Hercules van Ewessum en zijn vrouw jonkvrouw Reiner Bywema verklaren verkocht te hebben aan commandeur Bernhardt van Buntlage en de gemene conventslieden van Witwerth drie jukken land min een vierendeel te Helwart in Usquart, ongescheiden gelegen in een heerd van Jurgen Jaerges, die zij enige jaren tevoren gekocht hebben van Peter Ripperda.

Hercules van Eweszum und Junckvrouw Reiner Bywema myn eeliche huisfrouw Doen kundt end bekenne in end vermytz desen
openen besegelden breve vor iderinennichlick betugende, dat wy myt rypen raede und voirbedachtes moedes tot unsernn merlicken
nut und profyet hebben verkofft upgedragen end overgegeven Verkopen dragen up und overgeven in krafft dieses breves vor uns
allen unsen Erven und anerven tot einen ewygen unverbrokenen unwedderroplyken steden und vasten Erffkope dem Eerwerdigenn
Erbaren und Religiosen hernn Bernhardt van Buntlage Comptuer und dem gemeynen Conventz persoenen des godtshues tho witwerth
ordens sancti Johannis baptiste und allen eren nakomelingen Compturen und Conventz persoenen drey Jucken landes myn ein verndel gelegen
tho helwert in dem kerspel van Usquaert unverscheiden in einen hert landes dem Erentfesten und Erbaren Jurgen Jaerges tho behorende
den nu Clauss Sickens in die huere hefft welker drey Jucken landes myn ein verndel wy voir etlicke Jairen van dem Erentfesten
und Erbaren Peter Ripperda erfflick gekofft hebben mit dat selve landt gelick als eer egen doerslachtich Erffguedt eeren vryen willenn
tho doen tho verkopen versetten verpachten erflick the verhuren eder selvest te gebruken wie hoer dat gelevet und best gelegen is
sunder uns unseren Erven und anerven eder jemantz unserent und vrentwegen Inredde Insperinge und overmoet Voir ein
Summa van penningen die uns van dem vurb. heren Comptur und conventz persoen deger all und wal in ener unverdelter Summe is betaelt
und dancken hoer und allen eren nakomelingen vor uns unsen Erven und anerven dieses guder betalinge hebben doe oick in unsere andere
kentlicke uns und oirbar angelecht Wairum wy hercules van Ewessum und Junckvrouw Reiner Bywema eeluden vurscr. hebben sodane
drey Jucken landes myn ein verndel vor ons unseren Erven und anerven van stont an verlaten mit allen rechten und egendom wy dar
enich syns an gehadt und in der qualiteit vurg. geven aver van stont an dem vurb. Comptuer convents personen, hoeren nakomelingen
offt holder dieses breves mit hoeren willen sodane landen in de rechtliche possesion mit alle hoer rechticheiden olden end nyen thobehoren
nichts uthverscheiden Und laven vor uns unsen Erven und anerven in krafft dieses dem ergemelten Comptuer conventz personen
hoeren nakomelingen offt holder dieses sodane drey iucken landes min ein verndel als vurg. is tho leveren und waeren und alle tydt guede
waerschop daer voir the doene, daer voir stellende tot einen rechten underpande alle unse Erven landen haven und guderen replichen und
unreplichen gyne uthbescheyden wie und waer die oick gelegen synt die wy nu hebben edder uns noch ankommen mochten, uth
dem samptlicken ede rein deel wue hoer best gelevet und gelegen is inthomanen end uth tho vorderen mit heren mandaten edder allen
anderen rechthen geistlich und wertlich vryg. schadelos allen hinder schaden myt dem interesse die sie dusses koepes halven lyden end
dragen mochten sunder uns unsen Erven und anerven insperinge und ovelmoet Allent sunder Argelist Renuntierende van
uns unsern Erven und anerven alle rechten statuten privilegien die dussen koep mochten hinderlich syn In orkunde der waerheit
hebbe ick Hercules van Ewessum vorm y voir Junckfrouw Reiner Bywema myn eliche huisfrouw myt eren weten und willenn
unseren Erven und anerven myn gewontlicke Ingesegell under an diesen brieff gehangen end myt egener handt undertekent
die gegeven is In dem Jair unses Salichmakers dusent vyffhundert negen unde Sestich dem sesten der mandt Julij.
[handtekening:] Hercules van Eweszum myn egen hantt

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	289
Regestnr.	1105
Olim	Arch. Klooster Wijtwerd, inv.nr. 19, reg. 161. Reg. Feith 1569.122.
Jaar	1569
Datumcode	0607

x

x

Commentaar	Met het zegel van Hercules van Ewsum

x

Materiaal	perkament