| Nummer:kta145 | Datum:8 jan. 1510 | Overlevering: | Vindplaats:Klooster Ter Apel, inv.nr. 1, fol. 065r, reg. 145 |
Coep van Beesken, sworen richter te Haren oorkondt dat Jacob van Wynckel, prior van ter Apel heeft verklaard als ‘provener und meedebroder’ uit 't klooster te hebben aangenomen Bernd van Hebelle en dat deze van zijn kant aan 't klooster heeft gegeven, al zijne bezittingen ‘beesten, scapen, ymen, bedde, kyste, gelde, clederen enz.
Littera quae Bernardus Hebbele dedit omnia bona sua mobilia et immo
bilia Conventui nostro Et qualiter Bernardus est acceptatus pro praebendario.
Ick Coep van Beesten inder tydt sworen Richter tho Haren uut
bevele des Eerwerdyghen in god doerluchtyghen hoechghe
boren fforsten unde heren heren Erick van gots ghenade Elect
ende confirmaet tho Munster hertich tho Zassen Engeren und West
falen myns ghenedyghen lieven heren doe kunt enkenne
unde betughe openbaer in dessen openen besegelden breve dat
voir my in bywesen der kornoten ende bystanderen des gerich
tes hyer nabescreven in een recht apen heget gherichte sonder
lynx tho dessen nabescreven saken geheget woert Erschenen unde
ghecomen ys dye Ersamen gheestelike heren broder Jacob van
Wynckel prior des Conventes unde der broderen tho Nyenlich
te offt Apell Orden des hilligen Crucis unde bekande voir h..
unde synen gansen Convente broders dat he eendrachteliken
angenomen hadde voir een provener unde medebroder den
vromen Bernde van Hebelle tho besorghen syn levent lan..
in den Cloester gelyck als een van synen broderen in eten
drynken clederen schoen unde in alien anderen noetdrufftyghen
dynghen hem noet ende behoeff ys des lichames unde der zielen
Daer dye voirscreven prior unde Convent voirscreven Bernde voirscreven
eenen gueden breeff myt dat Conventus Segell wall gemaket
up geven sall tot Berndes wyllen sunder alle argelisten Voert
soe bekande Berndt vorgenomt voir my richter in den sulfften
gerichte voir hem unde alle syn eerffgenamen geboren eder ongebo
ren myt synen vryen wyllen wall beradens modes dat he
up gedragen unde overgegheven hadde droech up unde gaff over
in crafft dessen breves myt handen unde myt monde den Ersamen
gheesteliken broder Jacob prior voirscreven van synen Convente
tho ewyghen daghen umme tho hebbene noettrufte syns lycha
mes unde oeck sunderlyngen voir salicheit synre zielen unde tho
hebben inden voirscreven cloester de broderscap unde dat dagelix gebet
unde gueden werken soe lange dat cloester steet voir alle syne
vrunde all syn goet dat he nu hevet offt gehat heft off na
maels krighen mach in beesten scapen ymen bedde kyste gelde
clederen off ander reeschap cleen offt greet replick off onreplick
waer he dat hevet buten den cloester off inden cloester nyet
daer van uutgescheyden beholtelick dat Berndt voirscreven so lange
hem belevet myt syn suster Tybe tho wonende bruken mach
de scapen ymen bedde kyste off anders wes hee behoefftich ys
syn levent lange tho den cloester beste unde nutticheit unde
dan na Berndes dode wyll he nyet dat yemant van synre
wegen anspreken off manen sullen enych goet cleen off groet rep plick off onreplick het sy inden cloester off buten den cloester
men he wyll dait altsamen blyven unde wesen sall by den
voirscreven cloester voir salicheit syre (sic) zielen unde voir syn lieven
olders broderen unde susteren unde voir alle de ghene dye van
Heballer hoeff gestorven synt unde anders nycht sonder alle
argelyst unde behendicheit dye dessen breeff tho yenighen tyden
moghen hinderlick wesen uutgescheiden Hyr weren mede an
unde over kornoten des gerichtes Roloff ter Hoerne unde Her
men Nyeman bystanders des sulven gerichtes Lambert Moller
Johan Sweders unde meer gueder luden genoch In een Or
kunde der waerheit hebbe Ick Coep van Beesten richter vorscr.
myn Segell beneden an dessen breeff gehanghen Ghegeven
in den jaer onsses heren dusent vyffhundert unde teyne des
dynxedagen na den hilligen dree Konynghen.
bilia Conventui nostro Et qualiter Bernardus est acceptatus pro praebendario.
