| Nummer:kta067 | Datum:12 maart 1488 | Overlevering: | Vindplaats:Klooster Ter Apel, inv.nr. 1, fol. 044v, reg. 67 |
Betto Fyena te Lerlte verkoopt aan Frederick priester en prebendaat te Lerlte 2 grazen land en een verendel in Mydlumerhamrik.
Copia de duobus graminatis et uno verdel a Betto Tyena in Mydlummer
hamrecka dictam inde Alzeer.
Wytlick kundich unde apenbaer zij allen den ghenen de desen breeff zeen
edder horen lezen woe dat Ick Betto Tyena inwoner tho Hlerlte
enkenne unde betughe claerliken ynder wairheit voer alzweme dat
ick myt mynen vrijen wyllen unde vor beradenen mode myt wyllen
raet unde vulboert myner vrunde unde erfnamen hebbe vorcoft
unde vorcope yeghenwordich yn cracht desses breves thoe
enen steden vasten ewygen erfcope deme beschedenen manne heren Ffrede
rick prester unde praebendaten mede Inwoner tho Hlerlte unde zynen
rechten erffnamen twe grase landes unde een verendel in Mydlummer
hammerka ghelegen in neghen graze de gheheten zynt yn de Alzeer
vor ene summe gheldes de my Betto vorbenoemd vul unde all wall ys be
taelt de eerste pennynck mytten lesten na mynen wyllen unde ghe
noghe des ick hem dancke Waer umme so gheve Ick Betto vorscr.
heren Ffrederick vorbenoemd unde zynen rechten erffnamen oren vullen wyl-
len unde nutticheyt daer mede tho doen sunder yemandes ansprake
gheestelykes ofte warlykes rechtes. Alle arghelist hulperede unde
nye vunde uuthgesproken desses tho tughe so hebben daer mede
yeghenwordych by an unde over ghewesen Johan Derycks tho Twix
lum Neel tho tho (sic) Twixlum unde Albert Pelzer tho Eemeden In oer
kunde desser waerheyt zo hebbe Ick Betto erghenant vrentlyken ghe
beden den Eersamen kercheren heren Nomno tho Twixlum umme sy
nen Inghezeghel voer dessen breeff tho hanghende Unde ick Nomno
vorbenoemd bekenne unde betughe openbaer dat ick tho merer tuchnysse
unde groter waerheit umme bede wyllen des voerbenoemten Betto hebbe myn
ynghezeghel wytliken an dessen breff ghehanghen int jaer uns heren
dusent veerhundert unde achte entachtentich Ipso die Gregorii pape.
Kta067
hamrecka dictam inde Alzeer.
Wytlick kundich unde apenbaer zij allen den ghenen de desen breeff zeen
edder horen lezen woe dat Ick Betto Tyena inwoner tho Hlerlte
enkenne unde betughe claerliken ynder wairheit voer alzweme dat
ick myt mynen vrijen wyllen unde vor beradenen mode myt wyllen
raet unde vulboert myner vrunde unde erfnamen hebbe vorcoft
unde vorcope yeghenwordich yn cracht desses breves thoe
enen steden vasten ewygen erfcope deme beschedenen manne heren Ffrede
rick prester unde praebendaten mede Inwoner tho Hlerlte unde zynen
rechten erffnamen twe grase landes unde een verendel in Mydlummer
hammerka ghelegen in neghen graze de gheheten zynt yn de Alzeer
vor ene summe gheldes de my Betto vorbenoemd vul unde all wall ys be
taelt de eerste pennynck mytten lesten na mynen wyllen unde ghe
noghe des ick hem dancke Waer umme so gheve Ick Betto vorscr.
heren Ffrederick vorbenoemd unde zynen rechten erffnamen oren vullen wyl-
len unde nutticheyt daer mede tho doen sunder yemandes ansprake
gheestelykes ofte warlykes rechtes. Alle arghelist hulperede unde
nye vunde uuthgesproken desses tho tughe so hebben daer mede
yeghenwordych by an unde over ghewesen Johan Derycks tho Twix
lum Neel tho tho (sic) Twixlum unde Albert Pelzer tho Eemeden In oer
kunde desser waerheyt zo hebbe Ick Betto erghenant vrentlyken ghe
beden den Eersamen kercheren heren Nomno tho Twixlum umme sy
nen Inghezeghel voer dessen breeff tho hanghende Unde ick Nomno
vorbenoemd bekenne unde betughe openbaer dat ick tho merer tuchnysse
unde groter waerheit umme bede wyllen des voerbenoemten Betto hebbe myn
ynghezeghel wytliken an dessen breff ghehanghen int jaer uns heren
dusent veerhundert unde achte entachtentich Ipso die Gregorii pape.
Kta067
x
| Archief | Groninger Archieven |
|---|---|
| Fonds | Klooster Ter Apel |
| Toegangsnummer | 1373 |
| Inventarisnr. | 1 |
| Fol.nr. | fol. 044v |
| Regestnr. | 67 |
| Jaar | 1488 |
| Datumcode | Gregor |