Johan Visscher verkoopt aan Prior en convent van het klooster ter Apel drie schat rogge jaarl. rente, ‘suetholdecher mathen, uut den erve, genieten Roessing, gelegen in der buerscapp van Empne’

Ic Johan Visscher kenne ende tuge voir my ende voir myne erffgenamen dat die Eirberen
pryor ende Convent des Cloesters ter Apell van my qwyt gecoft ende gelosset hebben
drie schat rogghen jaerliker renthen suetfeldscher mathen die ic hadde uut den
Erve genieten Roessinge gelegen inder buerscapp van Empne om ene summe geldes
die myt den achterstedigen roggen my wall betalt is Ende Ic schelde dat Cloester
voirscreven daer van qwyt voir my ende voir myne erffgenamen Sonder all Argelist
in een tuech der waerheit So hebbe ic Johan Visscher desen brieff gescreven
myt myns selfes hant ende besegelt myt mynen segell Gegeven inden jaer onss
heren dusentvierhondert een ende Neghentich opp sancte Katherynendach virginis
et martiris Ende Ic hebbe hem den stock daer van gelacht voir Gheert
Husinge ende Henrick Husinge gebruederen als lantrecht is inden landen van
Drenthe.
Kta091

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	9
Regestnr.	91
Register Feith	1444.013.17
Jaar	1491
Datumcode	Cathar

x

x

Commentaar	met opgedrukt zegel van Visscher

x

Commentaar	Op papier, N.B. Vermeld Feith Reg. 1444 no. 13.