Abdis Hylle Coenders en het gemene convent van Essen verklaren onder stoklegging een landruil te hebben aangegaan met Lenardt Leonardi, pater, en Deryck van Zutphen, procurator van het fraterhuis te Groningen, en overgedragen te hebben een deel van hun moestuin, grenzende ten zuiden aan de buurbrink, bewoond door hun meier Johan Luynge, in ruil voor een oude tuin met aangrenzend land, welke tuinen gelegen zijn in de buurschap van Borrick in het kerspel Anloe.

Ick Hylle Coenders abdtdysse des convents van Essen myt den gemeenen convente voerscreven bekennen myt
desen openen bezegelden breve voer uns ende unsen naekomelingen dat wy hebben upgedragen ende overgegeven,
dragen up ende geven over in eenen vryen arffwyssel heer Lenardt Leonardi pater ende heer Deryck
van Zutphen procurator des fraterhuyses bynnen Gronningen myt den ghemeenen convente ende oeren naekomelingen
een part van unsen beffreden moestuyn vanden die unse meyer Johan Luynge nu ter tyt ys bruyckende
sick streckende int suyden anden buyrbrinck, int noorden andes paters voerscreven hoeff, int westen and [sic]
des paters voerscreven meyers kamer unde int oesten ande steenen paelen de daer aldoe gesettet worden.
Waer voer en tegens die pater heer Lenardt Leonardi ende heer Derrick van Zutphen procurator
myt den ghemeenen convente des fraterhuyses voerscreven dragen up in gelicker voerscreven fformen Juffer Hille
Coenders vrouwe unde abdtdysse des convents voerscreven ende den gemeenen convente ende oeren naekomelingen
oeren olden gaerden myt dat solvige landt dat naest int noorden ande oeren oldengaerden ys lyggende
sick streckende int noorden anden ssloot van Egbert Hovinckes Wulffneknyts camp ende int
suyden soe wyt als die beffredinge vanden oldengaerden placht tgaen int westen andes convents
van Essen oer grondt ende int oesten als die befredinge vanden olden gaerden placht twesen syck
voert streckende van daer int noorden up de steenen pael die steit byden sloot van Egbert Hovincks vorscreven
camp soe dat Egbert ende synen arffgenamen sollen beholden tendes uyt de suyder eende van syn
voerscreven camp eenen vryen uut ende inffaert myt wagene ende peerden. Desse voerscreven landen synt
gelegen int buyrschup van Borrick int kasspel van Anloe. Van desse voerscreven landen hebbe wy voerscreven
pertenmalkanderen rechte vertichnisse ende bewyssynge gedaen ende hebben malkanderen den stock daer van gelecht
als landtrecht ys inden lande van Drenthe voer twee arffachtige buyren bynnen Borrick als
Egbert Hovinck ende Lambert Altinge ende soe wy voerscreven parten willen desen voerscreven wyssell
onverbroecklicken geholden hebben van uns ende unssen naekomelingen soe hebbe ick Hille Coenders
abdtdysse van wegen unsen convente unse convents zegell beneeden an dessen breeff gehangen ende ick
Leonardus Leonardi pater van wegen unsen convente unse convents zegell beneeden an dessen breeff
gehangen inden jaere unses heeren duysentvyffhondert negen unde vyfftich des ersten dachs
julij des maendts.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	119
Regestnr.	1086
Olim	Arch. Klooster Essen, inv.nr. 1, reg. 131. Reg. Feith 1559.91.
Jaar	1559
Datumcode	0107

x

x

x

Materiaal	perkament

x