Ick Coep van Beesten inder tydt sworen Richter tho Haren uut
bevele des Eerwerdyghen in god doerluchtyghen hoechghe
boren fforsten unde heren heren Erick van gots ghenade Elect
ende confirmaet tho Munster hertich tho Zassen Engeren und West
falen myns ghenedyghen lieven heren doe kunt enkenne
unde betughe openbaer in dessen openen besegelden breve dat
voir my in bywesen der kornoten ende bystanderen des gerich
tes hyer nabescreven in een recht apen heget gherichte sonder
lynx tho dessen nabescreven saken geheget woert Erschenen unde
ghecomen ys dye Ersamen gheestelike heren broder Jacob van
Wynckel prior des Conventes unde der broderen tho Nyenlich
te offt Apell Orden des hilligen Crucis unde bekande voir h..
unde synen gansen Convente broders dat he eendrachteliken
angenomen hadde voir een provener unde medebroder den
vromen Bernde van Hebelle tho besorghen syn levent lan..
in den Cloester gelyck als een van synen broderen in eten
drynken clederen schoen unde in alien anderen noetdrufftyghen
dynghen hem noet ende behoeff ys des lichames unde der zielen
Daer dye voirscreven prior unde Convent voirscreven Bernde voirscreven
eenen gueden breeff myt dat Conventus Segell wall gemaket
up geven sall tot Berndes wyllen sunder alle argelisten Voert
soe bekande Berndt vorgenomt voir my richter in den sulfften
gerichte voir hem unde alle syn eerffgenamen geboren eder ongebo
ren myt synen vryen wyllen wall beradens modes dat he
up gedragen unde overgegheven hadde droech up unde gaff over
in crafft dessen breves myt handen unde myt monde den Ersamen
gheesteliken broder Jacob prior voirscreven van synen Convente
tho ewyghen daghen umme tho hebbene noettrufte syns lycha
mes unde oeck sunderlyngen voir salicheit synre zielen unde tho
hebben inden voirscreven cloester de broderscap unde dat dagelix gebet
unde gueden werken soe lange dat cloester steet voir alle syne
vrunde all syn goet dat he nu hevet offt gehat heft off na
maels krighen mach in beesten scapen ymen bedde kyste gelde
clederen off ander reeschap cleen offt greet replick off onreplick
waer he dat hevet buten den cloester off inden cloester nyet
daer van uutgescheyden beholtelick dat Berndt voirscreven so lange
hem belevet myt syn suster Tybe tho wonende bruken mach
de scapen ymen bedde kyste off anders wes hee behoefftich ys
syn levent lange tho den cloester beste unde nutticheit unde
dan na Berndes dode wyll he nyet dat yemant van synre
wegen anspreken off manen sullen enych goet cleen off groet rep plick off onreplick het sy inden cloester off buten den cloester
men he wyll dait altsamen blyven unde wesen sall by den
voirscreven cloester voir salicheit syre (sic) zielen unde voir syn lieven
olders broderen unde susteren unde voir alle de ghene dye van
Heballer hoeff gestorven synt unde anders nycht sonder alle
argelyst unde behendicheit dye dessen breeff tho yenighen tyden
moghen hinderlick wesen uutgescheiden Hyr weren mede an
unde over kornoten des gerichtes Roloff ter Hoerne unde Her
men Nyeman bystanders des sulven gerichtes Lambert Moller
Johan Sweders unde meer gueder luden genoch In een Or
kunde der waerheit hebbe Ick Coep van Beesten richter vorscr.
myn Segell beneden an dessen breeff gehanghen Ghegeven
in den jaer onsses heren dusent vyffhundert unde teyne des
dynxedagen na den hilligen dree Konynghen.
x
| Archief | Groninger Archieven |
|---|---|
| Fonds | Klooster Ter Apel |
| Toegangsnummer | 1373 |
| Inventarisnr. | 1 |
| Fol.nr. | fol. 065r |
| Regestnr. | 145 |
| Jaar | 1510 |
| Datumcode | MpEpipha |