Frans, bisschop van Munster en Osnabruck, oorkondt dat hij vernomen hebbende dat de buren van Oldenhaeren Overlangen en Nederlangen hebben verkocht aan het klooster ter Apel een stuk land de Barenvledder en Emesche maet geheeten, naar luid der brieven door de rechters van Haeren en Duthe daarvan gegeven, deze koop heeft bekrachtigd.

Wy Frantz van Gotz genaden Bisschop tho Munster unnd Osenbrugge Administrator to
Minden doen kundt Nha demm wy van tuisen
Amptluiden lm Emesslande berichtet sint worden ock sust uth vhoergebrachtem bewyse
und Kuntschap befunden dat unses
Stifftz Munster und Ingesetten unses Emesslandes de gemeynen buren van Oldenhaeren
Overlangen unnd Nedderlangen
sampt fryen unnd eigene dem Erberen unnd geistligen priori und semptligen Convente des Cloisters ter Apell und eren
nakomelingen erffligen overgelaten unnd verkofft hebben eyn stucke landes de Barenfledder unnd de Emesche maet
genompt mit heide weyde unnd Moerlandt In dersolven marcke by des gerorten cloisters anderen lande gelegen allet
In gestalt unnd nha vermeldunge twyer Richtschine durch unse Richter to Haren und
Duthe derwegen gegeven
dar van der twyer anfanck Ick Herman droste In der tjjt eyn verordent richter unnd
gesworen Yoget to Haren etc.
Und Ick Berndt Langen gesworen Richter to Duthe etc. Und dat beslueth In dem Jare
unses heren dusent viffhundert
twe unnd vertich up Mandach vor Petri ad Vincula Bekennen wy dat wy als der landtfurste durch vlitige
geschehene vhorbedde derwegen an uns gescheit ock densolven gemeynen Buren unnd uth
orsaken In densolven
gerichte schyn angetogen ton bestenn Sodane overlatinge koep und updracht belevet
verwilliget und becrefftiget
hebben beleven verwilligen unnd bekrefftigen In macht dusses unses breves so dat
vurgeschreven Convent unnd ehr
nakomelinge sodanes angekofften landes nu vortmer erfflieh aen unse unser nakomelinge
und Amptluide
lm Emesslande Indracht eder besperunge gelick anderen des Cloisters eigenen guderen
fredelick und umbehindert
sollen besitten gebroken unnd behalden Sunder alle geferde und argelist doch uns hir
Inne vhoerbehalden dat de
upgenompten gemeynen buren van erer marcken aen unse edder unser nakomelinge sunder-
linge verwilligunge
nicht wyder verlaten edder verkopen sollen Unde hebben dusses tor orkunde und bekreff-
tunge unse Segell vor uns
und unse nakoemelinge torn Stifft Munster an dussen unsen breff doen hangen lm Jair
unses heren dusent
viffhundert twe unnd vertich am Gudenssdage nha Severini episcopi.
DORSO : Littera de Barenvledder data ab episcopo.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	39
Regestnr.	223
Register Feith	1542.022.1
Jaar	1542
Datumcode	EpSeveri

x

x

x

x

Commentaar	met het bisschopszegel in rode was

x

Commentaar	N.B. Vermeld Feith Reg. 1542 no. 22,