Abt Hinricus van Lontzen, priores Margareta Grimolt, subpriores Johan Eeldes en de conventualen te Zelwert verklaren dat zij Lutgert van Oldensell hebben aangenomen als provenierse, waarbij bepaald wordt dat zij met haar man Allert op de "vena" zal wonen, dat haar eventuele kinderen na haar dood vijftig emder guldens zullen ontvangen en dat zij niet mag hertrouwen dan met toestemming van de abt.

Wij Hinricus van Lontzen van der godes genaden Abt Margareta Grimolt priorinne Johan Eeldes Suppriorinne unde gemeyne
Convents lueden tho Zelwert Bekennen unde belien myt desen oepenen breeve voer ons ende onse naekomelyngen dat
wij hebben aengenoemen unde nemen an Lutgert van Oldensell voer een proevenersche unde Convents mensche see tho
besorgen hoer levent lanck in forme ende manieren hier naebeschreven Inden ersten sal Lutgert vorscr. myt Allert hoer
Echte man woenen up onse vena unde bewaeren dat tho nutticheyt ende profyte des Convents vorscr. bij hoeren zelen saelicheijth
na inholt Allerts breven Deck sint vorworden soe Lutgert vorscr. een kynt twe off meer muchte krijgen by Allert vorscr.
soe sal dat kynth off kinderen na doet Lutgerts hebben ens voer al viftich embder gulden van den Abt ende convent vorscr.
unde sal of soelen de kynderen geen anspraecke meer hebben to enigen guede Soe Lutgert vorscr. nicht over viftich
gulden ingebracht heft in guede Soe aver Lutgert vorscr. geen kijnder krijgt zoe sal na doet Lutgerts alle
in dat convent blijven Reppelyck offte Unreppelyck gelt golt sulver gemuntet ofte ongemuntet woe ende waer
dat gelegen muchte wesen sunder enijghe anspraecke van den arffgenaemen Voerbeholden dat Lutgert sal
moegen geven hoer beste gordel woe ende w*?r oer dat aller beste geleevet Noch sijnt vorworden soe Allert
vorscr. storve voer Lutgert Soe sal Lutgert syn huesfrouwe blijven woenen upt veen ende doen hoer beste soe
lange als se dat voermach ende den abt ende Convent vorscr. dat nuttelyck ende profytelijck duncket tho wesen Unde
Lutgert sal niet moegen weder hillicken bueten wille ende consent des oonvents by vorlesynge oeren proeven Ten lesten
sint oeck noch vorworden Soe den abt ende convent vorscr. duchte dat Lutgert vorscr. upt veen niet en deende
ofte nut were Soe salmen oer haelen in dat convent unde soelen oer daer inne doen een kaemer Unde sal oer gelyck
onsen anderen proeveners doen Unde als dan sal Lutgert mit vorplicht syn tdoen Convents arbeijt unde den priesteren
to denen in oere kranckheyt Oeck sal Allert ende Lutgert verscr. niet moegen enigen torff vorkoepen Wit
ofte Swart bueten consent des Abtes ende Convent vorscr. bij vorliesinge oer proeven In oerkunde
der waerheijb hebben wij Abt ende Convent vorscr. onse convents zegel beneden an desen breeff gehangen
Unde ic Lutgert vorscr. hebbe gebeden den Erbaren ende Vromen Peter Entens voer mij to vorsegelen Dat
welcke ic Peter Entens um bede willen geerne hebbe gedaen gheschreven inden Jaer ons heren dusent vijff
hundert tsestich dennem achten Dach Octobris.
[dorso:] Lutgerts brieff opt Vena.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	19
Regestnr.	1087
Olim	Arch. Klooster Selwerd, inv.nr. 6, reg. 476. Reg. Feith 1560.156.
Jaar	1560
Datumcode	0810

x

x

Commentaar	Met de zegels van het convent van Selwerd en Peter Entens

x

Materiaal	perkament