Nederlands (NL)  German (DE)
Nummer:ogd0824 Datum:16 dec. 1391 Overlevering:Editie Vindplaats:Oorkondenboek Groningen en Drenthe, nr. 824

Hinricus, proost van Humsterland, verklaart na afloop van de gestelde termijn de bekrachtiging van de brief van Peya Aylirdisma door de officiaal wettelijk onaantastbaar.

Bron Recto Dorso Vertaling Relatie Zegels Materiaal Literatuur Index N.B.
Hinricus, prepositus in Humerke, commissarius domini officialis terre Frisie Monasteriensis dyocesis constitutus, dilectis nobis
in Christo dominis presbyteris, curatis et non curatis quibus cumque ac universis dicto domino officiali subjectis salutem. Vobis universis
pateat evidenter secundum tenorem nostri mandati huic affixi, qualiter dominus noster officialis confirmavit quandam litteram ex parte Peye
Alirdisma in Sondwere et pro ea super castro, bonis et prediis quibuscumque dictis Walkamanorum relictis eidem Peye a Siberna Walkama,
precipiens nobis ut eandem confirmacionem universis publicaremus procedendo in dicto facto juris ordine reservato. Unde ut tenebamur et
tenuimur, idem mandatum adimplere voluimus, ergo emisimus mandatum nostrum, cui presens littera est transfixa, contra quoscunque dictum castrum
cum prediis et bonis suis impetere volentes refusum et refusis eidem Peye ad allegandum contra confirmacionem dicti domini officialis, quare
dictum castrum, predia et bona sit refusa ipsi Peye, minime jure hereditario sibi spectare deberent, specialiter contra Hayonem in da
Audacompum, Ythatum juxta Haycamahues nomine sue uxoris, Allonem Yckama ratione et sue uxoris, Rippeconem Haicama juxta Sliuchtingahuse etiam
ratione sue uxoris, Adulphum, Siabbonem, Jaelricum, fratres to da Pale in Ghershusum, et Gayconem Omtada suasque duas sorrores, quibus
specialiter compa-rentibus coram nobis in mandato sit expressis et nullis aliis idem castrum cum bonis et prediis impetere volentibus. Sabbato
proximo post festum beate Lucie virginis in loco assingnato et hora deputata requisivimus secundum tenorem mandati dicti domini officialis et
nostri, si qui essent, qui allegare aliquid vellent contra confirmacionem antedictam factam pro et ex parte Peye antedicte, qui respondentes se
nolle intromittere de dictis castro, prediis et bonis mobilibus et immobilibus quibuscunque, sed quod quita dimitterent eadem libere et omnino
ita, quod nec ipsi nec eorum successores eandem Peyam seu suos successores vellent seu infestare deberent quovismodo, nec alii fuerunt
impetentes dictum castrum, predia et bona, unde extunc judica vimus pro dicta Peya dictum castrum, predia et bona secundum confirmacionem domini
officialis predicti eidem adjudicando, et presenti scripto sententiamus et judicamus auctoritate predicta ipsam confirmacionem firmiter
observari sub pena sexaginta marcarum antiquarum et sententia excommunicacionis trium tamen dierum canonica prima monitione. Et ideo presens
nostrum mandatum cum nostro mandato priori confirmacioni et littere, super qua facta est dicta confirmacio domini officialis, transfigi voluimus
et fecimus, presertim ex eo quod, sententia per nos lata in negotio jam dicto, iidem citati libere idem castrum, predia et bona antedicte Peye
reliquerunt. Presentem nostram sententiam tulimus in presentiis dominorum Ythati et Nittardi, in Sondwere et Sond ecclesiarum curatorum, et
aliorum fide dingnorum die, loco et hora in priori mandato contentis. Datum anno Domini MCCCXC primo sabbato proximo post festum beate Lucie
virginis et gloriose .
Recto:
x
x
Fonds Oorkondenboek Groningen en Drenthe
Nr 824
Olim Naar het origineel in het rijksarchief te Groningen (Reg. 1391, no. 7), hoog 14, breed 26 cm.
Jaar 1391
Datumcode SpLucie
x
x
Editie naar fae010.
x
Commentaar Aan het stuk hangt een gebroken rond zegel in rode was, vertonende binnen twee gothieke dooreengevlochten tripassen een hartschild, waarop een naar links gewende staande leeuw; randschrift onleesbaar.
x
Materiaal papier
x
Edities P.J. Blok e.a., Oorkondenboek van Groningen en Drente, II (Groningen 1899), nr. 824.