| Nummer:ogd0483 | Datum:7 juni 1360 | Overlevering:Editie | Vindplaats:Oorkondenboek Groningen en Drenthe, nr. 483 |
Johan van Arkel, bisschop van Utrecht, sluit, mede voor enige andere personen, een verdrag met de stad Groningen.
Wi, Johan, bi der ghenade Goeds bisscop tUtrecht, doen kont allen luden , die desen opene brief zullen zien
of horen lesen, dat wi van Willam dode van Yttersem, daer God die ziele off hebbe, die onse eyghen man was,
ende van der aentale, die de vrouwe van der Eme op die van Groninghen hadde, ende van der aentale, die Willam van Welehusen op die van
Groninghen hadde, ende van allen saken, die tusschen ons ende dier stat van Groninghen ende hore borghers hebben gheweest tot desen dage toe, so
hebbe ghedaen een alinghe stede ende vaste zoene mit der stat van Groninghen ende al horen borghers ende sonderlinghe mit Mennen Vincken ende
sine vriende ewelike te houden. Ende zullen die stat van Groninghen ende al hoer borgher voers. vry ende quijt houden ende laten van ons, ende
van al dergheenre aentaelle, die hiirvoer ghescreven staen, ende alle hore vriende op een oude stede vaste zoene. Voertmeer zel wi die borghers
van Groninghen veylichen ende beschermen in onsen stichte ghelike anderen borghers, die in onsen stichte gheseten siin. Uutghesproken al
arghelist. In oerconde des briefs beseghelt mit onsen seghel. Ghegheven int jaer ons Heren dusent driehondert ende tsestich des Sonnendaghes na
des heyliche Sacramentsdach.
of horen lesen, dat wi van Willam dode van Yttersem, daer God die ziele off hebbe, die onse eyghen man was,
ende van der aentale, die de vrouwe van der Eme op die van Groninghen hadde, ende van der aentale, die Willam van Welehusen op die van
Groninghen hadde, ende van allen saken, die tusschen ons ende dier stat van Groninghen ende hore borghers hebben gheweest tot desen dage toe, so
hebbe ghedaen een alinghe stede ende vaste zoene mit der stat van Groninghen ende al horen borghers ende sonderlinghe mit Mennen Vincken ende
sine vriende ewelike te houden. Ende zullen die stat van Groninghen ende al hoer borgher voers. vry ende quijt houden ende laten van ons, ende
van al dergheenre aentaelle, die hiirvoer ghescreven staen, ende alle hore vriende op een oude stede vaste zoene. Voertmeer zel wi die borghers
van Groninghen veylichen ende beschermen in onsen stichte ghelike anderen borghers, die in onsen stichte gheseten siin. Uutghesproken al
arghelist. In oerconde des briefs beseghelt mit onsen seghel. Ghegheven int jaer ons Heren dusent driehondert ende tsestich des Sonnendaghes na
des heyliche Sacramentsdach.
x
| Fonds | Oorkondenboek Groningen en Drenthe |
|---|---|
| Nr | 483 |
| Olim | Naar het origineel in het rijksarchief te Groningen (Reg. 1360, no. 3), hoog 15, breed 25,5 cm. Ook gedrukt bij Driessen, blz. 224. |
| Jaar | 1360 |
| Datumcode | DpSacram |
x
| Commentaar | Aan een perkamenten strook hangt in rode was een geschonden zegel, rond, vertonende een bisschop met opgeheven rechterhand, houdende voor de knieen een wapenschild, beladen met twee gekanteleerde dwarsbalken; randschrift . . . E . . . COPI TRAIECTENSIS. |
|---|