Willem Claesz. van Roeszwinkel geeft aan het convent van ter Apel al zijn land, heide en weide, gelegen in 't noorden van Roeszwinkel, waarvoor het convent zijn ziel en de zielen van zijne ouders en erven in gedachtenis zal moeten houden in gebeden.

. Ick Willem Claessoen van Roeszwynckel bekenne ende doe kondt myt dessen openen bes-
zegelden breve dat Ick hebbe gheven up
ghedraghen ende ghegunt den Erbaren Convent vander Apele alszoe dane lant holt twych heyde ende weyde ende guet
. als ick hebbe byder noorderzyde van Roeszwynckel nae inholt des Testaments heren
Willms myns oems szeliger gedacht
nisse welck vorscr. guederen Ick Wilm vorscr. hebbe gecoft nae inholt eens breeffs
besegelt de heer Gheert pastor van
Odoren daer uuth ghemaect heft Oick hebick Wilm vorscr. den selven cloester to gestaen
ende ghegeven alszodane lant als
my Wilm vorscr. an ghearvet is van myner vader szeliger gedachten Ende dyt vorscr. lant
ende legate moghen dat vorscr.
Convent gebruken besitten weyden beszynghen tot oren profyth ende orber to schicken
wair em des best ghenoghet
toe ewighen daghen unde dat sie ende oer nakomelyngen szullen bidden ende gedachnisse
hebben vor myne sziele ende myne
erffenen (sic) zielen Ende myne olders szielen geboren edder ongeboren oick to ewighen
dagen vor to bidden Ende dysse vorscr. legaten
to gebruken als vorscr. is Sunder alleen dat sie offte oir nakomelyngen nyet en sullen vercopen noch vanden vorscr. clo
ester brengen offte verthyen Ende dyt vorscr. moghen gebruken gelyck anderen buren
van Roeszwynckel. Aldus to verstaen dat
sie soe voole szollen hebn als Clawes Janson dair sie moghen teghens to scheide gaen
off up driven behalven dat
estament vorscr. Ende des hebick Wilm vorscr. den cloester vorscr. den stock dair
van gelecht als recht is inden lande van
Roeszwynckel vor den Buren van Roeszwynckel Noemptlick Clawes Johansoen ende Hinrick
Szanders Ende meer gueder
luden ghenoegh Ende des love ick Wilm vorscr. den Convent vorscr. dit lant ghyft ende gave vry to waren vor alle anspra
ke geestlycke ende wartlicke rechten wair des to done sy in den lande van Drenthe.
Dat dyt vorscr. ewich ende vast onbe
straft van enygen luden sall wesen Soe hebick Willm vorscr. noch toe mere vestnisse
ende in orkonde der wairheyt myn eyghen
Seghel gehanghen beneden an dessen brieff Dat geschiet is ende Gegeven inden iair ons
heren dusent vyffhundert ende
acht Inden daghe des hillighen apostels sunte Bartholomeus.
DORSO : Littera Wyllem Clawes de terra upde Roswynckell marck.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	22
Regestnr.	139
Register Feith	1508.002
Jaar	1508
Datumcode	Bartho

x

x

x

x

Commentaar	Het zegel van den schenker is verloren. N.B. Vermeld Feith Reg. 1508 no. 2.