| Nummer:kta255 | Datum:8 jan. 1561 | Überlieferung: | Fundstelle:Klooster Ter Apel, inv.nr. 47, reg. 255 |
Johan ten Venhus, richter te Westerwolde, oorkondt, dat de ersame mester Herman Scholte van Oldenharen aan het klooster van ter Apel heeft gegeven de somma van 200 goudguldens, waarvoor het klooster heeft aangenomen om mester Herman kost en inwoning te geven en wat hij noodig heeft, behalve kleeren, wijders dat Herman aan het klooster heeft gegeven 60 goudguldens op lijfrente, waarvoor 't klooster hem alle jaar op Martini episcopi zullen betalen 3 goudguldens, opdat hij zich daarvan kleede, behalve dat hij 2 paar schoenen per jaar zal krijgen van 't klooster, verder dat hij gereedschap, geld en ‘imen’, die hij nu heeft zijn leven lang zal mogen houden, doch dat alles na zynen dood aan 't klooster zal vervallen, om God voor hem te bidden, zonder dat zijn familie er recht op zal hebben, ‘dan hè heft dat mit sijn swar arbeit vordienet’.
heren Karell Schenck frig her tho
Tautenborch her tho Wedde etc, bekenne unde betuige mit dessen openen besegelden breve dat voer my inden gerichte dar
Ick stede unde stoll becledeth hadde alss ick mit rechte scholde Iss erschenen und
gekomen de ersame mester Herman
Scholte van Olden Haren und bekande dar Inden gerichte dat he heft gegeven und geft
noch in kracht dussess brevess
prior unde gemenen conventualen tho Apell twe hunderth golden gulden off ere gewerde
In anderen guden gelde unde dar
voer hebben prior unde convent to Apell mester Hermen angenomen to besorgen In kost und
unde all wat em van noedenn
Iss uthgenomen kleder In leven unde ock nae synen doeth den godt salich make nae
vermelt unde utwisinge segell
unde breve die conventh mester Hermen gegeven hebben noch hebben prior unde convent vorscr. In verleden tiden untfangen
tsestich golden gulden van mester Hermen vorscr. up liff renten dar prior und convent
mester Herman voer hebben geloefth
alle Jare up Martini episschopi wal to betalen drie golden gulden nae luit segell
und breve prior unde conventh
mester Hermen dar van ock gegeven hebben und mit desse drie golden gulden sal sick
mester Hermen sulvess
cleden uth genomen twe paer schoen dess Jarss sullen prior und conventh mester Hermen
geven und dath
mester Hermen nu noch heft dat sin gelt reschup imen wath dat Iss kleyn unde groth dat
mach he synn
leventh lanck gebrucken unde synen wyllen dar mede donn dan dar he In vorsterveth
sall nae synen
doeth Inden kloster blyven und niemanss van synen vrunden sal dar Inn Ewicheit gene
ansprake
up hebben umme godt den heren voer Em tho bydden Soe em dat doch nicht van synn olders
ofte frunden angekomen Iss dan he heft dat mit syn swar arbeit vordieneth und Iss geschenn
Inn bywesen alss gerichtess luide die Ersame mannen Else ter Haer Luppe Elgerss maech Gerth
in Haren mester Hermen syn suster soene noch tho merer vestenisse der warheit hebbe Johann
ten Venhuss richter vorscr. myn gerichte segell gehangen under an dussen breff Inden Jare unsess
heren dusent vyffhundert ehnn unde tsestich den achten dach der manth January.
DORSO : Mester Herman van Oldenharen provener.
| Archiv | Groninger Archieven |
|---|---|
| Bestand | Klooster Ter Apel |
| Zugangsnummer | 1373 |
| Inventarnr. | 47 |
| Regestnr. | 255 |
| Register Feith | 1561.004.1 |
| Jahr | 1561 |
| Datumcode | 0801 |