve sijn nacomelinge bisscop tUtrecht en hadde hem sijne brieve gegheven, den schadeloesbrieff ghelijck, den hem mijn
lieve here, bisscop Frederic voerscreven, daerup gegheven hefft als de dan nae beloepp der tijt ende ghelegenheyt der betalinge boerden te
wesen, ende oek van sijnen amptman ende casteleyn tot Covorden loffnisse, eede ende vestinge mit brieven als up dat voerscreven slot ende stad
van Covorden dede geschien, ghelijc ic nu ghedaen hebbe ende in allen maneren als voers. is, soedat de voerscreven sijn stede van der loffnisse
van den ghebreke van den vijfftiendusent aelde schilde al quijt worden ende sonder schaede blijven. Mer weert sake dat sijnen voers. steden nyet
voldaen en worde noch ghequijt en worden van den ghebreke van den vyfftiendusent oelde schilden voerscreven ende mijn lieve here afflivich off
in een ander ghestichte transferiert worde, eer sij ghequijt weren, soe en solde ic anders ghenen bisschop noch nement van sijnreweghen, de nae
hem queme, annemen noch up dat slot off in de stad van Covorden comen laten hem in enigher wijs daermede te behelpen, hi en hadde sij yrst
ghequijt ende hem claerlic voldaen van den ghebreke van den vijfftiendusent oelde schilde, dat sij daeran hadden. Ende weert oek dat mijn lieve
heer van Utrecht voerghenoemt mij vorsetten woelde van den ampte ende casteley(n)scap voers., soe en sal ic nochtans de stad ende huys van
Covorden en casteleynscap nyet rumen noch overgheven, eer de amptman ende casteleyn, de nae mij wesen soelde, alduslike brieve ende gheloffte
mit sijnen seghel ghegeven had den drien steden voers. Alle dese punten heb ic, Frederic voerscreven, ghesekert ende gheloefft in gueden trouwen
ende over den hilghen ghezworen mit upgherichten vingheren ghestaefftes eeds de stede vast ende onvorbreckliken te hoelden ende te doen, sonder
argelist. In orkonde des brieffs beseghelt mit mijnen seghel. Gegheven int jaer ons Heren dusent vierhondert ende vier des Wonsdaghes nae onser
Vrouwendach Nativitas.
Covorden, ende bekenne openbaer, want
de eerwighe in Gode vader ende here, her Frederic van Blankenhem, bisscop tUtrecht, mijn lieve ghenedighe here, ghesat hadde de eersaeme lude,
scepene ende raede
sijnre drier stede van Sallant als Deventer, Campen, Zwolle voer vijfftiendusent aelde schilde, de sij voer hem ende sijn ghestichte gheloefft
hadden an hande Reynolds van Covorden ende sijnre erffghenamen te betalen to sekeren tijden als de schadeloesbrieve daeraff in hoelden, de mijn
lieve ghenedighe here voerscreven hem daerup gegheven hefft, ende want de guede lude, scepene ende raede van sijnen drien steden voerscreven de
vijfftiendusent alde schilde an Reynolts hant van Covorden voirs. betaelt hebben alsoe als sij dat ghelovet hadden, daer sij noch taffer ende in
ghebreck van sijn an mijnen lieven ghenedighen heren van Utrecht voerscreven als sij bewisen moeghen, soe heb ic nae inholt des
schadeloesbrieffs, den mijn lieve here sijnen gueden lueden, scepenen ende rade sijnre drier stede voerscreven daeraff beseghelt hefft gegheven,
bij sijnen gheheyte ende bevelinge vastlic gheloevet voer mij ende voer mijne erffghenamen den eersamen luden, scepenen en raede sijnre drier
hoefftstede voerscreven ende ellic daeraff besonderlinge, weert dat miin lieve here voerscreven afflivich off in een ander ghestichte
transferiert worde, dat off God wil nyet gheschien en sal ende de voerscreven guede lude sijnre drier stede voerscreven nyet ghequijt en weren
van den ghebreke van den vijfftiendusent oelde schilden voerscreven, dat sij daeran hebben, alsoe dat ic dat huys ende de stad van Covorden tot
haerre behoeff haelden sal ende den heer, de nae hem bisscop tUtrecht worde, noch nyement van sijnreweghen dat huys ende de stad van Covorden en
sal overleveren, noch daerup laten comen in enigherwijs hem daermede toe behelpen, eer der tijt dat den voerscreven scepenen ende raede sijnre
stede vorscreven ghenoech gheschiet were ende sij claerlike ghequijt weren van den ghebreke van den vijfftiendusent schilden voers., den sij
daeran hadden, off deselve sijn nacomelinge bisscop tUtrecht en hadde hem sijne brieve gegheven, den schadeloesbrieff ghelijck, den hem mijn
lieve here, bisscop Frederic voerscreven, daerup gegheven hefft als de dan nae beloepp der tijt ende ghelegenheyt der betalinge boerden te
wesen, ende oek van sijnen amptman ende casteleyn tot Covorden loffnisse, eede ende vestinge mit brieven als up dat voerscreven slot ende stad
van Covorden dede geschien, ghelijc ic nu ghedaen hebbe ende in allen maneren als voers. is, soedat de voerscreven sijn stede van der loffnisse
van den ghebreke van den vijfftiendusent aelde schilde al quijt worden ende sonder schaede blijven. Mer weert sake dat sijnen voers. steden nyet
voldaen en worde noch ghequijt en worden van den ghebreke van den vyfftiendusent oelde schilden voerscreven ende mijn lieve here afflivich off
in een ander ghestichte transferiert worde, eer sij ghequijt weren, soe en solde ic anders ghenen bisschop noch nement van sijnreweghen, de nae
hem queme, annemen noch up dat slot off in de stad van Covorden comen laten hem in enigher wijs daermede te behelpen, hi en hadde sij yrst
ghequijt ende hem claerlic voldaen van den ghebreke van den vijfftiendusent oelde schilde, dat sij daeran hadden. Ende weert oek dat mijn lieve
heer van Utrecht voerghenoemt mij vorsetten woelde van den ampte ende casteley(n)scap voers., soe en sal ic nochtans de stad ende huys van
Covorden en casteleynscap nyet rumen noch overgheven, eer de amptman ende casteleyn, de nae mij wesen soelde, alduslike brieve ende gheloffte
mit sijnen seghel ghegeven had den drien steden voers. Alle dese punten heb ic, Frederic voerscreven, ghesekert ende gheloefft in gueden trouwen
ende over den hilghen ghezworen mit upgherichten vingheren ghestaefftes eeds de stede vast ende onvorbreckliken te hoelden ende te doen, sonder
argelist. In orkonde des brieffs beseghelt mit mijnen seghel. Gegheven int jaer ons Heren dusent vierhondert ende vier des Wonsdaghes nae onser
Vrouwendach Nativitas.
x
| Fonds | Oorkondenboek Groningen en Drenthe |
|---|---|
| Nr | 1190 |
| Olim | Naar het origineel in het gemeentearchief te Kampen (I, no. 360), hoog 19,5, breed 36 cm. |
| Jaar | 1404 |
| Datumcode | EpNatMar |
x
| Commentaar | Aan het stuk hangt een rond zegel in groene was als dat aan no. 1189; randschrift: SIGLM VREDERICS VAN DER ESE. |
|---|