| Nummer:ogd0503 | Datum:28 jan. 1361 | Overlevering:Editie | Vindplaats:Oorkondenboek Groningen en Drenthe, nr. 503 |
Johan van Eerde, ridder, en zijn dochter verklaren een erf te Avereest aan Egbert, cureet te Westerhesselen, te hebben verkocht, terwijl Wilbert, meier te Ommen, oorkondt, dat voor hem in het gerecht de overdracht is geschied.
Wy, Johan van Eerde, ridder, ende Margarete, sijn dochter, doen kont ende kenlick allen luyden, die desen brieff solen syen off horen lesen, dat
wy vor ons ende vor onsen rechten erfgenamen vercoft hebben ende vercoepen erfflick mijt desen breve heren Egberte, cureyt van Westerhesselen,
ende synen gerechten erfnamen den Hoenover, alsoe die ghelegen is mijt alre slachter not ende mijt allen synen toebehoereri in den kerspel van
der Overreesten, umme ene summe van ghelde, die ons ende onsen gerechten erfnamen witlick ende wal betaelt is. Ende den Hoenover voers. stelle
wy vry ende qwijt ewelick ende ummermeer heren Egberte voernoemt ende synen erfnamen toe besitten ende te ghebruken sonder enigerhande ansprake
ons off onser gerechter erfnamen. In oirkonde der waerheit ende ummedat wy willen, dat dese coep voersz. stede ende vast blive ende wal
gheholden worde van ons ende van onsen gerechten erfnamen, soe hebb ick, Johan van Eerde, ridder voernoemt, desen brieff besegelt mijt mynen
segel vor my selven, voer Margareten, mijn dochter voerseit, ende voir allen onsen gerechten erfnamen. Ende Margarete voers. verlye deser dijnck
vors. onder segel heren Johans van Eerde, mijns vaders voers., gelykerwijss als oftet mijns selffs segel were, want ick selven gheen segel en
hebbe. Ende um die rneerre vestenisse ende sekerheit, soe hebben wy, Johan van Eerde, ridder, ende Margarete, sijn dochter voernoemt, den
voernoemden heren Egberte opgelaten den voernoemden Hoenoever mijt allen synen toebehoren vor gerichte in den ghehegeden hemael vor Wilberte,
meyer tot Ummen, als recht is, ende hebben em ghebeden desen brieff mijt ons te besegelen mijt synen segele tot enen meren tughe deser saecken
voers. Ende ic, Wilbert, meyer tot Ummen, maeke openbaer ende betuge, dat vor my quemen vor gerichte tot Ummen in den ghehegeden heymaell her
Johan van Eerde, ridder, ende joncfrou Margrete, sijn dochter, ende drogen up heren Egberte, cureyt van Westerhesselen ende synen erfnamen den
Hoenover voers. mijt allen synen tobehoeren in allen manyeren als hier voers. is. In kennisse der waerheit, want dese saeken vor my gheschiet
sijnt vor gerichte ende omme beden willen heren Johan ende joncfrouwe Margareten voernoemt, soe heb ick desen brieff besegelt met mynen segel.
Hier hebben oever ende an ghewest Roloff van Redese, Herman Reygher, Gotschalck van Vilsteren, Herman van Nyenstede, Johan de Smijt ende anders
vele gueder lude. Gegheven int jaer ons Heren dusent drehondert een ende zestich des Donredages nae sancte Pauwelsdach conversatio.
wy vor ons ende vor onsen rechten erfgenamen vercoft hebben ende vercoepen erfflick mijt desen breve heren Egberte, cureyt van Westerhesselen,
ende synen gerechten erfnamen den Hoenover, alsoe die ghelegen is mijt alre slachter not ende mijt allen synen toebehoereri in den kerspel van
der Overreesten, umme ene summe van ghelde, die ons ende onsen gerechten erfnamen witlick ende wal betaelt is. Ende den Hoenover voers. stelle
wy vry ende qwijt ewelick ende ummermeer heren Egberte voernoemt ende synen erfnamen toe besitten ende te ghebruken sonder enigerhande ansprake
ons off onser gerechter erfnamen. In oirkonde der waerheit ende ummedat wy willen, dat dese coep voersz. stede ende vast blive ende wal
gheholden worde van ons ende van onsen gerechten erfnamen, soe hebb ick, Johan van Eerde, ridder voernoemt, desen brieff besegelt mijt mynen
segel vor my selven, voer Margareten, mijn dochter voerseit, ende voir allen onsen gerechten erfnamen. Ende Margarete voers. verlye deser dijnck
vors. onder segel heren Johans van Eerde, mijns vaders voers., gelykerwijss als oftet mijns selffs segel were, want ick selven gheen segel en
hebbe. Ende um die rneerre vestenisse ende sekerheit, soe hebben wy, Johan van Eerde, ridder, ende Margarete, sijn dochter voernoemt, den
voernoemden heren Egberte opgelaten den voernoemden Hoenoever mijt allen synen toebehoren vor gerichte in den ghehegeden hemael vor Wilberte,
meyer tot Ummen, als recht is, ende hebben em ghebeden desen brieff mijt ons te besegelen mijt synen segele tot enen meren tughe deser saecken
voers. Ende ic, Wilbert, meyer tot Ummen, maeke openbaer ende betuge, dat vor my quemen vor gerichte tot Ummen in den ghehegeden heymaell her
Johan van Eerde, ridder, ende joncfrou Margrete, sijn dochter, ende drogen up heren Egberte, cureyt van Westerhesselen ende synen erfnamen den
Hoenover voers. mijt allen synen tobehoeren in allen manyeren als hier voers. is. In kennisse der waerheit, want dese saeken vor my gheschiet
sijnt vor gerichte ende omme beden willen heren Johan ende joncfrouwe Margareten voernoemt, soe heb ick desen brieff besegelt met mynen segel.
Hier hebben oever ende an ghewest Roloff van Redese, Herman Reygher, Gotschalck van Vilsteren, Herman van Nyenstede, Johan de Smijt ende anders
vele gueder lude. Gegheven int jaer ons Heren dusent drehondert een ende zestich des Donredages nae sancte Pauwelsdach conversatio.
x
| Fonds | Oorkondenboek Groningen en Drenthe |
|---|---|
| Nr | 503 |
| Olim | Naar het afschrift in het Registrum Bon: Steenwick, fol. 96vo. |
| Jaar | 1361 |
| Datumcode | JpConPau |