Abt Cornelius Hermanni, prior Warnerus Cornelius en Jacobus Alberti, senior van Wyttewerum, verklaren dat ze verkocht hebben aan Eyfke, weduwe van Johan Wrytzers, een rente, groot 21 emder guldens, gaande uit een kloosterheerd te Wirdum, groot ca. 55 grazen, en verder uit alle kloostergoederen te Wyrdum.

Wy Cornelius Hermanni, Abt by den gratie Godes to
Wyttewerum, ende Warnerus Cornelius Prior, ende Jaco-
bus Alberti Senior onder vorscr. conventes bekennen en-
de belien myt dessen openen breve dat wy vor ons
ende onsen nakomelingen hebben vorkoft, vorcopen,
dragen up ende geven oever dor kracht des breves de
erbare unde doegesame vrou Eyske salighe Johan Wryt-
sers nagelaten weduwe tot profyt hoers kindes Oede
genompt, ende derselver kindes arffghenamen eenen-
twintich Embder gulden van gewichte jarliker renten
dertich Groningher stuver, gemuntet vor datum des
breves, ofte paiment dat dar guet vor ys, vor elcken
gulden gerekent to betalen yaerlix op Jacobi yn de
sommer ofte vrij scadelos gelt met botbreven ofte alle
andere rechten geestlick edder wartlick hoe hoer des
luist ende belevet, yn to manen ende boeren uth unse
convents herdt landes gelegen to Wirdum tusschen de
vyftich ende tsestich grase groth sinde, daer Egbert
Lippens ende Claesteyn zyn husfrou als meyer luden
nu ter tyt op wonen ende vorth uth ende over onse con-
vents ander landen to Wyrdum ofte waer se sodane
rente best uth bekomen konnen gene uthbesundert vry
ende quyth ende vry arffliken de vorscr. renten met hoer
principael alle yaeren ende onverjaert, dan uth to
leveren ende waeren vor een summe geldes de wy be-
kennen opgenomen ende ontfangen thebben tho
stur ende betalinghe der marcklycke schaden van
gevencknisse roewen ende destruweringhe onses
convents wy doet Graft Lodewijck van Asseu opge-
vort ende geleden hebben myt vorwerden togedaen,
dat wy ofte unse nakomelingen to allen tyden
wanneer ons luist ende belevet (ofte wanneer ons de
losse een halft yaer tho voren angeseght ys) solen
edder mogen sodane eenentwintich Embder gulden
rente weder afflossen vry ende quyt copen met dre
hondert Embder gulden payments vorscr. ende met de
vulle rente ende by gebreck van sodane losse met
botbreve ofte alle andere rechten wo vorscr. scade-
los uth den vorscr. underpande mogen manen ende yn-
vorderen. Sunder alle argelyst yn orkonde der
warheyt. So hebben wy Abt Prior ende Senior vorscr.
vor ons ende van wegen onsen convent unde unse
nakomelinghe elck onze namen met egener hant
hir onder gezedt, ende tot noch merder vestenisse onze
convents zegell an desen breff gehangen. Gegeven
up den jaere onses Heren dusent vijffhundert
acht ende tsestich des dagen nha Sunt Jacobb.
/was geteekend/
Cornelius Hermannus Abbas
Warnerus Cornelius Prior
Jacobus Alberti

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	200
Regestnr.	1104
Olim	Reg. Feith 1568.58.
Jahr	1568
Datumcode	cJacobi

x

x

Material	papier