Nederlands (NL)  German (DE)
Nummer:kta025 Datum:25 okt. 1472 Overlevering: Vindplaats:Klooster Ter Apel, inv.nr. 1, fol. 019r, reg. 25

Roloff Hubbelinck verklaart aan 't klooster ter Apel te hebben gegeven 2 stukken land ‘up ter Essche to Empne’.

Bron Recto Dorso Vertaling Relatie Zegels Materiaal Literatuur Index N.B.
Copia littere de duabus peciis terre quas habemus sitas in Empnem ab
Rodolfo Hubbelinck opidano Groningense.
Io Roloff Hubbelinck bekenne und betuge in dessen openen besegelden
breve vor my ende mynen erffgenamen dat ic gegeven hebbe und vermits
dessen breve gheve in de ere godes vor zalicheit myner zielen demen
Ersamen und gheistliken broder Henricus van den Berghe priori unde Ghe
menen Convente Orden des hilligen Cruces to Apel ende eren nako
melinghn erffliken und eweliken myne twe stucke landes up ten Essche
to Empne dat ene by den Gronen walle dat ander by Weyken
Lipschen acker noirtwert geleghn Ende byn des landes vorscr.
uutgeghaen myt hande unde myt monde als lantrecht is in denn
lande van Drenthe Ende hebbe dat overgegheven vry verdich in hand
unde ghewald priori unde Conventui So dat se vortan daer mede moghen
doen all eren willen ende orber Ende love den prior und Convent vorscr. gude
volkomene varschop to done vor alle de daer myt rechte op spreken
moghn Ende heb gebeden Roloff Husingh in der tyt Schulte to Empne
den stock dar van to legghen van myner weghen na rechte des
landes van Drenthe ende dossen breff vor my ende over my to besegelen
Welck Ic Roloff Husinck Schulte in der tyt to Empne my bekenne
hebben gherne gedaen omme Roloff Hubbelincks bede willen Ende hebbe prior
und Convent vorscr. van Roloffs weghen vorscr. daer van gelacht vor den
buren van Empnen als bynamen vor Willem Hovingh Ende Roloff Schirings
ende meer guder lude ghenoich. In Orkonde der waerheit aller puncten vorscr.
heb ic Roloff Husingh vorscr. omme bede willen Roloff Hubbelincks vorscr. ende
want ic hyr mede an und over gewest byn myn Segel an dessen breeff
gehangen Gegeven int jar onss heren M CCCC LXXII up dach Sanctorum Crispini
et Crispiniani martirum.
Kta025
Recto:
x
x
Archief Groninger Archieven
Fonds Klooster Ter Apel
Toegangsnummer 1373
Inventarisnr. 1
Fol.nr. fol. 019r
Regestnr. 25
Jaar 1472
Datumcode Crispi
x