| Nummer:kta052 | Datum:27 okt. 1481 | Overlevering: | Vindplaats:Klooster Ter Apel, inv.nr. 9, reg. 52 |
Johan Spelman verkoopt aan zijne huisvrouw Eefzen ‘tijn stede mudde roggen Groninger mathen erffliker renthen uut en over Bole Roesinge guet, geleghen in den kerspell ende inder buerscap van Empne, ende dair toe drie stede mudde roggen jaerliker renthen Groninger mathen uut en over Claeses Cleneken guet gehieten Edinge, gelegen in den kerspell van Sleen ende in der buerscapp van Noertsleen’.
Ic Johan Spelman bekenne ende tuge mit desen openen breve voir my ende voir myne erffgenamen dat ic mit vryen
willen ende gueden voirbedachten rade vercofft hebbe stedes vastes erffkopes erfflic ende ewelic om ene summe geldes die my
voll ende all wall betailt is die leste pennyng mit den yersten Eeffzen mynre echten huysfrouwen ende oeren erffgenamen Tijn stede
mudde roggen Gronynger mathen erffliker renthen uut ende over Bole Roessinge guet den god genedige gelegen
In den kerspell ende inder buerscap van Empne mit synen toebehoeren Ende dait toe Drie stede mudde roggen jairliker
renthen Gronynger mathen uut ende over Clawes Clencken guet gehieten Edinge gelegen inden kerspell van Sleen ende
inder buerscapp van Noertsleen mit synen toebehoeren nae uutwysinge der besegelden breve die ic Johan voirscr. Eeffzen
mynren huysfrouwen voirscr. overgegeven hebbe Welcke Tijn stede mudde ende drie stede mudde roggen des jairs ghelyck
voirscr. staet ic Johan Spelman voirscr. oppgedragen ende overghegeven hebbe drage opp ende gheve over myt hande ende mit
monde rechtevoert in krafft des tegenwoirdigen brieffs affstaende ende uutgaende tot behoeff Eeffsen mynren huesfrouwen
voirscr. ende oeren erffgenamen ende love oer die to waren ende rechte waersapp te doen voir my ende myner erffgenamen ende voir alle die
ghene die dair mit rechte oppspreken moegen Ende hebbe oer daer den stock van gelacht als lantrecht is inden lande
van Drenthe Daer an ende over weren buer van Empne ende Noertsleen Roloff Husinge Henrick Hemynge Marysses ten
Holte Henrick ten Roedenghate ende meer gueder lude genoech Sonder all argelist In een tuech der waerheit soe
hebbe Ic Johan Spelman voirscr. myn Segell voir my ende voir myne erffgenamen witliken beneden an dessen brieff gehangen
Ende om meer vestenisse ende vasticheit hier van te hebben so heb ic gebeden Henric van Oenden dit mede over my
ende mijnen erfgenamen to besegelen Dat ic Henric voirgen. om bede willen Johans voirscr. gerne gedaen hebbe myn segele mede
an dessen brieff hangende Gegeven inden jaer onss hern Dusent vierhondert Eenendetachtentich opp Sancte Symon ende
luden Avent Apostolorum.
Kta052
willen ende gueden voirbedachten rade vercofft hebbe stedes vastes erffkopes erfflic ende ewelic om ene summe geldes die my
voll ende all wall betailt is die leste pennyng mit den yersten Eeffzen mynre echten huysfrouwen ende oeren erffgenamen Tijn stede
mudde roggen Gronynger mathen erffliker renthen uut ende over Bole Roessinge guet den god genedige gelegen
In den kerspell ende inder buerscap van Empne mit synen toebehoeren Ende dait toe Drie stede mudde roggen jairliker
renthen Gronynger mathen uut ende over Clawes Clencken guet gehieten Edinge gelegen inden kerspell van Sleen ende
inder buerscapp van Noertsleen mit synen toebehoeren nae uutwysinge der besegelden breve die ic Johan voirscr. Eeffzen
mynren huysfrouwen voirscr. overgegeven hebbe Welcke Tijn stede mudde ende drie stede mudde roggen des jairs ghelyck
voirscr. staet ic Johan Spelman voirscr. oppgedragen ende overghegeven hebbe drage opp ende gheve over myt hande ende mit
monde rechtevoert in krafft des tegenwoirdigen brieffs affstaende ende uutgaende tot behoeff Eeffsen mynren huesfrouwen
voirscr. ende oeren erffgenamen ende love oer die to waren ende rechte waersapp te doen voir my ende myner erffgenamen ende voir alle die
ghene die dair mit rechte oppspreken moegen Ende hebbe oer daer den stock van gelacht als lantrecht is inden lande
van Drenthe Daer an ende over weren buer van Empne ende Noertsleen Roloff Husinge Henrick Hemynge Marysses ten
Holte Henrick ten Roedenghate ende meer gueder lude genoech Sonder all argelist In een tuech der waerheit soe
hebbe Ic Johan Spelman voirscr. myn Segell voir my ende voir myne erffgenamen witliken beneden an dessen brieff gehangen
Ende om meer vestenisse ende vasticheit hier van te hebben so heb ic gebeden Henric van Oenden dit mede over my
ende mijnen erfgenamen to besegelen Dat ic Henric voirgen. om bede willen Johans voirscr. gerne gedaen hebbe myn segele mede
an dessen brieff hangende Gegeven inden jaer onss hern Dusent vierhondert Eenendetachtentich opp Sancte Symon ende
luden Avent Apostolorum.
Kta052
x
| Archief | Groninger Archieven |
|---|---|
| Fonds | Klooster Ter Apel |
| Toegangsnummer | 1373 |
| Inventarisnr. | 9 |
| Regestnr. | 52 |
| Register Feith | 1444.013.13 |
| Jaar | 1481 |
| Datumcode | vSimJud |