Menno Franckens verkoopt met toestemming van zijn vrouw Menneke aan Thiard op Skotinghaheem en Tette, echtelieden, 1 juk land bij de Munkeswey met 11 roeden dijk.

Kundich ziet al deme ghenen de dessen breeff zien off horen lezen Dat yk Menno Franckens myt
consent mynes wyves Mennekens ende al myns vrenden rades gheve ende voer kope Thiard
up Skotinghaheem ende Tetten zien echter vrouwen een juck landis voer zien hure ende
voer een summa gheldis etc. dat gheleghen ys by den munkes wey Dedden tho Wyrns
tho der swetten gheleghen by der Oester zijt mit zien tho by hoer myt elven roden
dykes Poppen tho Wyrens thor swetten by der wester zijt zo dat ons beyden wal
ghenoghet. My Mennen voerscr. voer dat ghelt ende Thiard voerscr. voer de hure waer
omme zo gheve yk Menno voerscr. Thiard voer gheseghet dyt voerscr. land, vry ende
qwyt voer my ende van my nakomen ende erffghenamen tho voer kopen ende tho voer
wessellen ende zien vrien willen daer mede tho doen he unde zien Erffghenamen
nu ende tot Eweghen daghen hijr hebben an ende over gheweest Gheerth Papin
ghe ende Oest tho Watwert wedmans wyze Al arghelijst ut gheseghet In orkunden
ende der waerheit zo heb yk Menno voerscr. ghebeden her Ayliken mynen cureet
dessen breeff voer my tho byzeghelen Ende yk her Ayliko voerscr. van Mennen
bede wille heb mynen seghel byneden an dessen breeff ghehanghen Int
jaer ons heren M CCCC ende XXIX quarta feria ante letare.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	442
Regestnr.	132
Olim	Arch. Klooster Wijtwerd, inv.nr. 19, reg. 53. Reg. Feith 1429.12.
Jaar	1429
Datumcode	EaLetare

x

x

Commentaar	Met het zegel van Ayliko, pastoor te Usquert

x

Materiaal	perkament