Wilbrandt Schade, knape, verklaart te hebben verkocht aan Johannes Rolevinck 18 osnobrucksche schillingh jaarl. rente, te voldoen op Sunte Margharete in und wt Derthardes huys to Ruele, in 't karspel Meppen, voor een koopsom van 48 Philippus Schilden, waarvoor de verkoper ook weer de rente mag inkopen op Sint Jacob.

Copia littere que Wilbrand Schaeden to Meppen tenetur
annue xviii s. oss. conventui.
Ic Wilbrandt Schade, knape, bekenne und betuge in dossen openen
[doorgehaald: besegelden] breve vor mij und alle mijne rechten erven
dat ic hebbe verkofft und verkope enes steden, vasten, ewigen,
erffliken kopes Johannes Rolevinck und sijne rechten erven offte
holdere dess breves myt sijnen willen xviii oss. schillingh
jarlikes ghelde to borene alle jare onverjaret up Sunte
Marghareten, sunder arghelist, in und uut Dethardes huys
to Ruele also dat belegen is in den kerspell und gerichte
to Meppen up datum doss breves myt alle sijner tobehoringhen
und hebbe dat ghedaen vor ene summe gheldes alse vor
achtendeviertich philippus schilde de my degher, all und
wall to willen betalet synt myt sodaner ghenaden und
onderschede dat ic Wilbrand vorg. und mijne ervent
mach wederkopen und lozen alle jare onverjaret de vorg.
xviii schillingh gheldes vor xlviii philippus schilde offte
golt dat daer guet vor sij up sunte Jacobe, sonder argelyst,
so ver alse daer geen renthe an verseten en is. Dat dyt
allent stede und waer sij so vorg. is, des hebbe ic toe
enen meren tughen und bekantnisse vor mij und all mijnen
rechten erven, gheboren und ongheboren mijn ingesegel an dossen
breeff gehangen. Datum anno domini m cccc xxxviii, ipso
die Crispini et Crispiniani.

x

x

Archief	Groninger Archieven
Fonds	Klooster Ter Apel
Toegangsnummer	1373
Inventarisnr.	1
Fol.nr.	fol. 020r
Regestnr.	3
Jaar	1438
Datumcode	Crispi

x