Heye Wensynghe anders Schbmaker en Geseke zijne huisvrouw geven onder enkele voorwaarden betreffende levensonderhoud en verzorging bij ziekte en ouderdom al hun goederen aan het klooster ter Apel.

Wy Heye Wensynghe anders Schomaker ende Geseke myn echte huysvrouwe bekennen ende betugen In dessen openen
bezegelden breve voir onss ende all onssen erffgenarnen dat wy myt onssen vryen wyllen
wall beradens modes ghesont van
lichaem ende starck ende wyttych van synnen onbedoonghen van yemande hebben upghe-dragen ende overghegeven
dragen up ende gheven over In crafft dessen breves demen Ersamen ende ghestliken heren broder Jacob prior ende gheme
nen Conventes broderen tho Apell Orden des hylligen Cruces vor onssen zyelen zalicheit
ende voir onsser beyder olderen
ende tho hebben de broderscap ende mede deelachtich tho wesen all der goder werck
Inden voirscreven cloester ghesche
en unde mede omme tho hebben wachtynghe ende upseen In onssen older off clanckheit van den verscreven cloester all onsse
goet dat wy nu hebben off hyr namaels noch moghen wynnen off krygen koert ende klene replick eder onreplick
huys hoff renthen breve bedden ende allen anderen huysraedt waer wy Heyge ende Geseke verscreven dat hebben off noch mo
ghen krygen luchtick ende groet rede ende onrede nycht daer aff uuthghescheyden Ende wy Heyge ende Gheseke verscreven loven
priori ende conventui verscreven desser ghyfften ende overghevynghe ende kopynge onsser waringe gode stede waerscap tho doen voir
onss ende onssen arffgenamen ende voir alle dye ghene dye dair myt rechte upspreken
mogen myt alien rechte wertlick eder
gheistlick sunder priors ende conventes verscreven scaden off kost sunder onss Heyen
ende Gheseke off onsser erffgenamen weder ropin
ghe eder segghen beholtlyck dat wy Heye ende Geseke verscreven soe dane goet als
verscreven mogen sollen ende wyllen ghebru
ken so lange wy beyde leven offt onsse een van onss beyden ter lester doet tho onsser
noetdruffte ende tho dess cloes
ters beste ende orbar In vorwarden off onss cranckheit off anders ongeluck an queme van olders wegen eder an
ders wes daer god voir sy sall dan dat convent verscreven dyt verscreven goet antesten ende onss besorgen wachten ende waren
laten ten levende ende ter doet In den lychamen ende inder zyelen nae dat wy des noet ende behoeff hebben sun-
der alle argelyst Hyr hebben by an unde over ghewesen voir tugeslude Johan ende Allardus Wensyngen twe
ghebroderen ende meer gueder luden ghenoech In een tuch der waerheit aller punten verscreven ende merre vestnysse
hebbe wy Heye ende Geseke sakewolders verscreven ghebeden den weerdyghen ende voir-sichtyghen heren Bernde onssen
kercheren dessen breeff voir ende over onss ende onsse erffgenamen tho bezegelen omme ghebreck onss eygens Segels Welck
Ick heer Berent kerchere voirscreven omme bede wyllen Heyen ende Gesekens verscreven bekenne my geerne daen tho heb-
ben, want Ick hyr ock meede an unde over hebbe ghewest ende alle punten als verscreven waer synnen hebbe Ick myn
Segell wytlyken beneden an dessen breeff ghehangen Ghegeven Inden Jaer onss heren dusen dusent vjjffhundert ende
tuelve up sunte Agneten dach der hyllighen Jonfer.
Zegel verloren.
DORSO : littera resignacionis omnium bonorum Hayonis Schomakers in Vlachtwedden.
Onderstreept op rasuur.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	48
Regestnr.	155
Register Feith	1512.012
Jaar	1512
Datumcode	Agneti

x

x

x

Commentaar	met het zegel van Berent, kerkheer, in groene was

x

Commentaar	N.B. Vermeld Feith Reg. 1512 no. 12.