Abdis Hille Coenders en het gemene convent te Essen verklaren dat zij een landruil aangegaan hebben met Egbert Hovinck en diens vrouw Grete en bij stoklegging hebben overgedragen hun aandeel van de nieuwe woeste kamp, gelegen in de "winkel" na Haeren, namelijk 2 1/2 waar, grenzende ten oosten aan Borckerhout, in ruil voor de "neerwantsche" akker van Egbert en Grete, welke landen alle in de marke van Borrick onder de klokslag van Anloe zijn gelegen.

Wy Hille Coenders abdisse toe Essen myt dat gemeene convent bekennen myt desen bezegelden breve voer uns ende unsen nakomelingen dat wy hebben upgedragen
ende overgegeven, ewentlicken ende arfflicken in vaster fformen, dragen up ende geven over stedes vastes arffwissels Egbert Hovinck ende Grete syn echte huysfrouwe ende oeren arffgenamen
unse andeel van den nyen woesten verordineerden camp inden winckel nae Haeren noemptlicken een waer de unse convente is toe scheidinge gevallen als die ghemeene
eghen arffden van Borrick tsamen eendrachtelicken die woeste landen aldaer inden winckel myt een lodtscheidinge malkanderen toe geschieden hebben ende dat solvyge deel
dat uns doe daer mede tscheidinge gevallen is in dat slach van darde halve waer daer Egbert voerscreven myt syn lodt myt uns mede in gevallen is myt de twee verendels
van Zuytlaeren welcker dardehalve waeren des nyen voergenoemden verordineerden camps synnen aldaer gelegen soe voerscreven sick streckende int oesten een deels an Borcher
holt ende een deels andes fraters bynnen Gronnyngen oere nye geslagen camps ende int westen an Arent Hennickes darde halve waer camps dat die weerscheit daer van ys
soe dat Egbert ende Grete voerscreven ende oeren arffgenamen moeghen die voerscreven dardehalve waere ende de ander landen die Egbert voerscreven ertydes doerrich butenscup van unsen
convente an sick verkregen mach hebben becampen, beffreden ende tot oeren vryen wille gebruycken ewentlicke ende arfflicken sonder enyghe besperinge van uns noch van
unsen naekomelingen noch emandts van unser wegen offte emandts anders waer voer en tegens Egbert Hovinck ende Grete voerscreven dragen up voer oer ende oeren arffgenamen in
gelicker fformen die abdisse ende den convente voerscreven syn neerwantschen acker die Egbert voerscreven tscheidinge gevallen is tegens syne voerkinder dade syn voerkinder
voerscreven int suyden ende Aleff Drysschers int noerden naest angelandet synt. Desse voerscreven lande alle synt gelegen inde marcke van Borrick onder de clocke van Anloe
van dessen voerscreven wyssel ende buytenschup der landen hebben wy parten voerscreven an beiden tzyden malkanderen rechte vertichnisse ende bewyssinge gedaen ende hebben
malkanderen van allent voerscreven den stock gelacht als landtrecht ys inden lande van Drenthe voer twee arffachtige buyre bynnen Borrick als Aleff Duysschers ende
Lambert Altynge. Ende myts desen loeve wy voerscreven parten desen voerscreven wissel ende butenschup malkanderen tot ewygen dagen vry tleveren ende twaeren voer alle de
geene die daer myt enygen recht up spreken muchten. In oerkunde der waerheit dat uns beide parten dyt voerscreven an beiden syden aldus belevet hefft ende noch
belevet soe hebbe ick Hille Coenders abdisse voerscreven van wegen unses conventes voerscreven unse convents zegell voer uns ende unsen naekomelingen beneeden an dessen
breff gehangen ende ick Egbert Hovinck voerscreven hebbe oeck myn zegell voer my ende mynen arffgenamen beneeden an dessen breeff gehangen int jaer uns heeren duysent
vyffhondert neghen unde vichtich des woensdages nae Sacramenti.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	118
Regestnr.	1084
Olim	Arch. Klooster Essen, inv.nr. 1, reg. 130. Reg. Feith 1559.90.
Jaar	1559
Datumcode	EpSacram

x

x

x

Materiaal	perkament

x