Mauris Ripperda, hoofdeling te Farmsum en Damme, oorkondt dat Ludolphus Lingensis, pastoor, en Aeyldt Edzema, kerkvoogd te Hevensches, enerzijds en commandeur Egbertus Levynck en zijn conventualen te Oesterwerum anderzijds, een landruil hebben aangegaan, waarbij het klooster krijgt drie deimt land buiten de zomerdijk in Oesterwerummer hamrik en de kerk twee deimt hooiland aldaar.

Maurits Ripperda hoeftlinck to Farmsum unde Damme doe kundt unde betuge overmydts dessen openen besegelde breve voeralswemen
dat voer my erschenen ende gecomen synt de walgeleerte Ludolphus Lingensis, pastor te Hevensches, Aeyldt Edzema kerckvoget aldaer unde hebben bekant
uuth vrijen willen voer hoer ende hoeren nakomelyngen dat se van wegen der voerscreven kercke hebben upgedragen unde overgegeven, dragen up unde gheven
over yn enen steden ende vasten onverbroeken arfwissel, ewelick unde arflick denn weerdygen unde religiosen heeren heer Egbertus Levynck, commendator
yn Oesterwerum, myt sampt sijn weerden conventualen unde hoeren nakomelyngen dre deymet landes buten den sommerdyck yn Oesterwerummer hamme-
rick gelegen daer dat convent vorscr. an 't noerden, oesten, suden unde westen aldernegest ys geswettet, myt alle sijn egendoem unde tobehoer alle oere
vrije wille daer mede to doen, vrij, quijt, ewelick unde arflick to gebruken, to besitten, voerhuren, verkopen, voersetten, voerwisselen, onbestraffet van als
wemen unde also nu unde tot allen tijden vrij to leveren unde to waeren, hyerentegens hebben de voerscr. pastor ende vogeden van wegen der vorscr.
kercke weder van des conventes voerscreven landen ontfangen twe deymet meetlandes yn een stuck yn Oesterwerummer hammerick gelegen daer
dat convent vorscr. an 't noerden, suden unde westen myt landen ende wegen unde de scheydinge tusschen Oesterwerummer ende Oterdummer hammercken
an 't oesten aldernegeste. Dewile dan de landen de de pastor unde vogede vorscr. van wegen der vorscr. kercke voerlaeten hebben beter synt dan se weder
van des conventes landen ontfangen hebben, hefft de weerdyge heer vorscr. myt sampt sijn conventualen hoer eens voer al een ghenoechsame
pennynck to gegeven den de benompte pastor ende voeget bekanden dat se van wegen der vorscr. kercke den lesten pennynck mytten eersten tot hoeren
wille hebben ontfangen unde danckeden den weerdygen heeren sampt sijn conventualen guder betalynge. Sunder alle argelist. Dusses
in orkunde der waerheit synt hyermede bij an ende over ghewest, tugen gebeden ende geropen, Bouwe Tiddens unde Allert Tiddens
Noch tot merer vestenisse hebbe yck Mauris Ripperda, hoefftlinck ergemelt, mijn angeboeren ingezeghel wytlick beneden an dessen breeff
ghehangen Gescreven in 't jaer onses heeren dusent vifhundert eenendetsestich am daghe Philippi et Jacobi apostolorum.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	222
Regestnr.	1088
Olim	Arch. Klooster Oosterwierum, inv.nr. 3, reg. 25. Reg. Feith 1561.48.
Jaar	1561
Datumcode	PhiJac

x

x

Commentaar	Met het zegel van Mauris Ripperda

x

Materiaal	perkament