Boele Husynge, zijn vrouw Elskens, zijn broer Jochim en zijn moeder Lumma verklaren verkocht en bij stoklegging overgedragen te hebben aan het convent van Essen een akker op de Esserees, geheten de Noertwoert.

Wij Boele Husynge, Elskens myn huijsfrou, Jochim myn broder, Lumma onse
moder bekennen en* partelyck met dussen openen besegelden breve dat
wij hebben vercoft stedes vastes arfcopes voer ons ende onsen arfgenamen
den arbaren convente van Essen enen acker up Esser eess gheheten dye
Noertwoert daer Helynge an ghelandet synt an dye ene sijt ende dat con-
vent an dye ander sijt voer ene summa van gelde dye ons vul ende
al wal betaelt ys ende dancken den convete [sic] guder betalynge den laesten
pennynck bij den eersten. Item, soe lave wij voerscreven den convente rechte
waerscap thoe holden voer alle rechten dat sy geestelyck ofte warlik
waer des van noden wesen mach sonder enijch argelyst hyr in te vynden.
Item, soe hebbe wij voerscreven den stock ghelecht Luken scheper des
convets [sic] heerden als enen volmaecht voer twe arfburen in Ees als
Gheert Husyngen ende Albert Iddekynge ende meer guden mannen genoech.
Dat dyt aldus ys ghesceen, soe hebben wij tsamentlycken gebeden
dem arbaren ende voersychtygen Albert Peters anders Oskamp genoempt
dussen breeff toe besegelen, want wy selves geenen gebruken, soe heb
ick myn segell an dussen breeff ghehangen int jaer ons heren
dusent vyfhondert twe ende vyftych up sunte Agneten dach.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	115
Regestnr.	1071
Olim	Arch. Klooster Essen, inv.nr. 2, reg. 128. Reg. Feith 1552.28.
Jaar	1552
Datumcode	Agneti

x

x

x

Materiaal	perkament

x