Guede vrunt, ons hebben gheclaghet Ywe van Ewere ende Abele Grevinghe umme die onrechte rove die ghi over die wedemans als Eweke toe Gotlynsen, Remmeke tho Berem
ende Radynck toe Spijck aff gherovet solden hebben. Alzo hebben Ywe ende Abele vorscreven
die sake beroepen ende beborghet by vyff olde marcke ande lande ende [lat] ons
laten yu weten ende ghebeden vanden lande ende onsen weghen elken by enre pene
van teyn olde schilde dat gy van stonden an den vorscreven wedemans die rove
up borghen vrijg lathen ende borghen onghemoyt laten all want op den naesten
werff ter lande ende unsen vorclaringhe. Voert soe daghe wy yu op inde stad
op den vorscreven werff by die vorscreven pene yu teghens Ywen ende Abelen vorscreven toe
verantworen (sic) ende enen borghen tho moete te setten. Den boeden ghevet den breff
weder by der vorscreven pene. Ghescreven onder onser stad ende [se] lande secreet up sunte Iohans
dach ante portam latinam inden yaer van vierendetseventich.
Unsen gueden vrent Hoefftmans inder tyt
Aylbet Albarda. in Gronnynghen.
??

x

x

Archiv	Groninger Archieven
Bestand	Omm. arch.
Zugangsnummer	2
Inventarnr.	0051
Regestnr.	104
Jahr	1474
Datumcode	JohaPL

x

x

Material	papier